១-៧. បដិច្ចវារាទិ

បច្ចយចតុក្កំ

ហេតុបច្ចយោ

៥០. លោកិយំ អព្យាកតំ ធម្មំ បដិច្ច លោកិយោ អព្យាកតោ ធម្មោ ឧប្បជ្ជតិ ហេតុបច្ចយា. (១)

លោកុត្តរំ អព្យាកតំ ធម្មំ បដិច្ច លោកុត្តរោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

លោកិយំ អព្យាកតញ្ច លោកុត្តរំ អព្យាកតញ្ច ធម្មំ បដិច្ច លោកិយោ អព្យាកតោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៥១. ហេតុយា បញ្ច, អារម្មណេ ទ្វេ…បេ… អាសេវនេ ឯកំ, កម្មេ បញ្ច, វិបាកេ បញ្ច…បេ… អវិគតេ បញ្ច (សំខិត្តំ, អនុលោមំ).

៥២. នហេតុយា ឯកំ, នអារម្មណេ តីណិ, នអធិបតិយា ទ្វេ…បេ… នបុរេជាតេ ចត្តារិ, នបច្ឆាជាតេ បញ្ច…បេ… នកម្មេ ឯកំ, នវិបាកេ ឯកំ, នអាហារេ ឯកំ…បេ… នមគ្គេ ឯកំ, នសម្បយុត្តេ តីណិ, នវិប្បយុត្តេ ទ្វេ, នោនត្ថិយា តីណិ, នោវិគតេ តីណិ (សំខិត្តំ, បច្ចនីយំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)

បច្ចយចតុក្កំ

ហេតុបច្ចយោ

៥៣. លោកិយោ អព្យាកតោ ធម្មោ លោកិយស្ស អព្យាកតស្ស ធម្មស្ស ហេតុបច្ចយេន បច្ចយោ. (១)

លោកុត្តរោ អព្យាកតោ ធម្មោ លោកុត្តរស្ស អព្យាកតស្ស ធម្មស្ស ហេតុបច្ចយេន បច្ចយោ… តីណិ (សំខិត្តំ).

៥៤. ហេតុយា ចត្តារិ, អារម្មណេ តីណិ, អធិបតិយា ចត្តារិ, អនន្តរេ ចត្តារិ, សហជាតេ បញ្ច, អញ្ញមញ្ញេ ទ្វេ, និស្សយេ សត្ត, ឧបនិស្សយេ ចត្តារិ, បុរេជាតេ ទ្វេ, បច្ឆាជាតេ ទ្វេ, អាសេវនេ ឯកំ, កម្មេ ចត្តារិ, វិបាកេ ចត្តារិ, អាហារេ ចត្តារិ…បេ… មគ្គេ ចត្តារិ, សម្បយុត្តេ ទ្វេ, វិប្បយុត្តេ តីណិ, អត្ថិយា សត្ត…បេ… អវិគតេ សត្ត (សំខិត្តំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)

លោកិយទុកកុសលត្តិកំ និដ្ឋិតំ.