១-៧. បដិច្ចវារាទិ

បច្ចយចតុក្កំ

៨៥. បរិយាបន្នំ កុសលំ ធម្មំ បដិច្ច បរិយាបន្នោ កុសលោ ធម្មោ ឧប្បជ្ជតិ ហេតុបច្ចយា. (១)

អបរិយាបន្នំ កុសលំ ធម្មំ បដិច្ច អបរិយាបន្នោ កុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៨៦. ហេតុយា ទ្វេ, អារម្មណេ ទ្វេ…បេ… អវិគតេ ទ្វេ (សំខិត្តំ. លោកិយទុកកុសលសទិសំ. សហជាតវារោបិ…បេ… បញ្ហាវារោបិ វិត្ថារេតព្ពា).

៨៧. បរិយាបន្នំ អកុសលំ ធម្មំ បដិច្ច បរិយាបន្នោ អកុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ).

៨៨. បរិយាបន្នំ អព្យាកតំ ធម្មំ បដិច្ច បរិយាបន្នោ អព្យាកតោ ធម្មោ ឧប្បជ្ជតិ ហេតុបច្ចយា. (១)

អបរិយាបន្នំ អព្យាកតំ ធម្មំ បដិច្ច អបរិយាបន្នោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

បរិយាបន្នំ អព្យាកតញ្ច អបរិយាបន្នំ អព្យាកតញ្ច ធម្មំ បដិច្ច បរិយាបន្នោ អព្យាកតោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៨៩. ហេតុយា បញ្ច, អារម្មណេ ទ្វេ…បេ… អវិគតេ បញ្ច (សំខិត្តំ. លោកិយទុកអព្យាកតសទិសំ. សហជាតវារម្បិ…បេ… បញ្ហាវារម្បិ សព្ពត្ថ វិត្ថារេតព្ពំ).