១-៧. បដិច្ចវារាទិ

បច្ចយចតុក្កំ

ហេតុបច្ចយោ

៣៧. សញ្ញោជនញ្ចេវ សញ្ញោជនសម្បយុត្តញ្ច អកុសលំ ធម្មំ បដិច្ច សញ្ញោជនោ ចេវ សញ្ញោជនសម្បយុត្តោ ច អកុសលោ ធម្មោ ឧប្បជ្ជតិ ហេតុបច្ចយា… តីណិ.

សញ្ញោជនសម្បយុត្តញ្ចេវ នោ ច សញ្ញោជនំ អកុសលំ ធម្មំ បដិច្ច សញ្ញោជនសម្បយុត្តោ ចេវ នោ ច សញ្ញោជនោ អកុសលោ ធម្មោ ឧប្បជ្ជតិ ហេតុបច្ចយា… តីណិ.

សញ្ញោជនញ្ចេវ សញ្ញោជនសម្បយុត្តំ អកុសលញ្ច សញ្ញោជនសម្បយុត្តញ្ចេវ នោ ច សញ្ញោជនំ អកុសលញ្ច ធម្មំ បដិច្ច សញ្ញោជនោ ចេវ សញ្ញោជនសម្បយុត្តោ ច អកុសលោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

៣៨. ហេតុយា នវ, អារម្មណេ នវ, អធិបតិយា នវ…បេ… អវិគតេ នវ (សំខិត្តំ).

នហេតុយា តីណិ, នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នវិប្បយុត្តេ នវ (សំខិត្តំ).

(សហជាតវារោបិ… សម្បយុត្តវារោបិ បដិច្ចវារសទិសា វិត្ថារេតព្ពា.)

៣៩. សញ្ញោជនោ ចេវ សញ្ញោជនសម្បយុត្តោ ច អកុសលោ ធម្មោ សញ្ញោជនស្ស ចេវ សញ្ញោជនសម្បយុត្តស្ស ច អកុសលស្ស ធម្មស្ស ហេតុបច្ចយេន បច្ចយោ (សំខិត្តំ).

៤០. ហេតុយា តីណិ, អារម្មណេ នវ, អធិបតិយា នវ…បេ… ឧបនិស្សយេ អាសេវនេ នវ, កម្មេ អាហារេ ឥន្ទ្រិយេ ឈានេ តីណិ, មគ្គេ សម្បយុត្តេ នវ…បេ… អវិគតេ នវ (សំខិត្តំ).

៤១. នហេតុយា នវ, នអារម្មណេ នវ, នអធិបតិយា នវ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)