១-៧. បដិច្ចវារាទិ

បច្ចយចតុក្កំ

ហេតុបច្ចយោ

៩. សំកិលេសិកំ កុសលំ ធម្មំ បដិច្ច សំកិលេសិកោ កុសលោ ធម្មោ ឧប្បជ្ជតិ ហេតុបច្ចយា. (១)

អសំកិលេសិកំ កុសលំ ធម្មំ បដិច្ច អសំកិលេសិកោ កុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

១០. ហេតុយា ទ្វេ, អារម្មណេ ទ្វេ…បេ… អវិគតេ ទ្វេ (សំខិត្តំ. លោកិយទុកកុសលសទិសំ. សហជាតវារម្បិ…បេ… បញ្ហាវារម្បិ វិត្ថារេតព្ពំ).

១១. សំកិលេសិកំ អកុសលំ ធម្មំ បដិច្ច សំកិលេសិកោ អកុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

១២. សំកិលេសិកំ អព្យាកតំ ធម្មំ បដិច្ច សំកិលេសិកោ អព្យាកតោ ធម្មោ ឧប្បជ្ជតិ ហេតុបច្ចយា. (១)

អសំកិលេសិកំ អព្យាកតំ ធម្មំ បដិច្ច អសំកិលេសិកោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

សំកិលេសិកំ អព្យាកតញ្ច អសំកិលេសិកំ អព្យាកតញ្ច ធម្មំ បដិច្ច សំកិលេសិកោ អព្យាកតោ ធម្មោ ឧប្បជ្ជតិ ហេតុបច្ចយា (សំខិត្តំ).

១៣. ហេតុយា បញ្ច, អារម្មណេ ទ្វេ…បេ… អវិគតេ បញ្ច (សំខិត្តំ. លោកិយទុកអព្យាកតសទិសំ. សហជាតវារេបិ…បេ… បញ្ហាវារេបិ សព្ពត្ថ វិត្ថារេតព្ពំ).