២. អកុសលបទំ

ហេតុបច្ចយោ

២២. អាសវសម្បយុត្តំ អកុសលំ ធម្មំ បដិច្ច អាសវសម្បយុត្តោ អកុសលោ ធម្មោ ឧប្បជ្ជតិ ហេតុបច្ចយា… តីណិ.

អាសវវិប្បយុត្តំ អកុសលំ ធម្មំ បដិច្ច អាសវសម្បយុត្តោ អកុសលោ ធម្មោ ឧប្បជ្ជតិ ហេតុបច្ចយា. (១)

អាសវសម្បយុត្តំ អកុសលញ្ច អាសវវិប្បយុត្តំ អកុសលញ្ច ធម្មំ បដិច្ច អាសវសម្បយុត្តោ អកុសលោ ធម្មោ ឧប្បជ្ជតិ ហេតុបច្ចយា. (១)

២៣. ហេតុយា បញ្ច, អារម្មណេ បញ្ច…បេ… អវិគតេ បញ្ច (សំខិត្តំ. សហជាតវារេបិ…បេ… សម្បយុត្តវារេបិ សព្ពត្ថ បញ្ច.)

នហេតុយា ឯកំ, នអធិបតិយា បញ្ច, នបុរេជាតេ បញ្ច…បេ… នកម្មេ តីណិ, នវិបាកេ បញ្ច, នវិប្បយុត្តេ បញ្ច (សំខិត្តំ).

២៤. អាសវសម្បយុត្តោ អកុសលោ ធម្មោ អាសវសម្បយុត្តស្ស អកុសលស្ស ធម្មស្ស ហេតុបច្ចយេន បច្ចយោ… តីណិ.

អាសវវិប្បយុត្តោ អកុសលោ ធម្មោ អាសវសម្បយុត្តស្ស អកុសលស្ស ធម្មស្ស ហេតុបច្ចយេន បច្ចយោ. (១)

អាសវសម្បយុត្តោ អកុសលោ ច អាសវវិប្បយុត្តោ អកុសលោ ច ធម្មា អាសវសម្បយុត្តស្ស អកុសលស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

២៥. ហេតុយា បញ្ច, អារម្មណេ នវ, អធិបតិយា ឯកំ, អនន្តរេ សមនន្តរេ នវ, សហជាតេ អញ្ញមញ្ញេ និស្សយេ បញ្ច, ឧបនិស្សយេ អាសេវនេ នវ, កម្មេ អាហារេ ឥន្ទ្រិយេ ឈានេ មគ្គេ តីណិ, សម្បយុត្តេ បញ្ច…បេ… អវិគតេ បញ្ច (សំខិត្តំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)