១-៧. បដិច្ចវារាទិ

បច្ចយចតុក្កំ

១១. នទស្សនេន បហាតព្ពហេតុកំ កុសលំ ធម្ម បដិច្ច នទស្សនេន បហាតព្ពហេតុកោ កុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

១២. ទស្សនេន បហាតព្ពហេតុកំ អកុសលំ ធម្មំ បដិច្ច ទស្សនេន បហាតព្ពហេតុកោ អកុសលោ ធម្មោ ឧប្បជ្ជតិ ហេតុបច្ចយា. (១)

នទស្សនេន បហាតព្ពហេតុកំ អកុសលំ ធម្មំ បដិច្ច នទស្សនេន បហាតព្ពហេតុកោ អកុសលោ ធម្មោ ឧប្បជ្ជតិ ហេតុបច្ចយា. នទស្សនេន បហាតព្ពហេតុកំ អកុសលំ ធម្មំ បដិច្ច ទស្សនេន បហាតព្ពហេតុកោ អកុសលោ ធម្មោ ឧប្បជ្ជតិ ហេតុបច្ចយា. (២)

ទស្សនេន បហាតព្ពហេតុកំ អកុសលញ្ច នទស្សនេន បហាតព្ពហេតុកំ អកុសលញ្ច ធម្មំ បដិច្ច ទស្សនេន បហាតព្ពហេតុកោ អកុសលោ ធម្មោ ឧប្បជ្ជតិ ហេតុបច្ចយា. (១)

ទស្សនេន បហាតព្ពហេតុកំ អកុសលំ ធម្មំ បដិច្ច ទស្សនេន បហាតព្ពហេតុកោ អកុសលោ ធម្មោ ឧប្បជ្ជតិ អារម្មណបច្ចយា… តីណិ (នទស្សនេ ទ្វេ, ឃដនេ ឯកំ, សំខិត្តំ).

១៣. ហេតុយា ចត្តារិ, អារម្មណេ ឆ, អធិបតិយា ទ្វេ (សព្ពត្ថ ឆ), អវិគតេ ឆ (សំខិត្តំ).

១៤. ទស្សនេន បហាតព្ពហេតុកំ អកុសលំ ធម្មំ បដិច្ច នទស្សនេន បហាតព្ពហេតុកោ អកុសលោ ធម្មោ ឧប្បជ្ជតិ នហេតុបច្ចយា.

នទស្សនេន បហាតព្ពហេតុកំ អកុសលំ ធម្មំ បដិច្ច នទស្សនេន បហាតព្ពហេតុកោ អកុសលោ ធម្មោ ឧប្បជ្ជតិ នហេតុបច្ចយា (សំខិត្តំ).

១៥. នហេតុយា ទ្វេ, នអធិបតិយា ឆ…បេ… នកម្មេ ចត្តារិ, នវិបាកេ ឆ, នវិប្បយុត្តេ ឆ (សំខិត្តំ. សហជាតវារាទិ វិត្ថារេតព្ពោ).

១៦. ទស្សនេន បហាតព្ពហេតុកោ អកុសលោ ធម្មោ ទស្សនេន បហាតព្ពហេតុកស្ស អកុសលស្ស ធម្មស្ស ហេតុបច្ចយេន បច្ចយោ (សំខិត្តំ).

១៧. ហេតុយា តីណិ, អារម្មណេ នវ, អធិបតិយា តីណិ (ទស្សនេ ឯកំ, នទស្សនេ ទ្វេ), អនន្តរេ នវ, សមនន្តរេ នវ, សហជាតេ ឆ…បេ… ឧបនិស្សយេ នវ, អាសេវនេ នវ, កម្មេ ចត្តារិ, អាហារេ ចត្តារិ, ឥន្ទ្រិយេ ចត្តារិ…បេ… សម្បយុត្តេ ឆ, អត្ថិយា ឆ, នត្ថិយា នវ…បេ… អវិគតេ ឆ (សំខិត្តំ).

១៨. នទស្សនេន បហាតព្ពហេតុកំ អព្យាកតំ ធម្មំ បដិច្ច នទស្សនេន បហាតព្ពហេតុកោ អព្យាកតោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)