១-៧. បដិច្ចវារាទិ

បច្ចយចតុក្កំ

១. កុសលំ សប្បច្ចយំ ធម្មំ បដិច្ច កុសលោ សប្បច្ចយោ ធម្មោ ឧប្បជ្ជតិ ហេតុបច្ចយា. កុសលំ សប្បច្ចយំ ធម្មំ បដិច្ច អព្យាកតោ សប្បច្ចយោ ធម្មោ ឧប្បជ្ជតិ ហេតុបច្ចយា. កុសលំ សប្បច្ចយំ ធម្មំ បដិច្ច កុសលោ សប្បច្ចយោ ច អព្យាកតោ សប្បច្ចយោ ច ធម្មា ឧប្បជ្ជន្តិ ហេតុបច្ចយា. (៣)

អកុសលំ សប្បច្ចយំ ធម្មំ បដិច្ច អកុសលោ សប្បច្ចយោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ សប្បច្ចយំ ធម្មំ បដិច្ច អព្យាកតោ សប្បច្ចយោ ធម្មោ ឧប្បជ្ជតិ ហេតុបច្ចយា. (១)

កុសលំ សប្បច្ចយញ្ច អព្យាកតំ សប្បច្ចយញ្ច ធម្មំ បដិច្ច អព្យាកតោ សប្បច្ចយោ ធម្មោ ឧប្បជ្ជតិ ហេតុបច្ចយា. (១)

អកុសលំ សប្បច្ចយញ្ច អព្យាកតំ សប្បច្ចយញ្ច ធម្មំ បដិច្ច អព្យាកតោ សប្បច្ចយោ ធម្មោ ឧប្បជ្ជតិ ហេតុបច្ចយា. (១)

២. កុសលំ សប្បច្ចយំ ធម្មំ បដិច្ច កុសលោ សប្បច្ចយោ ធម្មោ ឧប្បជ្ជតិ អារម្មណបច្ចយា. (១)

អកុសលំ សប្បច្ចយំ ធម្មំ បដិច្ច អកុសលោ សប្បច្ចយោ ធម្មោ ឧប្បជ្ជតិ អារម្មណបច្ចយា. (១)

អព្យាកតំ សប្បច្ចយំ ធម្មំ បដិច្ច អព្យាកតោ សប្បច្ចយោ ធម្មោ ឧប្បជ្ជតិ អារម្មណបច្ចយា. (១) (សំខិត្តំ.)

៣. ហេតុយា នវ, អារម្មណេ តីណិ, អធិបតិយា នវ…បេ… អវិគតេ នវ (សំខិត្តំ).

បច្ចនីយំ

នហេតុបច្ចយោ

៤. អកុសលំ សប្បច្ចយំ ធម្មំ បដិច្ច អកុសលោ សប្បច្ចយោ ធម្មោ ឧប្បជ្ជតិ នហេតុបច្ចយា. (១)

អព្យាកតំ សប្បច្ចយំ ធម្មំ បដិច្ច អព្យាកតោ សប្បច្ចយោ ធម្មោ ឧប្បជ្ជតិ នហេតុបច្ចយា. (១) (សំខិត្តំ.)

៥. នហេតុយា ទ្វេ, នអារម្មណេ បញ្ច, នអធិបតិយា នវ…បេ… នោវិគតេ បញ្ច (សំខិត្តំ).

ហេតុបច្ចយា នអារម្មណេ បញ្ច (សំខិត្តំ).

នហេតុបច្ចយា អារម្មណេ ទ្វេ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

ហេតុ-អារម្មណបច្ចយា

៦. កុសលោ សប្បច្ចយោ ធម្មោ កុសលស្ស សប្បច្ចយស្ស ធម្មស្ស ហេតុបច្ចយេន បច្ចយោ… តីណិ.

អកុសលោ សប្បច្ចយោ ធម្មោ អកុសលស្ស សប្បច្ចយស្ស ធម្មស្ស ហេតុបច្ចយេន បច្ចយោ… តីណិ.

អព្យាកតោ សប្បច្ចយោ ធម្មោ អព្យាកតស្ស សប្បច្ចយស្ស ធម្មស្ស ហេតុបច្ចយេន បច្ចយោ. (១)

៧. កុសលោ សប្បច្ចយោ ធម្មោ កុសលស្ស សប្បច្ចយស្ស ធម្មស្ស អារម្មណបច្ចយេន បច្ចយោ… តីណិ.

អកុសលោ សប្បច្ចយោ ធម្មោ អកុសលស្ស សប្បច្ចយស្ស ធម្មស្ស អារម្មណបច្ចយេន បច្ចយោ… តីណិ.

អព្យាកតោ សប្បច្ចយោ ធម្មោ អព្យាកតស្ស សប្បច្ចយស្ស ធម្មស្ស អារម្មណបច្ចយេន បច្ចយោ… តីណិ (សំខិត្តំ).

៨. ហេតុយា សត្ត, អារម្មណេ នវ, អធិបតិយា ទស, អនន្តរេ សត្ត…បេ… សហជាតេ នវ…បេ… ឧបនិស្សយេ នវ…បេ… អវិគតេ តេរស (សំខិត្តំ).

នហេតុយា បន្នរស, នអារម្មណេ បន្នរស (សំខិត្តំ).

ហេតុបច្ចយា នអារម្មណេ សត្ត (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)