១-៧. បដិច្ចវារាទិ

បច្ចយចតុក្កំ

ហេតុបច្ចយោ

៥៥. កេនចិ វិញ្ញេយ្យំ កុសលំ ធម្មំ បដិច្ច កេនចិ វិញ្ញេយ្យោ កុសលោ ធម្មោ ឧប្បជ្ជតិ ហេតុបច្ចយា. កេនចិ វិញ្ញេយ្យំ កុសលំ ធម្មំ បដិច្ច កេនចិ នវិញ្ញេយ្យោ កុសលោ ធម្មោ ឧប្បជ្ជតិ ហេតុបច្ចយា. កេនចិ វិញ្ញេយ្យំ កុសលំ ធម្មំ បដិច្ច កេនចិ វិញ្ញេយ្យោ កុសលោ ច កេនចិ នវិញ្ញេយ្យោ កុសលោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

៥៦. ហេតុយា នវ, អារម្មណេ នវ…បេ… អវិគតេ នវ (សំខិត្តំ).

បច្ចនីយំ

នអធិបតិបច្ចយោ

៥៧. កេនចិ វិញ្ញេយ្យំ កុសលំ ធម្មំ បដិច្ច កេនចិ វិញ្ញេយ្យោ កុសលោ ធម្មោ ឧប្បជ្ជតិ នអធិបតិបច្ចយា (សំខិត្តំ).

៥៨. នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ នវ, នវិបាកេ នវ…បេ… នវិប្បយុត្តេ នវ (សំខិត្តំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)

បច្ចយចតុក្កំ

ហេតុបច្ចយោ

៥៩. កេនចិ វិញ្ញេយ្យោ កុសលោ ធម្មោ កេនចិ វិញ្ញេយ្យស្ស កុសលស្ស ធម្មស្ស ហេតុបច្ចយេន បច្ចយោ (សំខិត្តំ).

៦០. ហេតុយា នវ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ…បេ… កម្មេ នវ…បេ… អវិគតេ នវ (សំខិត្តំ).

នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ នវ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ. កេនចិ វិញ្ញេយ្យំ អកុសលម្បិ កេនចិ វិញ្ញេយ្យំ អព្យាកតម្បិ កេនចិ វិញ្ញេយ្យកុសលសទិសំ វិត្ថារេតព្ពំ).

កេនចិវិញ្ញេយ្យទុកកុសលត្តិកំ និដ្ឋិតំ.

ចូឡន្តរទុកំ និដ្ឋិតំ.