១-៧. បដិច្ចវារាទិ

បច្ចយចតុក្កំ

១០. កុសលំ អនិទស្សនំ ធម្មំ បដិច្ច កុសលោ អនិទស្សនោ ធម្មោ ឧប្បជ្ជតិ ហេតុបច្ចយា… តីណិ.

អកុសលំ អនិទស្សនំ ធម្មំ បដិច្ច អកុសលោ អនិទស្សនោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ អនិទស្សនំ ធម្មំ បដិច្ច អព្យាកតោ អនិទស្សនោ ធម្មោ ឧប្បជ្ជតិ ហេតុបច្ចយា. (១)

កុសលំ អនិទស្សនញ្ច អព្យាកតំ អនិទស្សនញ្ច ធម្មំ បដិច្ច អព្យាកតោ អនិទស្សនោ ធម្មោ ឧប្បជ្ជតិ ហេតុបច្ចយា. (១)

អកុសលំ អនិទស្សនញ្ច អព្យាកតំ អនិទស្សនញ្ច ធម្មំ បដិច្ច អព្យាកតោ អនិទស្សនោ ធម្មោ ឧប្បជ្ជតិ ហេតុបច្ចយា. (១)

១១. កុសលំ អនិទស្សនំ ធម្មំ បដិច្ច កុសលោ អនិទស្សនោ ធម្មោ ឧប្បជ្ជតិ អារម្មណបច្ចយា. (១)

អកុសលំ អនិទស្សនំ ធម្មំ បដិច្ច អកុសលោ អនិទស្សនោ ធម្មោ ឧប្បជ្ជតិ អារម្មណបច្ចយា. (១)

អព្យាកតំ អនិទស្សនំ ធម្មំ បដិច្ច អព្យាកតោ អនិទស្សនោ ធម្មោ ឧប្បជ្ជតិ អារម្មណបច្ចយា. (១) (សំខិត្តំ.)

១២. ហេតុយា នវ, អារម្មណេ តីណិ…បេ… អវិគតេ នវ (សំខិត្តំ).

បច្ចនីយំ –នហេតុបច្ចយោ

១៣. អកុសលំ អនិទស្សនំ ធម្មំ បដិច្ច អកុសលោ អនិទស្សនោ ធម្មោ ឧប្បជ្ជតិ នហេតុបច្ចយា. (១)

អព្យាកតំ អនិទស្សនំ ធម្មំ បដិច្ច អព្យាកតោ អនិទស្សនោ ធម្មោ ឧប្បជ្ជតិ នហេតុបច្ចយា. (១) (សំខិត្តំ.)

នហេតុយា ទ្វេ, នអារម្មណេ បញ្ច, នអធិបតិយា នវ…បេ… នោវិគតេ បញ្ច (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

ហេតុ-អារម្មណបច្ចយា

១៤. កុសលោ អនិទស្សនោ ធម្មោ កុសលស្ស អនិទស្សនស្ស ធម្មស្ស ហេតុបច្ចយេន បច្ចយោ… តីណិ.

អកុសលោ អនិទស្សនោ ធម្មោ អកុសលស្ស អនិទស្សនស្ស ធម្មស្ស ហេតុបច្ចយេន បច្ចយោ… តីណិ.

អព្យាកតោ អនិទស្សនោ ធម្មោ អព្យាកតស្ស អនិទស្សនស្ស ធម្មស្ស ហេតុបច្ចយេន បច្ចយោ. (១)

១៥. កុសលោ អនិទស្សនោ ធម្មោ កុសលស្ស អនិទស្សនស្ស ធម្មស្ស អារម្មណបច្ចយេន បច្ចយោ… តីណិ.

អកុសលោ អនិទស្សនោ ធម្មោ អកុសលស្ស អនិទស្សនស្ស ធម្មស្ស អារម្មណបច្ចយេន បច្ចយោ… តីណិ.

អព្យាកតោ អនិទស្សនោ ធម្មោ អព្យាកតស្ស អនិទស្សនស្ស ធម្មស្ស អារម្មណបច្ចយេន បច្ចយោ… តីណិ (សំខិត្តំ).

១៦. ហេតុយា សត្ត, អារម្មណេ នវ, អធិបតិយា ទស, អនន្តរេ សត្ត…បេ… ឧបនិស្សយេ នវ…បេ… អវិគតេ តេរស (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)