១-៧. បដិច្ចវារាទិ

បច្ចយចតុក្កំ

ហេតុបច្ចយោ

៣០. កុសលំ លោកិយំ ធម្មំ បដិច្ច កុសលោ លោកិយោ ធម្មោ ឧប្បជ្ជតិ ហេតុបច្ចយា. កុសលំ លោកិយំ ធម្មំ បដិច្ច អព្យាកតោ លោកិយោ ធម្មោ ឧប្បជ្ជតិ ហេតុបច្ចយា. កុសលំ លោកិយំ ធម្មំ បដិច្ច កុសលោ លោកិយោ ច អព្យាកតោ លោកិយោ ច ធម្មា ឧប្បជ្ជន្តិ ហេតុបច្ចយា. (៣)

អកុសលំ លោកិយំ ធម្មំ បដិច្ច អកុសលោ លោកិយោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ លោកិយំ ធម្មំ បដិច្ច អព្យាកតោ លោកិយោ ធម្មោ ឧប្បជ្ជតិ ហេតុបច្ចយា. (១)

កុសលំ លោកិយញ្ច អព្យាកតំ លោកិយញ្ច ធម្មំ បដិច្ច អព្យាកតោ លោកិយោ ធម្មោ ឧប្បជ្ជតិ ហេតុបច្ចយា. (១)

អកុសលំ លោកិយញ្ច អព្យាកតំ លោកិយញ្ច ធម្មំ បដិច្ច អព្យាកតោ លោកិយោ ធម្មោ ឧប្បជ្ជតិ ហេតុបច្ចយា (១) (សំខិត្តំ.)

៣១. ហេតុយា នវ, អារម្មណេ តីណិ…បេ… អវិគតេ នវ (សំខិត្តំ).

បច្ចនីយំ

នហេតុបច្ចយោ

៣២. អកុសលំ លោកិយំ ធម្មំ បដិច្ច អកុសលោ លោកិយោ ធម្មោ ឧប្បជ្ជតិ នហេតុបច្ចយា. (១)

អព្យាកតំ លោកិយំ ធម្មំ បដិច្ច អព្យាកតោ លោកិយោ ធម្មោ ឧប្បជ្ជតិ នហេតុបច្ចយា. (១) (សំខិត្តំ.)

៣៣. នហេតុយា ទ្វេ, នអារម្មណេ បញ្ច, នអធិបតិយា នវ…បេ… នោវិគតេ បញ្ច (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

ហេតុ-អារម្មណបច្ចយា

៣៤. កុសលោ លោកិយោ ធម្មោ កុសលស្ស លោកិយស្ស ធម្មស្ស ហេតុបច្ចយេន បច្ចយោ… តីណិ.

អកុសលោ លោកិយោ ធម្មោ អកុសលស្ស លោកិយស្ស ធម្មស្ស ហេតុបច្ចយេន បច្ចយោ… តីណិ.

អព្យាកតោ លោកិយោ ធម្មោ អព្យាកតស្ស លោកិយស្ស ធម្មស្ស ហេតុបច្ចយេន បច្ចយោ. (១)

៣៥. កុសលោ លោកិយោ ធម្មោ កុសលស្ស លោកិយស្ស ធម្មស្ស អារម្មណបច្ចយេន បច្ចយោ… តីណិ.

អកុសលោ លោកិយោ ធម្មោ អកុសលស្ស លោកិយស្ស ធម្មស្ស អារម្មណបច្ចយេន បច្ចយោ… តីណិ.

អព្យាកតោ លោកិយោ ធម្មោ អព្យាកតស្ស លោកិយស្ស ធម្មស្ស អារម្មណបច្ចយេន បច្ចយោ… តីណិ (សំខិត្តំ).

៣៦. ហេតុយា សត្ត, អារម្មណេ នវ, អធិបតិយា នវ…បេ… អវិគតេ តេរស (សំខិត្តំ. យថា កុសលត្តិកេ បញ្ហាវារំ, ឯវំ វិត្ថារេតព្ពំ).