៧. បញ្ហាវារោ

បច្ចយចតុក្កំ

ហេតុបច្ចយោ

៥. សញ្ញោជនោ អកុសលោ ធម្មោ សញ្ញោជនស្ស អកុសលស្ស ធម្មស្ស ហេតុបច្ចយេន បច្ចយោ (សំខិត្តំ).

៦. ហេតុយា តីណិ, អារម្មណេ នវ, អធិបតិយា នវ…បេ… ឧបនិស្សយេ អាសេវនេ នវ, កម្មេ តីណិ, អាហារេ ឥន្ទ្រិយេ ឈានេ តីណិ, មគ្គេ សម្បយុត្តេ នវ…បេ… អវិគតេ នវ (សំខិត្តំ).

៧. នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)

អព្យាកតបទំ

ហេតុបច្ចយោ

៨. នោសញ្ញោជនំ អព្យាកតំ ធម្មំ បដិច្ច នោសញ្ញោជនោ អព្យាកតោ ធម្មោ ឧប្បជ្ជតិ ហេតុបច្ចយា (សំខិត្តំ).

៩. ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)