១-៧. បដិច្ចវារាទិ

បច្ចយចតុក្កំ

៤៨. កុសលំ និយ្យានិកំ ធម្មំ បដិច្ច កុសលោ និយ្យានិកោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ).

៤៩. កុសលំ អនិយ្យានិកំ ធម្មំ បដិច្ច កុសលោ អនិយ្យានិកោ ធម្មោ ឧប្បជ្ជតិ ហេតុបច្ចយា… តីណិ.

អកុសលំ អនិយ្យានិកំ ធម្មំ បដិច្ច អកុសលោ អនិយ្យានិកោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ អនិយ្យានិកំ ធម្មំ បដិច្ច អព្យាកតោ អនិយ្យានិកោ ធម្មោ ឧប្បជ្ជតិ ហេតុបច្ចយា. (១)

កុសលំ អនិយ្យានិកញ្ច អព្យាកតំ អនិយ្យានិកញ្ច ធម្មំ បដិច្ច អព្យាកតោ អនិយ្យានិកោ ធម្មោ ឧប្បជ្ជតិ ហេតុបច្ចយា. (១)

អកុសលំ អនិយ្យានិកញ្ច អព្យាកតំ អនិយ្យានិកញ្ច ធម្មំ បដិច្ច អព្យាកតោ អនិយ្យានិកោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៥០. ហេតុយា នវ, អារម្មណេ តីណិ…បេ… អវិគតេ នវ (សំខិត្តំ. សហជាតវារម្បិ…បេ… បញ្ហាវារម្បិ វិត្ថារេតព្ពំ).