១-៧. បដិច្ចវារាទិ

បច្ចយចតុក្កំ

៦២. កាមាវចរំ កុសលំ ធម្មំ បដិច្ច កាមាវចរោ កុសលោ ធម្មោ ឧប្បជ្ជតិ ហេតុបច្ចយា. (១)

នកាមាវចរំ កុសលំ ធម្មំ បដិច្ច នកាមាវចរោ កុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៦៣. ហេតុយា ទ្វេ, អារម្មណេ ទ្វេ (សព្ពត្ថ ទ្វេ), អវិគតេ ទ្វេ (សំខិត្តំ).

នអធិបតិយា ទ្វេ…បេ… នវិប្បយុត្តេ ទ្វេ. (សំខិត្តំ.)

(សហជាតវារាទិ វិត្ថារេតព្ពោ.)

៦៤. កាមាវចរោ កុសលោ ធម្មោ កាមាវចរស្ស កុសលស្ស ធម្មស្ស ហេតុបច្ចយេន បច្ចយោ. (១)

នកាមាវចរោ កុសលោ ធម្មោ នកាមាវចរស្ស កុសលស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

៦៥. ហេតុយា ទ្វេ, អារម្មណេ ចត្តារិ, អធិបតិយា តីណិ (កាមាវចរេ ឯកំ, នកាមាវចរេ ទ្វេ), អនន្តរេ តីណិ (កាមាវចរេ ទ្វេ, នកាមាវចរេ ឯកំ)…បេ… សហជាតេ ទ្វេ …បេ… ឧបនិស្សយេ ចត្តារិ, អាសេវនេ តីណិ, កម្មេ ទ្វេ, អាហារេ ទ្វេ…បេ… នត្ថិយា តីណិ…បេ… អវិគតេ ទ្វេ (សំខិត្តំ).

៦៦. កាមាវចរំ អកុសលំ ធម្មំ បដិច្ច កាមាវចរោ អកុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

៦៧. កាមាវចរំ អព្យាកតំ ធម្មំ បដិច្ច កាមាវចរោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

នកាមាវចរំ អព្យាកតំ ធម្មំ បដិច្ច នកាមាវចរោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

កាមាវចរំ អព្យាកតញ្ច នកាមាវចរំ អព្យាកតញ្ច ធម្មំ បដិច្ច កាមាវចរោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

៦៨. ហេតុយា នវ, អារម្មណេ ចត្តារិ, អធិបតិយា បញ្ច…បេ… អញ្ញមញ្ញេ ឆ…បេ… បុរេជាតេ ទ្វេ, អាសេវនេ ទ្វេ…បេ… អវិគតេ នវ (សំខិត្តំ).

នហេតុយា ឯកំ, នអារម្មណេ តីណិ, នអធិបតិយា នវ…បេ… នកម្មេ ទ្វេ, នវិបាកេ បញ្ច, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ទ្វេ, នោនត្ថិយា តីណិ, នោវិគតេ តីណិ (សំខិត្តំ. សហជាតវារាទិ វិត្ថារេតព្ពោ).

៦៩. កាមាវចរោ អព្យាកតោ ធម្មោ កាមាវចរស្ស អព្យាកតស្ស ធម្មស្ស ហេតុបច្ចយេន បច្ចយោ. (១)

នកាមាវចរោ អព្យាកតោ ធម្មោ នកាមាវចរស្ស អព្យាកតស្ស ធម្មស្ស ហេតុបច្ចយេន បច្ចយោ… តីណិ (សំខិត្តំ).

៧០. ហេតុយា ចត្តារិ, អារម្មណេ ចត្តារិ, អធិបតិយា ចត្តារិ (កាមាវចរេ ឯកំ, នកាមាវចរេ តីណិ, កាមាវចរេ សហជាតាធិបតិយេវ), អនន្តរេ ចត្តារិ, សមនន្តរេ ចត្តារិ, សហជាតេ សត្ត, អញ្ញមញ្ញេ ឆ, និស្សយេ សត្ត, ឧបនិស្សយេ ចត្តារិ, បុរេជាតេ ទ្វេ, បច្ឆាជាតេ ទ្វេ, អាសេវនេ តីណិ, កម្មេ ចត្តារិ, វិបាកេ ចត្តារិ, អាហារេ ចត្តារិ…បេ… សម្បយុត្តេ ទ្វេ, វិប្បយុត្តេ តីណិ, អត្ថិយា សត្ត, នត្ថិយា ចត្តារិ…បេ… អវិគតេ សត្ត (សំខិត្តំ).