១-៧. បដិច្ចវារាទិ

ហេតុបច្ចយោ

១. អកុសលំ ទស្សនេន បហាតព្ពំ ធម្មំ បដិច្ច អកុសលោ ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

២. កុសលំ នទស្សនេន បហាតព្ពំ ធម្មំ បដិច្ច កុសលោ នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា… តីណិ.

អកុសលំ នទស្សនេន បហាតព្ពំ ធម្មំ បដិច្ច អកុសលោ នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ នទស្សនេន បហាតព្ពំ ធម្មំ បដិច្ច អព្យាកតោ នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា. (១)

កុសលំ នទស្សនេន បហាតព្ពញ្ច អព្យាកតំ នទស្សនេន បហាតព្ពញ្ច ធម្មំ បដិច្ច អព្យាកតោ នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា. (១)

អកុសលំ នទស្សនេន បហាតព្ពញ្ច អព្យាកតំ នទស្សនេន បហាតព្ពញ្ច ធម្មំ បដិច្ច អព្យាកតោ នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា. (១)

៣. ហេតុយា នវ, អារម្មណេ តីណិ…បេ… អវិគតេ នវ (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

៤. កុសលោ នទស្សនេន បហាតព្ពោ ធម្មោ កុសលស្ស នទស្សនេន បហាតព្ពស្ស ធម្មស្ស ហេតុបច្ចយេន បច្ចយោ… តីណិ.

អកុសលោ នទស្សនេន បហាតព្ពោ ធម្មោ អកុសលស្ស នទស្សនេន បហាតព្ពស្ស ធម្មស្ស ហេតុបច្ចយេន បច្ចយោ… តីណិ.

អព្យាកតោ នទស្សនេន បហាតព្ពោ ធម្មោ អព្យាកតស្ស នទស្សនេន បហាតព្ពស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

៥. ហេតុយា សត្ត, អារម្មណេ នវ, អធិបតិយា ទស, អនន្តរេ សត្ត…បេ… អវិគតេ តេរស (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)