១-៧. បដិច្ចវារាទិ

បច្ចយចតុក្កំ

១០១. សឧត្តរំ កុសលំ ធម្មំ បដិច្ច សឧត្តរោ កុសលោ ធម្មោ ឧប្បជ្ជតិ ហេតុបច្ចយា. (១)

អនុត្តរំ កុសលំ ធម្មំ បដិច្ច អនុត្តរោ កុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

១០២. ហេតុយា ទ្វេ, អារម្មណេ ទ្វេ…បេ… អវិគតេ ទ្វេ (សំខិត្តំ. សហជាតវារោបិ…បេ… បញ្ហាវារោបិ សព្ពត្ថ វិត្ថារេតព្ពា).

១០៣. សឧត្តរំ អកុសលំ ធម្មំ បដិច្ច សឧត្តរោ អកុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ. សហជាតវារេបិ…បេ… បញ្ហាវារេបិ សព្ពត្ថ ឯកំ).

សឧត្តរំ អព្យាកតំ ធម្មំ បដិច្ច សឧត្តរោ អព្យាកតោ ធម្មោ ឧប្បជ្ជតិ ហេតុបច្ចយា. (១)

អនុត្តរំ អព្យាកតំ ធម្មំ បដិច្ច អនុត្តរោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ. (៣)

សឧត្តរំ អព្យាកតញ្ច អនុត្តរំ អព្យាកតញ្ច ធម្មំ បដិច្ច សឧត្តរោ អព្យាកតោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

១០៤. ហេតុយា បញ្ច, អារម្មណេ ទ្វេ…បេ… អវិគតេ បញ្ច (សំខិត្តំ. សហជាតវារម្បិ…បេ… បញ្ហាវារម្បិ សព្ពត្ថ វិត្ថារេតព្ពំ លោកិយទុកអព្យាកតសទិសំ).