១-៧. បដិច្ចវារាទិ

បច្ចយចតុក្កំ

ហេតុបច្ចយោ

៣៧. កុសលំ លោកុត្តរំ ធម្មំ បដិច្ច កុសលោ លោកុត្តរោ ធម្មោ ឧប្បជ្ជតិ ហេតុបច្ចយា. (១)

អព្យាកតំ លោកុត្តរំ ធម្មំ បដិច្ច អព្យាកតោ លោកុត្តរោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៣៨. ហេតុយា ទ្វេ, អារម្មណេ ទ្វេ, អធិបតិយា ទ្វេ…បេ… អវិគតេ ទ្វេ (សំខិត្តំ).

នអធិបតិយា ទ្វេ (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

ហេតុអារម្មណបច្ចយាទិ

៣៩. កុសលោ លោកុត្តរោ ធម្មោ កុសលស្ស លោកុត្តរស្ស ធម្មស្ស ហេតុបច្ចយេន បច្ចយោ. (១)

អព្យាកតោ លោកុត្តរោ ធម្មោ អព្យាកតស្ស លោកុត្តរស្ស ធម្មស្ស ហេតុបច្ចយេន បច្ចយោ. (១)

អព្យាកតោ លោកុត្តរោ ធម្មោ អព្យាកតស្ស លោកុត្តរស្ស ធម្មស្ស អារម្មណបច្ចយេន បច្ចយោ. អព្យាកតោ លោកុត្តរោ ធម្មោ កុសលស្ស លោកុត្តរស្ស ធម្មស្ស អារម្មណបច្ចយេន បច្ចយោ. (២)

កុសលោ លោកុត្តរោ ធម្មោ កុសលស្ស លោកុត្តរស្ស ធម្មស្ស អធិបតិបច្ចយេន បច្ចយោ. (១)

អព្យាកតោ លោកុត្តរោ ធម្មោ អព្យាកតស្ស លោកុត្តរស្ស ធម្មស្ស អធិបតិបច្ចយេន បច្ចយោ. អព្យាកតោ លោកុត្តរោ ធម្មោ កុសលស្ស លោកុត្តរស្ស ធម្មស្ស អធិបតិបច្ចយេន បច្ចយោ. (២)

កុសលោ លោកុត្តរោ ធម្មោ អព្យាកតស្ស លោកុត្តរស្ស ធម្មស្ស អនន្តរបច្ចយេន បច្ចយោ. (១)

អព្យាកតោ លោកុត្តរោ ធម្មោ អព្យាកតស្ស លោកុត្តរស្ស ធម្មស្ស អនន្តរបច្ចយេន បច្ចយោ. (១) (សំខិត្តំ.)

៤០. ហេតុយា ទ្វេ, អារម្មណេ ទ្វេ, អធិបតិយា តីណិ, អនន្តរេ ទ្វេ, សមនន្តរេ ទ្វេ, សហជាតេ ទ្វេ, អញ្ញមញ្ញេ ទ្វេ, និស្សយេ ទ្វេ, ឧបនិស្សយេ ចត្តារិ…បេ… អវិគតេ ទ្វេ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)