១-៧. បដិច្ចវារាទិ

បច្ចយចតុក្កំ

ហេតុបច្ចយោ

២៨. កុសលំ កាមាវចរំ ធម្មំ បដិច្ច កុសលោ កាមាវចរោ ធម្មោ ឧប្បជ្ជតិ ហេតុបច្ចយា. កុសលំ កាមាវចរំ ធម្មំ បដិច្ច អព្យាកតោ កាមាវចរោ ធម្មោ ឧប្បជ្ជតិ ហេតុបច្ចយា. កុសលំ កាមាវចរំ ធម្មំ បដិច្ច កុសលោ កាមាវចរោ ច អព្យាកតោ កាមាវចរោ ច ធម្មា ឧប្បជ្ជន្តិ ហេតុបច្ចយា. (៣)

អកុសលំ កាមាវចរំ ធម្មំ បដិច្ច អកុសលោ កាមាវចរោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ កាមាវចរំ ធម្មំ បដិច្ច អព្យាកតោ កាមាវចរោ ធម្មោ ឧប្បជ្ជតិ ហេតុបច្ចយា. (១)

កុសលំ កាមាវចរញ្ច អព្យាកតំ កាមាវចរញ្ច ធម្មំ បដិច្ច អព្យាកតោ កាមាវចរោ ធម្មោ ឧប្បជ្ជតិ ហេតុបច្ចយា. (១)

អកុសលំ កាមាវចរញ្ច អព្យាកតំ កាមាវចរញ្ច ធម្មំ បដិច្ច អព្យាកតោ កាមាវចរោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

២៩. ហេតុយា នវ, អារម្មណេ តីណិ…បេ… អវិគតេ នវ (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

៣០. កុសលោ កាមាវចរោ ធម្មោ កុសលស្ស កាមាវចរស្ស ធម្មស្ស ហេតុបច្ចយេន បច្ចយោ… តីណិ.

អកុសលោ កាមាវចរោ ធម្មោ កុសលស្ស កាមាវចរស្ស ធម្មស្ស ហេតុបច្ចយេន បច្ចយោ… តីណិ.

អព្យាកតោ កាមាវចរោ ធម្មោ អព្យាកតស្ស កាមាវចរស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

៣១. ហេតុយា សត្ត, អារម្មណេ នវ, អធិបតិយា នវ…បេ… អវិគតេ តេរស (សំខិត្តំ. យថា កុសលត្តិកេ បញ្ហាវារំ, ឯវំ វិត្ថារេតព្ពំ).

នកាមាវចរបទំ

ហេតុ-អារម្មណបច្ចយា

៣២. កុសលំ នកាមាវចរំ ធម្មំ បដិច្ច កុសលោ នកាមាវចរោ ធម្មោ ឧប្បជ្ជតិ ហេតុបច្ចយា. (១)

អព្យាកតំ នកាមាវចរំ ធម្មំ បដិច្ច អព្យាកតោ នកាមាវចរោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា ទ្វេ, អារម្មណេ ទ្វេ…បេ… អវិគតេ ទ្វេ (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

៣៣. កុសលោ នកាមាវចរោ ធម្មោ កុសលស្ស នកាមាវចរស្ស ធម្មស្ស ហេតុបច្ចយេន បច្ចយោ. (១)

អព្យាកតោ នកាមាវចរោ ធម្មោ អព្យាកតស្ស នកាមាវចរស្ស ធម្មស្ស ហេតុបច្ចយេន បច្ចយោ. (១)

កុសលោ នកាមាវចរោ ធម្មោ កុសលស្ស នកាមាវចរស្ស ធម្មស្ស អារម្មណបច្ចយេន បច្ចយោ. កុសលោ នកាមាវចរោ ធម្មោ អព្យាកតស្ស នកាមាវចរស្ស ធម្មស្ស អារម្មណបច្ចយេន បច្ចយោ. (២)

អព្យាកតោ នកាមាវចរោ ធម្មោ អព្យាកតស្ស នកាមាវចរស្ស ធម្មស្ស អារម្មណបច្ចយេន បច្ចយោ. អព្យាកតោ នកាមាវចរោ ធម្មោ កុសលស្ស នកាមាវចរស្ស ធម្មស្ស អារម្មណបច្ចយេន បច្ចយោ. (២)

៣៤. ហេតុយា ទ្វេ, អារម្មណេ ចត្តារិ, អធិបតិយា តីណិ…បេ… អវិគតេ ទ្វេ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)