១-៧. បដិច្ចវារាទិ

បច្ចយចតុក្កំ

ហេតុបច្ចយោ

១. សប្បច្ចយំ កុសលំ ធម្មំ បដិច្ច សប្បច្ចយោ កុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ).

២. ហេតុយា ឯកំ, អារម្មណេ ឯកំ, អធិបតិយា ឯកំ…បេ… អវិគតេ ឯកំ (សំខិត្តំ).

នអធិបតិបច្ចយោ

៣. សប្បច្ចយំ កុសលំ ធម្មំ បដិច្ច សប្បច្ចយោ កុសលោ ធម្មោ ឧប្បជ្ជតិ នអធិបតិបច្ចយា (សំខិត្តំ).

៤. នអធិបតិយា ឯកំ, នបុរេជាតេ ឯកំ, នបច្ឆាជាតេ ឯកំ, នអាសេវនេ ឯកំ, នកម្មេ ឯកំ, នវិបាកេ ឯកំ, នវិប្បយុត្តេ ឯកំ (សំខិត្តំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)

បច្ចយចតុក្កំ

ហេតុបច្ចយោ

៥. សប្បច្ចយោ កុសលោ ធម្មោ សប្បច្ចយស្ស កុសលស្ស ធម្មស្ស ហេតុបច្ចយេន បច្ចយោ (សំខិត្តំ).

៦. ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

៧. សប្បច្ចយំ អកុសលំ ធម្មំ បដិច្ច សប្បច្ចយោ អកុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៨. ហេតុយា ឯកំ, អារម្មណេ ឯកំ…បេ… អវិគតេ ឯកំ. (សហជាតវារេបិ…បេ… បញ្ហាវារេបិ សព្ពត្ថ ឯកំ).