១-៧. បដិច្ចវារាទិ

១២. កុសលំ សវិតក្កំ ធម្មំ បដិច្ច កុសលោ សវិតក្កោ ធម្មោ ឧប្បជ្ជតិ ហេតុបច្ចយា. (១)

អកុសលំ សវិតក្កំ ធម្មំ បដិច្ច អកុសលោ សវិតក្កោ ធម្មោ ឧប្បជ្ជតិ ហេតុបច្ចយា. (១)

អព្យាកតំ សវិតក្កំ ធម្មំ បដិច្ច អព្យាកតោ សវិតក្កោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

១៣. ហេតុយា តីណិ, អារម្មណេ តីណិ…បេ… អវិគតេ តីណិ (សំខិត្តំ. សហជាតវារម្បិ …បេ… សម្បយុត្តវារម្បិ បដិច្ចវារសទិសំ).

១៤. កុសលោ សវិតក្កោ ធម្មោ កុសលស្ស សវិតក្កស្ស ធម្មស្ស ហេតុបច្ចយេន បច្ចយោ. (១)

អកុសលោ សវិតក្កោ ធម្មោ អកុសលស្ស សវិតក្កស្ស ធម្មស្ស ហេតុបច្ចយេន បច្ចយោ. (១)

អព្យាកតោ សវិតក្កោ ធម្មោ អព្យាកតស្ស សវិតក្កស្ស ធម្មស្ស ហេតុបច្ចយេន បច្ចយោ. (១)

កុសលោ សវិតក្កោ ធម្មោ កុសលស្ស សវិតក្កស្ស ធម្មស្ស អារម្មណបច្ចយេន បច្ចយោ… តីណិ.

អកុសលោ សវិតក្កោ ធម្មោ អកុសលស្ស សវិតក្កស្ស ធម្មស្ស អារម្មណបច្ចយេន បច្ចយោ… តីណិ.

អព្យាកតោ សវិតក្កោ ធម្មោ អព្យាកតស្ស សវិតក្កស្ស ធម្មស្ស អារម្មណបច្ចយេន បច្ចយោ… តីណិ (សំខិត្តំ).

១៥. ហេតុយា តីណិ, អារម្មណេ នវ, អធិបតិយា សត្ត…បេ… អវិគតេ តីណិ. (សំខិត្តំ.)

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

១៦. កុសលំ អវិតក្កំ ធម្មំ បដិច្ច កុសលោ អវិតក្កោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា សត្ត, អារម្មណេ ទ្វេ…បេ… វិបាកេ ឯកំ, អវិគតេ សត្ត (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

១៧. កុសលោ អវិតក្កោ ធម្មោ កុសលស្ស អវិតក្កស្ស ធម្មស្ស ហេតុបច្ចយេន បច្ចយោ… តីណិ.

អព្យាកតោ អវិតក្កោ ធម្មោ អព្យាកតស្ស អវិតក្កស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

១៨. ហេតុយា ចត្តារិ, អារម្មណេ នវ…បេ… អវិគតេ ទស (សំខិត្តំ. យថា កុសលត្តិកេ បញ្ហាវារំ, ឯវំ វិត្ថារេតព្ពំ).