១-៧. បដិច្ចវារាទិ

២៥. អព្យាកតំ រូបិំ ធម្មំ បដិច្ច អព្យាកតោ រូបី ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

២៦. កុសលំ អរូបិំ ធម្មំ បដិច្ច កុសលោ អរូបី ធម្មោ ឧប្បជ្ជតិ ហេតុបច្ចយា. (១)

អកុសលំ អរូបិំ ធម្មំ បដិច្ច អកុសលោ អរូបី ធម្មោ ឧប្បជ្ជតិ ហេតុបច្ចយា. (១)

អព្យាកតំ អរូបិំ ធម្មំ បដិច្ច អព្យាកតោ អរូបី ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

២៧. ហេតុយា តីណិ, អារម្មណេ តីណិ…បេ… អវិគតេ តីណិ (សំខិត្តំ).

នហេតុយា ទ្វេ, នអធិបតិយា តីណិ…បេ… (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

២៨. កុសលោ អរូបី ធម្មោ កុសលស្ស អរូបិស្ស ធម្មស្ស ហេតុបច្ចយេន បច្ចយោ. (១)

អកុសលោ អរូបី ធម្មោ អកុសលស្ស អរូបិស្ស ធម្មស្ស ហេតុបច្ចយេន បច្ចយោ. (១)

អព្យាកតោ អរូបី ធម្មោ អព្យាកតស្ស អរូបិស្ស ធម្មស្ស ហេតុបច្ចយេន បច្ចយោ. (១)

កុសលោ អរូបី ធម្មោ កុសលស្ស អរូបិស្ស ធម្មស្ស អារម្មណបច្ចយេន បច្ចយោ… តីណិ.

អកុសលោ អរូបី ធម្មោ អកុសលស្ស អរូបិស្ស ធម្មស្ស អារម្មណបច្ចយេន បច្ចយោ… តីណិ.

អព្យាកតោ អរូបី ធម្មោ អព្យាកតស្ស អរូបិស្ស ធម្មស្ស អារម្មណបច្ចយេន បច្ចយោ (សំខិត្តំ).

២៩. ហេតុយា តីណិ, អារម្មណេ នវ, អធិបតិយា សត្ត…បេ… អវិគតេ តីណិ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)