១-៧. បដិច្ចវារាទិ

បច្ចយចតុក្កំ

៤៥. សប្បីតិកំ កុសលំ ធម្មំ បដិច្ច សប្បីតិកោ កុសលោ ធម្មោ ឧប្បជ្ជតិ ហេតុបច្ចយា. សប្បីតិកំ កុសលំ ធម្មំ បដិច្ច អប្បីតិកោ កុសលោ ធម្មោ ឧប្បជ្ជតិ ហេតុបច្ចយា. សប្បីតិកំ កុសលំ ធម្មំ បដិច្ច សប្បីតិកោ កុសលោ ច អប្បីតិកោ កុសលោ ច ធម្មា ឧប្បជ្ជន្តិ ហេតុបច្ចយា. (៣)

អប្បីតិកំ កុសលំ ធម្មំ បដិច្ច អប្បីតិកោ កុសលោ ធម្មោ ឧប្បជ្ជតិ ហេតុបច្ចយា. អប្បីតិកំ កុសលំ ធម្មំ បដិច្ច សប្បីតិកោ កុសលោ ធម្មោ ឧប្បជ្ជតិ ហេតុបច្ចយា. (២)

សប្បីតិកំ កុសលញ្ច អប្បីតិកំ កុសលញ្ច ធម្មំ បដិច្ច សប្បីតិកោ កុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៤៦. ហេតុយា ឆ (សព្ពត្ថ ឆ)…បេ… អវិគតេ ឆ (សំខិត្តំ).

នអធិបតិយា ឆ, នបុរេជាតេ ឆ…បេ… នកម្មេ ចត្តារិ, នវិប្បយុត្តេ ឆ (សំខិត្តំ. សហជាតវារម្បិ …បេ… សម្បយុត្តវារម្បិ វិត្ថារេតព្ពំ).

៤៧. សប្បីតិកោ កុសលោ ធម្មោ សប្បីតិកស្ស កុសលស្ស ធម្មស្ស ហេតុបច្ចយេន បច្ចយោ… តីណិ.

អប្បីតិកោ កុសលោ ធម្មោ អប្បីតិកស្ស កុសលស្ស ធម្មស្ស ហេតុបច្ចយេន បច្ចយោ. (១)

សប្បីតិកោ កុសលោ ធម្មោ សប្បីតិកស្ស កុសលស្ស ធម្មស្ស អារម្មណបច្ចយេន បច្ចយោ (សំខិត្តំ).

៤៨. ហេតុយា ចត្តារិ, អារម្មណេ នវ, អធិបតិយា នវ (ចត្តារិ សហជាតាធិបតិ), អនន្តរេ នវ, សមនន្តរេ នវ, សហជាតេ ឆ…បេ… ឧបនិស្សយេ នវ, អាសេវនេ នវ, កម្មេ ចត្តារិ, អាហារេ ចត្តារិ, ឥន្ទ្រិយេ ចត្តារិ, ឈានេ ឆ, មគ្គេ ចត្តារិ, សម្បយុត្តេ ឆ, អត្ថិយា ឆ, នត្ថិយា នវ, វិគតេ នវ, អវិគតេ ឆ (សំខិត្តំ).

នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ ចត្តារិ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

អកុសលបទំ

ហេតុបច្ចយោ

៤៩. សប្បីតិកំ អកុសលំ ធម្មំ បដិច្ច សប្បីតិកោ អកុសលោ ធម្មោ ឧប្បជ្ជតិ ហេតុបច្ចយា… តីណិ.

អប្បីតិកំ អកុសលំ ធម្មំ បដិច្ច អប្បីតិកោ អកុសលោ ធម្មោ ឧប្បជ្ជតិ ហេតុបច្ចយា… ទ្វេ.

សប្បីតិកំ អកុសលញ្ច អប្បីតិកំ អកុសលញ្ច ធម្មំ បដិច្ច សប្បីតិកោ អកុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៥០. ហេតុយា ឆ, អារម្មណេ ឆ…បេ… អវិគតេ ឆ (សំខិត្តំ. កុសលសទិសំ. សហជាតវារោបិ…បេ… បញ្ហាវារោបិ វិត្ថារេតព្ពា).

អព្យាកតបទំ

ហេតុបច្ចយោ

៥១. សប្បីតិកំ អព្យាកតំ ធម្មំ បដិច្ច សប្បីតិកោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

អប្បីតិកំ អព្យាកតំ ធម្មំ បដិច្ច អប្បីតិកោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

សប្បីតិកំ អព្យាកតញ្ច អប្បីតិកំ អព្យាកតញ្ច ធម្មំ បដិច្ច សប្បីតិកោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

៥២. ហេតុយា នវ, អារម្មណេ នវ…បេ… បុរេជាតេ ឆ, អាសេវនេ ឆ…បេ… អវិគតេ នវ (សំខិត្តំ).

នហេតុយា នវ, នអារម្មណេ តីណិ, នអធិបតិយា នវ…បេ… នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ នវ, នសម្បយុត្តេ តីណិ, នវិប្បយុត្តេ ឆ…បេ… (សំខិត្តំ. សហជាតវារាទិ វិត្ថារេតព្ពោ).

៥៣. សប្បីតិកោ អព្យាកតោ ធម្មោ សប្បីតិកស្ស អព្យាកតស្ស ធម្មស្ស ហេតុបច្ចយេន បច្ចយោ (សំខិត្តំ).

៥៤. ហេតុយា ចត្តារិ, អារម្មណេ នវ, អធិបតិយា នវ, អនន្តរេ នវ…បេ… (សព្ពត្ថ នវ), ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ នវ, កម្មេ ចត្តារិ, វិបាកេ នវ, អាហារេ ចត្តារិ, ឥន្ទ្រិយេ ចត្តារិ, ឈានេ នវ, មគ្គេ ចត្តារិ, សម្បយុត្តេ ឆ, វិប្បយុត្តេ បញ្ច, អត្ថិយា នវ…បេ… អវិគតេ នវ (សំខិត្តំ).