១-៧. បដិច្ចវារាទិ

បច្ចយចតុក្កំ

៤៥. សរណំ បរិត្តារម្មណំ ធម្មំ បដិច្ច សរណោ បរិត្តារម្មណោ ធម្មោ ឧប្បជ្ជតិ ហេតុបច្ចយា. (១)

អរណំ បរិត្តារម្មណំ ធម្មំ បដិច្ច អរណោ បរិត្តារម្មណោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា ទ្វេ, អារម្មណេ ទ្វេ…បេ… អវិគតេ ទ្វេ. (សំខិត្តំ.) (សហជាតវារោបិ …បេ… បញ្ហាវារោបិ សព្ពត្ថ វិត្ថារេតព្ពា.)

៤៦. សរណំ មហគ្គតារម្មណំ ធម្មំ បដិច្ច សរណោ មហគ្គតារម្មណោ ធម្មោ ឧប្បជ្ជតិ ហេតុបច្ចយា. (១)

អរណំ មហគ្គតារម្មណំ ធម្មំ បដិច្ច អរណោ មហគ្គតារម្មណោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា ទ្វេ, អារម្មណេ ទ្វេ…បេ… អវិគតេ ទ្វេ. (សំខិត្តំ.) (សហជាតវារោបិ…បេ… បញ្ហាវារោបិ វិត្ថារេតព្ពា.)

៤៧. អរណំ អប្បមាណារម្មណំ ធម្មំ បដិច្ច អរណោ អប្បមាណារម្មណោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ. (សំខិត្តំ.) (សហជាតវារេបិ…បេ… បញ្ហាវារេបិ សព្ពត្ថ ឯកំ.)