១-៦. បដិច្ចវារាទិ

បច្ចយចតុក្កំ

ហេតុបច្ចយោ

២០. សញ្ញោជនវិប្បយុត្តំ កុសលំ ធម្មំ បដិច្ច សញ្ញោជនវិប្បយុត្តោ កុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ …បេ… បញ្ហាវារេបិ សព្ពត្ថ ឯកំ.)

២១. សញ្ញោជនសម្បយុត្តំ អកុសលំ ធម្មំ បដិច្ច សញ្ញោជនសម្បយុត្តោ អកុសលោ ធម្មោ ឧប្បជ្ជតិ ហេតុបច្ចយា… តីណិ.

សញ្ញោជនសម្បយុត្តំ អកុសលំ ធម្មំ បដិច្ច សញ្ញោជនសម្បយុត្តោ អកុសលោ ធម្មោ ឧប្បជ្ជតិ អារម្មណបច្ចយា (សំខិត្តំ).

២២. ហេតុយា តីណិ, អារម្មណេ បញ្ច, អធិបតិយា ឯកំ…បេ… អវិគតេ បញ្ច (សំខិត្តំ, អនុលោមំ).

បច្ចនីយំ

នហេតុបច្ចយោ

២៣. សញ្ញោជនសម្បយុត្តំ អកុសលំ ធម្មំ បដិច្ច សញ្ញោជនសម្បយុត្តោ អកុសលោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ បដិច្ច វិចិកិច្ឆាសហគតោ មោហោ. សញ្ញោជនសម្បយុត្តំ អកុសលំ ធម្មំ បដិច្ច សញ្ញោជនវិប្បយុត្តោ អកុសលោ ធម្មោ ឧប្បជ្ជតិ នហេតុបច្ចយា – ឧទ្ធច្ចសហគតេ ខន្ធេ បដិច្ច ឧទ្ធច្ចសហគតោ មោហោ. (២) (សំខិត្តំ.)

២៤. នហេតុយា ទ្វេ, នអធិបតិយា បញ្ច, នបុរេជាតេ បញ្ច…បេ… នកម្មេ តីណិ…បេ… នវិប្បយុត្តេ បញ្ច (សំខិត្តំ, បច្ចនីយំ).