១-៧. បដិច្ចវារាទិ

បច្ចយចតុក្កំ

៧១. រូបាវចរំ កុសលំ ធម្មំ បដិច្ច រូបាវចរោ កុសលោ ធម្មោ ឧប្បជ្ជតិ ហេតុបច្ចយា. (១)

នរូបាវចរំ កុសលំ ធម្មំ បដិច្ច នរូបាវចរោ កុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៧២. ហេតុយា ទ្វេ, អារម្មណេ ទ្វេ (សព្ពត្ថ ទ្វេ, សំខិត្តំ).

នអធិបតិយា ទ្វេ…បេ… នបុរេជាតេ ឯកំ, នអាសេវនេ ឯកំ…បេ… នវិប្បយុត្តេ ឯកំ (សំខិត្តំ. សហជាតវារាទិ វិត្ថារេតព្ពោ).

៧៣. រូបាវចរោ កុសលោ ធម្មោ រូបាវចរស្ស កុសលស្ស ធម្មស្ស ហេតុបច្ចយេន បច្ចយោ. (១)

នរូបាវចរោ កុសលោ ធម្មោ នរូបាវចរស្ស កុសលស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

៧៤. ហេតុយា ទ្វេ, អារម្មណេ ចត្តារិ, អធិបតិយា តីណិ (រូបាវចរេ ឯកំ, សហជាតាធិបតិយេវ, នរូបាវចរេ ទ្វេ), អនន្តរេ តីណិ (រូបាវចរេ ឯកំ, នរូបាវចរេ ទ្វេ), សមនន្តរេ តីណិ, សហជាតេ ទ្វេ…បេ… ឧបនិស្សយេ ចត្តារិ, អាសេវនេ តីណិ, កម្មេ ទ្វេ…បេ… អត្ថិយា ទ្វេ, នត្ថិយា តីណិ…បេ… អវិគតេ ទ្វេ (សំខិត្តំ).

៧៥. នរូបាវចរំ អកុសលំ ធម្មំ បដិច្ច នរូបាវចរោ អកុសលោ ធម្មោ ឧប្បជ្ជតិ ហេតុបច្ចយា (សព្ពត្ថ ឯកំ).

រូបាវចរំ អព្យាកតំ ធម្មំ បដិច្ច រូបាវចរោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

នរូបាវចរំ អព្យាកតំ ធម្មំ បដិច្ច នរូបាវចរោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

រូបាវចរំ អព្យាកតញ្ច នរូបាវចរំ អព្យាកតញ្ច ធម្មំ បដិច្ច រូបាវចរោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

៧៦. ហេតុយា នវ, អារម្មណេ ចត្តារិ, អធិបតិយា បញ្ច…បេ… បុរេជាតេ អាសេវនេ ទ្វេ…បេ… អវិគតេ នវ (សំខិត្តំ. យថា កាមាវចរទុកអព្យាកតសទិសំ, ឯត្តកាយេវ បញ្ហា ហេដ្ឋុបរិកំ បរិវត្តន្តិ. សហជាតវារម្បិ…បេ… បញ្ហាវារម្បិ សព្ពត្ថ វិត្ថារេតព្ពំ).