១-៧. បដិច្ចវារាទិ

បច្ចយចតុក្កំ

២៦. កិលេសញ្ចេវ កិលេសសម្បយុត្តញ្ច អកុសលំ ធម្មំ បដិច្ច កិលេសោ ចេវ កិលេសសម្បយុត្តោ ច អកុសលោ ធម្មោ ឧប្បជ្ជតិ ហេតុបច្ចយា… តីណិ.

កិលេសសម្បយុត្តញ្ចេវ នោ ច កិលេសំ អកុសលំ ធម្មំ បដិច្ច កិលេសសម្បយុត្តោ ចេវ នោ ច កិលេសោ អកុសលោ ធម្មោ ឧប្បជ្ជតិ ហេតុបច្ចយា… តីណិ.

កិលេសញ្ចេវ កិលេសសម្បយុត្តំ អកុសលញ្ច កិលេសសម្បយុត្តញ្ចេវ នោ ច កិលេសំ អកុសលញ្ច ធម្មំ បដិច្ច កិលេសោ ចេវ កិលេសសម្បយុត្តោ ច អកុសលោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

២៧. ហេតុយា នវ, អារម្មណេ នវ…បេ… អវិគតេ នវ (សំខិត្តំ. កិលេសទុកអកុសលសទិសំ. សហជាតវារេបិ…បេ… បញ្ហាវារេបិ សព្ពត្ថ វិត្ថារេតព្ពំ).