១-៧. បដិច្ចវារាទិ

បច្ចយចតុក្កំ

១១. អរណំ ឧបាទិន្នុបាទានិយំ ធម្មំ បដិច្ច អរណោ ឧបាទិន្នុបាទានិយោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ. សហជាតវារេបិ…បេ… បញ្ហាវារេបិ សព្ពត្ថ ឯកំ).

១២. សរណំ អនុបាទិន្នុបាទានិយំ ធម្មំ បដិច្ច សរណោ អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា… តីណិ.

អរណំ អនុបាទិន្នុបាទានិយំ ធម្មំ បដិច្ច អរណោ អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា. (១)

សរណំ អនុបាទិន្នុបាទានិយញ្ច អរណំ អនុបាទិន្នុបាទានិយញ្ច ធម្មំ បដិច្ច អរណោ អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

១៣. ហេតុយា បញ្ច, អារម្មណេ ទ្វេ…បេ… អវិគតេ បញ្ច (សំខិត្តំ. សហជាតវារម្បិ…បេ… បញ្ហាវារម្បិ សព្ពត្ថ វិត្ថារេតព្ពំ).

១៤. អរណំ អនុបាទិន្នអនុបាទានិយំ ធម្មំ បដិច្ច អរណោ អនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ. សហជាតវារេបិ …បេ… បញ្ហាវារេបិ សព្ពត្ថ ឯកំ).