១-៧. បដិច្ចវារាទិ

បច្ចយចតុក្កំ

៨. នភាវនាយ បហាតព្ពំ កុសលំ ធម្មំ បដិច្ច នភាវនាយ បហាតព្ពោ កុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

៩. ភាវនាយ បហាតព្ពំ អកុសលំ ធម្មំ បដិច្ច ភាវនាយ បហាតព្ពោ អកុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ទ្វេ, អារម្មណេ ទ្វេ…បេ… អវិគតេ ទ្វេ (សំខិត្តំ. ទស្សនេន បហាតព្ពទុកអកុសលសទិសំ. សហជាតវារេបិ …បេ… បញ្ហាវារេបិ សព្ពត្ថ វិត្ថារេតព្ពំ).

១០. នភាវនាយ បហាតព្ពំ អព្យាកតំ ធម្មំ បដិច្ច នភាវនាយ បហាតព្ពោ អព្យាកតោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)