១-៧. បដិច្ចវារាទិ

បច្ចយចតុក្កំ

ហេតុបច្ចយោ

៤២. សញ្ញោជនវិប្បយុត្តំ សញ្ញោជនិយំ កុសលំ ធម្មំ បដិច្ច សញ្ញោជនវិប្បយុត្តោ សញ្ញោជនិយោ កុសលោ ធម្មោ ឧប្បជ្ជតិ ហេតុបច្ចយា. (១)

សញ្ញោជនវិប្បយុត្តំ អសញ្ញោជនិយំ កុសលំ ធម្មំ បដិច្ច សញ្ញោជនវិប្បយុត្តោ អសញ្ញោជនិយោ កុសលោ ធម្មោ ឧប្បជ្ជតិ ហេតុបច្ចយា. (១)

៤៣. ហេតុយា ទ្វេ, អារម្មណេ ទ្វេ…បេ… អវិគតេ ទ្វេ (សំខិត្តំ).

(យថា ចូឡន្តរទុកេ លោកិយទុកសទិសំ. សហជាតវារោបិ…បេ… បញ្ហាវារោបិ សព្ពត្ថ វិត្ថារេតព្ពា.)

៤៤. សញ្ញោជនវិប្បយុត្តោ សញ្ញោជនិយោ អកុសលោ ធម្មោ សញ្ញោជនវិប្បយុត្តស្ស សញ្ញោជនិយស្ស អកុសលស្ស ធម្មស្ស អារម្មណបច្ចយេន បច្ចយោ (សំខិត្តំ).

៤៥. អារម្មណេ ឯកំ (សព្ពត្ថ ឯកំ, សំខិត្តំ).

៤៦. សញ្ញោជនវិប្បយុត្តំ សញ្ញោជនិយំ អព្យាកតំ ធម្មំ បដិច្ច សញ្ញោជនវិប្បយុត្តោ សញ្ញោជនិយោ អព្យាកតោ ធម្មោ ឧប្បជ្ជតិ ហេតុបច្ចយា. (១)

សញ្ញោជនវិប្បយុត្តំ អសញ្ញោជនិយំ អព្យាកតំ ធម្មំ បដិច្ច សញ្ញោជនវិប្បយុត្តោ អសញ្ញោជនិយោ អព្យាកតោ ធម្មោ ឧប្បជ្ជតិ ហេតុបច្ចយា. សញ្ញោជនវិប្បយុត្តំ អសញ្ញោជនិយំ អព្យាកតំ ធម្មំ បដិច្ច សញ្ញោជនវិប្បយុត្តោ សញ្ញោជនិយោ អព្យាកតោ ធម្មោ ឧប្បជ្ជតិ ហេតុបច្ចយា. សញ្ញោជនវិប្បយុត្តំ អសញ្ញោជនិយំ អព្យាកតំ ធម្មំ បដិច្ច សញ្ញោជនវិប្បយុត្តោ សញ្ញោជនិយោ អព្យាកតោ ច សញ្ញោជនវិប្បយុត្តោ អសញ្ញោជនិយោ អព្យាកតោ ច ធម្មា ឧប្បជ្ជន្តិ ហេតុបច្ចយា. (៣)

សញ្ញោជនវិប្បយុត្តំ សញ្ញោជនិយំ អព្យាកតញ្ច សញ្ញោជនវិប្បយុត្តំ អសញ្ញោជនិយំ អព្យាកតញ្ច ធម្មំ បដិច្ច សញ្ញោជនវិប្បយុត្តោ សញ្ញោជនិយោ អព្យាកតោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៤៧. ហេតុយា បញ្ច, អារម្មណេ ទ្វេ, អធិបតិយា បញ្ច…បេ… អាសេវនេ ឯកំ, កម្មេ បញ្ច, វិបាកេ បញ្ច…បេ… អវិគតេ បញ្ច (សំខិត្តំ).

នហេតុយា ឯកំ, នអារម្មណេ តីណិ, នអធិបតិយា ទ្វេ, នបុរេជាតេ ចត្តារិ, នបច្ឆាជាតេ បញ្ច, នអាសេវនេ បញ្ច, នកម្មេ ឯកំ, នវិបាកេ ឯកំ, នវិប្បយុត្តេ ទ្វេ…បេ… នោវិគតេ តីណិ (សំខិត្តំ).

(សហជាតវារោបិ…បេ… សម្បយុត្តវារោបិ បដិច្ចវារសទិសា.)

៤៨. សញ្ញោជនវិប្បយុត្តោ សញ្ញោជនិយោ អព្យាកតោ ធម្មោ សញ្ញោជនវិប្បយុត្តស្ស សញ្ញោជនិយស្ស អព្យាកតស្ស ធម្មស្ស ហេតុបច្ចយេន បច្ចយោ (សំខិត្តំ).

៤៩. ហេតុយា ចត្តារិ, អារម្មណេ តីណិ, អធិបតិយា ចត្តារិ, អនន្តរេ ចត្តារិ…បេ… អវិគតេ សត្ត (សំខិត្តំ).

៥០. នហេតុយា សត្ត, នអារម្មណេ សត្ត (សំខិត្តំ).

ហេតុបច្ចយា នអារម្មណេ ចត្តារិ (សំខិត្តំ).

នហេតុបច្ចយា អារម្មណេ តីណិ (សំខិត្តំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)

សញ្ញោជនគោច្ឆកកុសលត្តិកំ និដ្ឋិតំ.