១-៧. បដិច្ចវារាទិ

បច្ចយចតុក្កំ

៣៧. សវិចារំ កុសលំ ធម្មំ បដិច្ច សវិចារោ កុសលោ ធម្មោ ឧប្បជ្ជតិ ហេតុបច្ចយា… តីណិ.

អវិចារំ កុសលំ ធម្មំ បដិច្ច អវិចារោ កុសលោ ធម្មោ ឧប្បជ្ជតិ ហេតុបច្ចយា… ទ្វេ.

សវិចារំ កុសលញ្ច អវិចារំ កុសលញ្ច ធម្មំ បដិច្ច សវិចារោ កុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៣៨. ហេតុយា ឆ, អារម្មណេ ឆ…បេ… អវិគតេ ឆ (សំខិត្តំ. សវិតក្កទុកកុសលសទិសំ. សហជាតវារម្បិ…បេ… បញ្ហាវារម្បិ វិត្ថារេតព្ពំ).

៣៩. សវិចារំ អកុសលំ ធម្មំ បដិច្ច សវិចារោ អកុសលោ ធម្មោ ឧប្បជ្ជតិ ហេតុបច្ចយា… តីណិ.

អវិចារំ អកុសលំ ធម្មំ បដិច្ច សវិចារោ អកុសលោ ធម្មោ ឧប្បជ្ជតិ ហេតុបច្ចយា. (១)

សវិចារំ អកុសលញ្ច អវិចារំ អកុសលញ្ច ធម្មំ បដិច្ច សវិចារោ អកុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៤០. ហេតុយា បញ្ច, អារម្មណេ បញ្ច…បេ… អវិគតេ បញ្ច (សំខិត្តំ. សវិតក្កទុកអកុសលសទិសំ. សហជាតវារម្បិ…បេ… បញ្ហាវារម្បិ វិត្ថារេតព្ពំ).

៤១. សវិចារំ អព្យាកតំ ធម្មំ បដិច្ច សវិចារោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

អវិចារំ អព្យាកតំ ធម្មំ បដិច្ច អវិចារោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

សវិចារំ អព្យាកតញ្ច អវិចារំ អព្យាកតញ្ច ធម្មំ បដិច្ច សវិចារោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

៤២. ហេតុយា នវ, អារម្មណេ នវ…បេ… វិបាកេ នវ…បេ… អវិគតេ នវ (សំខិត្តំ. សវិតក្កទុកអព្យាកតសទិសំ. សហជាតវារោបិ…បេ… សម្បយុត្តវារោបិ វិត្ថារេតព្ពា).

៤៣. សវិចារោ អព្យាកតោ ធម្មោ សវិចារស្ស អព្យាកតស្ស ធម្មស្ស ហេតុបច្ចយេន បច្ចយោ (សំខិត្តំ).

៤៤. ហេតុយា ចត្តារិ, អារម្មណេ នវ…បេ… មគ្គេ ចត្តារិ …បេ… អវិគតេ នវ (សំខិត្តំ).

នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ ចត្តារិ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)