១-៧. បដិច្ចវារាទិ

បច្ចយចតុក្កំ

ហេតុបច្ចយោ

៣៥. កុសលំ រូបាវចរំ ធម្មំ បដិច្ច កុសលោ រូបាវចរោ ធម្មោ ឧប្បជ្ជតិ ហេតុបច្ចយា. (១)

អព្យាកតំ រូបាវចរំ ធម្មំ បដិច្ច អព្យាកតោ រូបាវចរោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា ទ្វេ…បេ… អវិគតេ ទ្វេ (សំខិត្តំ).

(សហជាតវារម្បិ…បេ… បញ្ហាវារម្បិ វិត្ថារេតព្ពំ.)

៣៦. កុសលំ នរូបាវចរំ ធម្មំ បដិច្ច កុសលោ នរូបាវចរោ ធម្មោ ឧប្បជ្ជតិ ហេតុបច្ចយា… តីណិ.

អកុសលំ នរូបាវចរំ ធម្មំ បដិច្ច អកុសលោ នរូបាវចរោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ នរូបាវចរំ ធម្មំ បដិច្ច អព្យាកតោ នរូបាវចរោ ធម្មោ ឧប្បជ្ជតិ ហេតុបច្ចយា. (១)

កុសលំ នរូបាវចរញ្ច អព្យាកតំ នរូបាវចរញ្ច ធម្មំ បដិច្ច អព្យាកតោ នរូបាវចរោ ធម្មោ ឧប្បជ្ជតិ ហេតុបច្ចយា. (១)

អកុសលំ នរូបាវចរញ្ច អព្យាកតំ នរូបាវចរញ្ច ធម្មំ បដិច្ច អព្យាកតោ នរូបាវចរោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៣៧. ហេតុយា នវ, អារម្មណេ តីណិ…បេ… អវិគតេ នវ (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

៣៨. កុសលោ នរូបាវចរោ ធម្មោ កុសលស្ស នរូបាវចរស្ស ធម្មស្ស ហេតុបច្ចយេន បច្ចយោ… តីណិ.

អកុសលោ នរូបាវចរោ ធម្មោ អកុសលស្ស នរូបាវចរស្ស ធម្មស្ស ហេតុបច្ចយេន បច្ចយោ… តីណិ.

អព្យាកតោ នរូបាវចរោ ធម្មោ អព្យាកតស្ស នរូបាវចរស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

៣៩. ហេតុយា សត្ត, អារម្មណេ នវ…បេ… អវិគតេ តេរស (សំខិត្តំ. យថា កុសលត្តិកេ បញ្ហាវារំ, ឯវំ វិត្ថារេតព្ពំ).