១-៧. បដិច្ចវារាទិ

បច្ចយចតុក្កំ

ហេតុបច្ចយោ

១. នោកិលេសំ កុសលំ ធម្មំ បដិច្ច នោកិលេសោ កុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

២. កិលេសំ អកុសលំ ធម្មំ បដិច្ច កិលេសោ អកុសលោ ធម្មោ ឧប្បជ្ជតិ ហេតុបច្ចយា… តីណិ.

នោកិលេសំ អកុសលំ ធម្មំ បដិច្ច នោកិលេសោ អកុសលោ ធម្មោ ឧប្បជ្ជតិ ហេតុបច្ចយា… តីណិ.

កិលេសំ អកុសលញ្ច នោកិលេសំ អកុសលញ្ច ធម្មំ បដិច្ច កិលេសោ អកុសលោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

៣. ហេតុយា នវ, អារម្មណេ នវ (សព្ពត្ថ នវ), អវិគតេ នវ (សំខិត្តំ).

៤. កិលេសំ អកុសលំ ធម្មំ បដិច្ច កិលេសោ អកុសលោ ធម្មោ ឧប្បជ្ជតិ នហេតុបច្ចយា – វិចិកិច្ឆំ បដិច្ច វិចិកិច្ឆាសហគតោ មោហោ, ឧទ្ធច្ចំ បដិច្ច ឧទ្ធច្ចសហគតោ មោហោ (១).

នោកិលេសំ អកុសលំ ធម្មំ បដិច្ច កិលេសោ អកុសលោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

កិលេសំ អកុសលញ្ច នោកិលេសំ អកុសលញ្ច ធម្មំ បដិច្ច កិលេសោ អកុសលោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ ច វិចិកិច្ឆញ្ច បដិច្ច វិចិកិច្ឆាសហគតោ មោហោ, ឧទ្ធច្ចសហគតេ ខន្ធេ ច ឧទ្ធច្ចញ្ច បដិច្ច ឧទ្ធច្ចសហគតោ មោហោ. (១) (សំខិត្តំ.)

៥. នហេតុយា តីណិ, នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នវិប្បយុត្តេ នវ (សំខិត្តំ, សហជាតវារាទិ វិត្ថារេតព្ពោ).

៦. កិលេសោ អកុសលោ ធម្មោ កិលេសស្ស អកុសលស្ស ធម្មស្ស ហេតុបច្ចយេន បច្ចយោ (សំខិត្តំ).

៧. ហេតុយា តីណិ, អារម្មណេ នវ, អធិបតិយា នវ (មជ្ឈេ តីណិ សហជាតាធិបតិ), អនន្តរេ នវ, សមនន្តរេ នវ…បេ… ឧបនិស្សយេ នវ, អាសេវនេ នវ, កម្មេ តីណិ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ នវ, សម្បយុត្តេ នវ…បេ… អវិគតេ នវ (សំខិត្តំ).

នោកិលេសំ អព្យាកតំ ធម្មំ បដិច្ច នោកិលេសោ អព្យាកតោ ធម្មោ ឧប្បជ្ជតិ ហេតុបច្ចយា (សំខិត្តំ).

៨. ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)