១-៧. បដិច្ចវារាទិ

បច្ចយចតុក្កំ

ហេតុបច្ចយោ

៤៣. លោកិយំ កុសលំ ធម្មំ បដិច្ច លោកិយោ កុសលោ ធម្មោ ឧប្បជ្ជតិ ហេតុបច្ចយា. (១)

លោកុត្តរំ កុសលំ ធម្មំ បដិច្ច លោកុត្តរោ កុសលោ ធម្មោ ឧប្បជ្ជតិ ហេតុបច្ចយា. (១)

លោកិយំ កុសលំ ធម្មំ បដិច្ច លោកិយោ កុសលោ ធម្មោ ឧប្បជ្ជតិ អារម្មណបច្ចយា. (១)

លោកុត្តរំ កុសលំ ធម្មំ បដិច្ច លោកុត្តរោ កុសលោ ធម្មោ ឧប្បជ្ជតិ អារម្មណបច្ចយា. (១) (សំខិត្តំ.)

៤៤. ហេតុយា ទ្វេ, អារម្មណេ ទ្វេ, អធិបតិយា ទ្វេ…បេ… កម្មេ ទ្វេ…បេ… អវិគតេ ទ្វេ (សំខិត្តំ, អនុលោមំ).

៤៥. នអធិបតិយា ទ្វេ…បេ… នអាសេវនេ ឯកំ…បេ… នវិប្បយុត្តេ ទ្វេ (សំខិត្តំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)

បច្ចយចតុក្កំ

ហេតុបច្ចយាទិ

៤៦. លោកិយោ កុសលោ ធម្មោ លោកិយស្ស កុសលស្ស ធម្មស្ស ហេតុបច្ចយេន បច្ចយោ. (១)

លោកុត្តរោ កុសលោ ធម្មោ លោកុត្តរស្ស កុសលស្ស ធម្មស្ស ហេតុបច្ចយេន បច្ចយោ. (១)

លោកិយោ កុសលោ ធម្មោ លោកិយស្ស កុសលស្ស ធម្មស្ស អារម្មណបច្ចយេន បច្ចយោ. (១)

លោកុត្តរោ កុសលោ ធម្មោ លោកិយស្ស កុសលស្ស ធម្មស្ស អារម្មណបច្ចយេន បច្ចយោ. (១)

លោកិយោ កុសលោ ធម្មោ លោកិយស្ស កុសលស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. (១)

លោកុត្តរោ កុសលោ ធម្មោ លោកុត្តរស្ស កុសលស្ស ធម្មស្ស អធិបតិបច្ចយេន បច្ចយោ – សហជាតាធិបតិ. លោកុត្តរោ កុសលោ ធម្មោ លោកិយស្ស កុសលស្ស ធម្មស្ស អធិបតិបច្ចយេន បច្ចយោ – អារម្មណាធិបតិ. (២) (សំខិត្តំ.)

៤៧. ហេតុយា ទ្វេ, អារម្មណេ ទ្វេ, អធិបតិយា តីណិ, អនន្តរេ ទ្វេ, សមនន្តរេ ទ្វេ, សហជាតេ ទ្វេ…បេ… ឧបនិស្សយេ ចត្តារិ, អាសេវនេ ទ្វេ, កម្មេ ទ្វេ, អាហារេ ទ្វេ…បេ… អវិគតេ ទ្វេ (សំខិត្តំ.)