១. វិភង្គវារោ

ហេតុបច្ចយោ

៧៥. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស ហេតុបច្ចយេន បច្ចយោ – ទស្សនេន បហាតព្ពហេតុកា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. (១)

ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស ហេតុបច្ចយេន បច្ចយោ – ទស្សនេន បហាតព្ពហេតុកា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ. (២)

ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ហេតុបច្ចយេន បច្ចយោ – ទស្សនេន បហាតព្ពហេតុកា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

ភាវនាយ បហាតព្ពហេតុកោ ធម្មោ… តីណិ.

៧៦. នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស ហេតុបច្ចយេន បច្ចយោ…បេ….

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស ហេតុបច្ចយេន បច្ចយោ – វិចិកិច្ឆាសហគតោ មោហោ សម្បយុត្តកានំ ខន្ធានំ ហេតុបច្ចយេន បច្ចយោ. (២)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស ហេតុបច្ចយេន បច្ចយោ – ឧទ្ធច្ចសហគតោ មោហោ សម្បយុត្តកានំ ខន្ធានំ ហេតុបច្ចយេន បច្ចយោ. (៣)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ហេតុបច្ចយេន បច្ចយោ – វិចិកិច្ឆាសហគតោ មោហោ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៤)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ហេតុបច្ចយេន បច្ចយោ – ឧទ្ធច្ចសហគតោ មោហោ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៥)

អារម្មណបច្ចយោ

៧៧. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ទស្សនេន បហាតព្ពហេតុកំ រាគំ អស្សាទេតិ អភិនន្ទតិ; តំ អារព្ភ ទស្សនេន បហាតព្ពហេតុកោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ទស្សនេន បហាតព្ពហេតុកំ ទោមនស្សំ ឧប្បជ្ជតិ. ទិដ្ឋិំ អស្សាទេតិ អភិនន្ទតិ; តំ អារព្ភ ទស្សនេន បហាតព្ពហេតុកោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ទស្សនេន បហាតព្ពហេតុកំ ទោមនស្សំ ឧប្បជ្ជតិ. វិចិកិច្ឆំ អារព្ភ វិចិកិច្ឆា ឧប្បជ្ជតិ, ទិដ្ឋិ ឧប្បជ្ជតិ, ទស្សនេន បហាតព្ពហេតុកំ ទោមនស្សំ ឧប្បជ្ជតិ. ទស្សនេន បហាតព្ពហេតុកំ ទោមនស្សំ អារព្ភ ទស្សនេន បហាតព្ពហេតុកំ ទោមនស្សំ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ. (១)

ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ – អរិយា ទស្សនេន បហាតព្ពហេតុកេ បហីនេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ, ទស្សនេន បហាតព្ពហេតុកេ ខន្ធេ អនិច្ចតោ…បេ… ចេតោបរិយញាណេន…បេ… ទស្សនេន បហាតព្ពហេតុកា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស អនាគតំសញាណស្ស, អាវជ្ជនាយ មោហស្ស ច អារម្មណបច្ចយេន បច្ចយោ. (២)

ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ – ទស្សនេន បហាតព្ពហេតុកេ ខន្ធេ អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ. (៣)

៧៨. ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ភាវនាយ បហាតព្ពហេតុកំ រាគំ អស្សាទេតិ អភិនន្ទតិ; តំ អារព្ភ ភាវនាយ បហាតព្ពហេតុកោ រាគោ ឧប្បជ្ជតិ, ឧទ្ធច្ចំ ឧប្បជ្ជតិ, ភាវនាយ បហាតព្ពហេតុកំ ទោមនស្សំ ឧប្បជ្ជតិ. ឧទ្ធច្ចំ អារព្ភ ឧទ្ធច្ចំ ឧប្បជ្ជតិ, ភាវនាយ បហាតព្ពហេតុកំ ទោមនស្សំ ឧប្បជ្ជតិ. ភាវនាយ បហាតព្ពហេតុកំ ទោមនស្សំ អារព្ភ ភាវនាយ បហាតព្ពហេតុកំ ទោមនស្សំ ឧប្បជ្ជតិ, ឧទ្ធច្ចំ ឧប្បជ្ជតិ. (១)

ភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ភាវនាយ បហាតព្ពហេតុកំ រាគំ អស្សាទេតិ អភិនន្ទតិ; តំ អារព្ភ ទស្សនេន បហាតព្ពហេតុកោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ទស្សនេន បហាតព្ពហេតុកំ ទោមនស្សំ ឧប្បជ្ជតិ. ឧទ្ធច្ចំ អារព្ភ ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ទស្សនេន បហាតព្ពហេតុកំ ទោមនស្សំ ឧប្បជ្ជតិ. ភាវនាយ បហាតព្ពហេតុកំ ទោមនស្សំ អារព្ភ ទស្សនេន បហាតព្ពហេតុកំ ទោមនស្សំ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ. (២)

ភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ – អរិយា ភាវនាយ បហាតព្ពហេតុកេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ, ភាវនាយ បហាតព្ពហេតុកេ ខន្ធេ អនិច្ចតោ…បេ… ចេតោបរិយញាណេន…បេ… ភាវនាយ បហាតព្ពហេតុកា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ មោហស្ស ច អារម្មណបច្ចយេន បច្ចយោ. (៣)

ភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ – ភាវនាយ បហាតព្ពហេតុកេ ខន្ធេ អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ. (៤)

ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ – ភាវនាយ បហាតព្ពហេតុកេ ខន្ធេ អារព្ភ ឧទ្ធច្ចសហគតា ខន្ធា ច មោហោ ច ឧប្បជ្ជន្តិ. (៥)

៧៩. នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ទានំ ទត្វា…(វិត្ថារេតព្ពំ ទស្សនត្តិកសទិសំ) អាវជ្ជនាយ មោហស្ស ច អារម្មណបច្ចយេន បច្ចយោ. (១)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ទានំ ទត្វា… (យថា ទស្សនត្តិកំ). (២)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ទានំ ទត្វា… (យថា ទស្សនត្តិកំ). (៣)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ – ចក្ខុំ អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ. សោតំ…បេ… វត្ថុំ… នេវទស្សនេន នភាវនាយ បហាតព្ពហេតុកេ ខន្ធេ អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ. (៤)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ – ចក្ខុំ…បេ… វត្ថុំ… នេវទស្សនេន នភាវនាយ បហាតព្ពហេតុកេ ខន្ធេ អារព្ភ ឧទ្ធច្ចសហគតា ខន្ធា ច មោហោ ច ឧប្បជ្ជន្តិ. (៥)

៨០. ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ – វិចិកិច្ឆាសហគតេ ខន្ធេ ច មោហញ្ច អារព្ភ ទស្សនេន បហាតព្ពហេតុកា ខន្ធា ឧប្បជ្ជន្តិ. (១)

ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ – វិចិកិច្ឆាសហគតេ ខន្ធេ ច មោហញ្ច អារព្ភ នេវទស្សនេន នភាវនាយ បហាតព្ពហេតុកា ខន្ធា ច មោហោ ច ឧប្បជ្ជន្តិ. (២)

ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ – វិចិកិច្ឆាសហគតេ ខន្ធេ ច មោហញ្ច អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ. (៣)

៨១. ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ឧទ្ធច្ចសហគតេ ខន្ធេ ច មោហញ្ច អារព្ភ ទស្សនេន បហាតព្ពហេតុកា ខន្ធា ឧប្បជ្ជន្តិ. (១)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ឧទ្ធច្ចសហគតេ ខន្ធេ ច មោហញ្ច អារព្ភ ភាវនាយ បហាតព្ពហេតុកា ខន្ធា ឧប្បជ្ជន្តិ. (២)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ឧទ្ធច្ចសហគតេ ខន្ធេ ច មោហញ្ច អារព្ភ នេវទស្សនេន នភាវនាយ បហាតព្ពហេតុកា ខន្ធា ច មោហោ ច ឧប្បជ្ជន្តិ. (៣)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ – ឧទ្ធច្ចសហគតេ ខន្ធេ ច មោហញ្ច អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ. (៤)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ – ឧទ្ធច្ចសហគតេ ខន្ធេ ច មោហញ្ច អារព្ភ ឧទ្ធច្ចសហគតា ខន្ធា ច មោហោ ច ឧប្បជ្ជន្តិ. (៥)

អធិបតិបច្ចយោ

៨២. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អធិបតិបច្ចយេន បច្ចយោ (ទស្សនត្តិកសទិសំ, ទស បញ្ហា).

អនន្តរបច្ចយោ

៨៣. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា ទស្សនេន បហាតព្ពហេតុកា ខន្ធា បច្ឆិមានំ បច្ឆិមានំ ទស្សនេន បហាតព្ពហេតុកានំ ខន្ធានំ អនន្តរបច្ចយេន បច្ចយោ. (១)

ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា វិចិកិច្ឆាសហគតា ខន្ធា បច្ឆិមស្ស បច្ឆិមស្ស មោហស្ស អនន្តរបច្ចយេន បច្ចយោ; ទស្សនេន បហាតព្ពហេតុកា ខន្ធា វុដ្ឋានស្ស អនន្តរបច្ចយេន បច្ចយោ. (២)

ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា វិចិកិច្ឆាសហគតា ខន្ធា បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ មោហស្ស ច អនន្តរបច្ចយេន បច្ចយោ. (៣)

៨៤. ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា ភាវនាយ បហាតព្ពហេតុកា ខន្ធា បច្ឆិមានំ បច្ឆិមានំ ភាវនាយ បហាតព្ពហេតុកានំ ខន្ធានំ អនន្តរបច្ចយេន បច្ចយោ. (១)

ភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា ឧទ្ធច្ចសហគតា ខន្ធា បច្ឆិមស្ស បច្ឆិមស្ស មោហស្ស អនន្តរបច្ចយេន បច្ចយោ; ភាវនាយ បហាតព្ពហេតុកា ខន្ធា វុដ្ឋានស្ស អនន្តរបច្ចយេន បច្ចយោ. (២)

ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា ឧទ្ធច្ចសហគតា ខន្ធា បច្ឆិមានំ បច្ឆិមានំ ឧទ្ធច្ចសហគតានំ ខន្ធានំ មោហស្ស ច អនន្តរបច្ចយេន បច្ចយោ. (៣)

៨៥. នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ វិចិកិច្ឆាសហគតោ ឧទ្ធច្ចសហគតោ មោហោ បច្ឆិមស្ស បច្ឆិមស្ស វិចិកិច្ឆាសហគតស្ស ឧទ្ធច្ចសហគតស្ស មោហស្ស អនន្តរបច្ចយេន បច្ចយោ; បុរិមា បុរិមា នេវទស្សនេន នភាវនាយ បហាតព្ពហេតុកា ខន្ធា បច្ឆិមានំ បច្ឆិមានំ នេវទស្សនេន នភាវនាយ បហាតព្ពហេតុកានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស… អនុលោមំ វោទានស្ស…បេ… និរោធា វុដ្ឋហន្តស្ស នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ. (១)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ វិចិកិច្ឆាសហគតោ មោហោ បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ អនន្តរបច្ចយេន បច្ចយោ; អាវជ្ជនា ទស្សនេន បហាតព្ពហេតុកានំ ខន្ធានំ អនន្តរបច្ចយេន បច្ចយោ. (២)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ ឧទ្ធច្ចសហគតោ មោហោ បច្ឆិមានំ បច្ឆិមានំ ឧទ្ធច្ចសហគតានំ ខន្ធានំ អនន្តរបច្ចយេន បច្ចយោ; អាវជ្ជនា ភាវនាយ បហាតព្ពហេតុកានំ ខន្ធានំ អនន្តរបច្ចយេន បច្ចយោ. (៣)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អនន្តរបច្ចយេន បច្ចយោ – បុរិមោ បុរិមោ វិចិកិច្ឆាសហគតោ មោហោ បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ មោហស្ស ច អនន្តរបច្ចយេន បច្ចយោ; អាវជ្ជនា វិចិកិច្ឆាសហគតានំ ខន្ធានំ មោហស្ស ច អនន្តរបច្ចយេន បច្ចយោ. (៤)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អនន្តរបច្ចយេន បច្ចយោ – បុរិមោ បុរិមោ ឧទ្ធច្ចសហគតោ មោហោ បច្ឆិមានំ បច្ឆិមានំ ឧទ្ធច្ចសហគតានំ ខន្ធានំ មោហស្ស ច អនន្តរបច្ចយេន បច្ចយោ; អាវជ្ជនា ឧទ្ធច្ចសហគតានំ ខន្ធានំ មោហស្ស ច អនន្តរបច្ចយេន បច្ចយោ. (៥)

៨៦. ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា វិចិកិច្ឆាសហគតា ខន្ធា ច មោហោ ច បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ អនន្តរបច្ចយេន បច្ចយោ. (១)

ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា វិចិកិច្ឆាសហគតា ខន្ធា ច មោហោ ច បច្ឆិមស្ស បច្ឆិមស្ស មោហស្ស អនន្តរបច្ចយេន បច្ចយោ; វិចិកិច្ឆាសហគតា ខន្ធា ច មោហោ ច វុដ្ឋានស្ស អនន្តរបច្ចយេន បច្ចយោ. (២)

ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា វិចិកិច្ឆាសហគតា ខន្ធា ច មោហោ ច បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ មោហស្ស ច អនន្តរបច្ចយេន បច្ចយោ. (៣)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ភាវនាយ បហាតព្ពហេតុកស្ស ធម្មស្ស អនន្តរបច្ចយេន បច្ចយោ… តីណិ (ទស្សនេន សទិសំ គមនំ).

សមនន្តរបច្ចយាទិ

៨៧. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស សមនន្តរបច្ចយេន បច្ចយោ… (អនន្តរសទិសំ) សហជាតបច្ចយេន បច្ចយោ… (សំខិត្តំ. បដិច្ចវារេ សហជាតសទិសំ) អញ្ញមញ្ញបច្ចយេន បច្ចយោ… (សំខិត្តំ. បដិច្ចវារេ អញ្ញមញ្ញសទិសំ) និស្សយបច្ចយេន បច្ចយោ… (សំខិត្តំ. បច្ចយវារេ និស្សយវារសទិសំ. វិសុំ ឃដនា នត្ថិ).

ឧបនិស្សយបច្ចយោ

៨៨. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, ៥១អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ទស្សនេន បហាតព្ពហេតុកំ រាគំ ឧបនិស្សាយ បាណំ ហនតិ…បេ… សង្ឃំ ភិន្ទតិ. ទស្សនេន បហាតព្ពហេតុកំ ទោសំ… មោហំ… ទិដ្ឋិំ… បត្ថនំ ឧបនិស្សាយ បាណំ ហនតិ…បេ… សង្ឃំ ភិន្ទតិ. ទស្សនេន បហាតព្ពហេតុកោ រាគោ… ទោសោ… មោហោ… ទិដ្ឋិ… បត្ថនា ទស្សនេន បហាតព្ពហេតុកស្ស រាគស្ស…បេ… បត្ថនាយ ឧបនិស្សយបច្ចយេន បច្ចយោ. (១)

ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ទស្សនេន បហាតព្ពហេតុកំ រាគំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ. ទស្សនេន បហាតព្ពហេតុកំ ទោសំ… មោហំ… ទិដ្ឋិំ… បត្ថនំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ. ទស្សនេន បហាតព្ពហេតុកោ រាគោ…បេ… បត្ថនា… សទ្ធាយ…បេ… បញ្ញាយ… កាយិកស្ស សុខស្ស, កាយិកស្ស ទុក្ខស្ស ផលសមាបត្តិយា មោហស្ស ច ឧបនិស្សយបច្ចយេន បច្ចយោ. (២)

ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ទស្សនេន បហាតព្ពហេតុកោ រាគោ… ទោសោ… មោហោ… ទិដ្ឋិ… បត្ថនា វិចិកិច្ឆាសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ. (៣)

៨៩. ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ភាវនាយ បហាតព្ពហេតុកោ រាគោ… ទោសោ… មោហោ… មានោ… បត្ថនា ភាវនាយ បហាតព្ពហេតុកស្ស រាគស្ស… ទោសស្ស… មោហស្ស… មានស្ស… បត្ថនាយ ឧបនិស្សយបច្ចយេន បច្ចយោ. (១)

ភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, បកតូបនិស្សយោ…បេ…. បកតូបនិស្សយោ – ភាវនាយ បហាតព្ពហេតុកំ រាគំ ឧបនិស្សាយ បាណំ ហនតិ…បេ… សង្ឃំ ភិន្ទតិ. ភាវនាយ បហាតព្ពហេតុកំ ទោសំ… មោហំ… មានំ… បត្ថនំ ឧបនិស្សាយ បាណំ ហនតិ…បេ… សង្ឃំ ភិន្ទតិ. ភាវនាយ បហាតព្ពហេតុកោ រាគោ…បេ… បត្ថនា ទស្សនេន បហាតព្ពហេតុកស្ស រាគស្ស… ទោសស្ស… មោហស្ស… ទិដ្ឋិយា… បត្ថនាយ ឧបនិស្សយបច្ចយេន បច្ចយោ. សកភណ្ឌេ ឆន្ទរាគោ បរភណ្ឌេ ឆន្ទរាគស្ស ឧបនិស្សយបច្ចយេន បច្ចយោ. សកបរិគ្គហេ ឆន្ទរាគោ បរបរិគ្គហេ ឆន្ទរាគស្ស ឧបនិស្សយបច្ចយេន បច្ចយោ. (២)

ភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ភាវនាយ បហាតព្ពហេតុកំ រាគំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ. ភាវនាយ បហាតព្ពហេតុកំ ទោសំ… មោហំ… មានំ… បត្ថនំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ. ភាវនាយ បហាតព្ពហេតុកោ រាគោ…បេ… បត្ថនា សទ្ធាយ…បេ… បញ្ញាយ… កាយិកស្ស សុខស្ស, កាយិកស្ស ទុក្ខស្ស ផលសមាបត្តិយា មោហស្ស ច ឧបនិស្សយបច្ចយេន បច្ចយោ. (៣)

ភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ឧបនិស្សយបច្ចយេន បច្ចយោ…. បកតូបនិស្សយោ – ភាវនាយ បហាតព្ពហេតុកោ រាគោ…បេ… បត្ថនា វិចិកិច្ឆាសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ. (៤)

ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ភាវនាយ បហាតព្ពហេតុកោ រាគោ…បេ… បត្ថនា ឧទ្ធច្ចសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ. (៥)

៩០. នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ. សីលំ…បេ… បញ្ញំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ… មោហំ ឧបនិស្សាយ ទានំ ទេតិ…បេ… សទ្ធា…បេ… មោហោ សទ្ធាយ…បេ… ផលសមាបត្តិយា មោហស្ស ច ឧបនិស្សយបច្ចយេន បច្ចយោ. (១)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទិដ្ឋិំ គណ្ហាតិ. សីលំ…បេ… បញ្ញំ… កាយិកំ សុខំ… កាយិកំ ទុក្ខំ…បេ… សេនាសនំ… មោហំ ឧបនិស្សាយ បាណំ ហនតិ…បេ… សង្ឃំ ភិន្ទតិ. សទ្ធា…បេ… សេនាសនំ មោហោ ច ទស្សនេន បហាតព្ពហេតុកស្ស រាគស្ស…បេ… បត្ថនាយ ឧបនិស្សយបច្ចយេន បច្ចយោ. (២)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ មានំ ជប្បេតិ…បេ… មោហំ ឧបនិស្សាយ មានំ ជប្បេតិ. សទ្ធា…បេ… សេនាសនំ មោហោ ច ភាវនាយ បហាតព្ពហេតុកស្ស រាគស្ស…បេ… បត្ថនាយ ឧបនិស្សយបច្ចយេន បច្ចយោ. (៣)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធា…បេ… បញ្ញា… កាយិកំ សុខំ… កាយិកំ ទុក្ខំ…បេ… សេនាសនំ មោហោ ច វិចិកិច្ឆាសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ. (៤)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធា…បេ… សេនាសនំ មោហោ ច ឧទ្ធច្ចសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ. (៥)

៩១. ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – វិចិកិច្ឆាសហគតា ខន្ធា ច មោហោ ច ទស្សនេន បហាតព្ពហេតុកស្ស រាគស្ស…បេ… បត្ថនាយ ឧបនិស្សយបច្ចយេន បច្ចយោ. (១)

ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – វិចិកិច្ឆាសហគតា ខន្ធា ច មោហោ ច សទ្ធាយ…បេ… បញ្ញាយ… កាយិកស្ស សុខស្ស, កាយិកស្ស ទុក្ខស្ស ផលសមាបត្តិយា មោហស្ស ច ឧបនិស្សយបច្ចយេន បច្ចយោ. (២)

ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – វិចិកិច្ឆាសហគតា ខន្ធា ច មោហោ ច វិចិកិច្ឆាសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ. (៣)

៩២. ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ. បកតូបនិស្សយោ – ឧទ្ធច្ចសហគតា ខន្ធា ច មោហោ ច ទស្សនេន បហាតព្ពហេតុកស្ស រាគស្ស…បេ… បត្ថនាយ ឧបនិស្សយបច្ចយេន បច្ចយោ. (១)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ភាវនាយ បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ឧទ្ធច្ចសហគតា ខន្ធា ច មោហោ ច ភាវនាយ បហាតព្ពហេតុកស្ស រាគស្ស…បេ… បត្ថនាយ ឧបនិស្សយបច្ចយេន បច្ចយោ. (២)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ឧទ្ធច្ចសហគតា ខន្ធា ច មោហោ ច សទ្ធាយ…បេ… ផលសមាបត្តិយា មោហស្ស ច ឧបនិស្សយបច្ចយេន បច្ចយោ. (៣)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ឧបនិស្សយបច្ចយេន បច្ចយោ. បកតូបនិស្សយោ – ឧទ្ធច្ចសហគតា ខន្ធា ច មោហោ ច វិចិកិច្ឆាសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ. (៤)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ឧទ្ធច្ចសហគតា ខន្ធា ច មោហោ ច ឧទ្ធច្ចសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ. (៥)

បុរេជាតបច្ចយោ

៩៣. នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ អនិច្ចតោ…បេ… វិបស្សតិ, សោតំ…បេ… វត្ថុំ អនិច្ចតោ…បេ… វិបស្សតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ នេវទស្សនេន នភាវនាយ បហាតព្ពហេតុកានំ ខន្ធានំ មោហស្ស ច បុរេជាតបច្ចយេន បច្ចយោ. (១)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អស្សាទេតិ អភិនន្ទតិ; តំ អារព្ភ ទស្សនេន បហាតព្ពហេតុកោ រាគោ…បេ… ទិដ្ឋិ…បេ… វិចិកិច្ឆា…បេ… ទស្សនេន បហាតព្ពហេតុកំ ទោមនស្សំ ឧប្បជ្ជតិ. វត្ថុបុរេជាតំ – វត្ថុ ទស្សនេន បហាតព្ពហេតុកានំ ខន្ធានំ បុរេជាតបច្ចយេន បច្ចយោ. (២)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អស្សាទេតិ អភិនន្ទតិ; តំ អារព្ភ ភាវនាយ បហាតព្ពហេតុកោ រាគោ ឧប្បជ្ជតិ, ឧទ្ធច្ចំ ឧប្បជ្ជតិ, ភាវនាយ បហាតព្ពហេតុកំ ទោមនស្សំ ឧប្បជ្ជតិ. វត្ថុបុរេជាតំ – វត្ថុ ភាវនាយ បហាតព្ពហេតុកានំ ខន្ធានំ បុរេជាតបច្ចយេន បច្ចយោ. (៣)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ. វត្ថុបុរេជាតំ – វត្ថុ វិចិកិច្ឆាសហគតានំ ខន្ធានំ មោហស្ស ច បុរេជាតបច្ចយេន បច្ចយោ. (៤)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អារព្ភ ឧទ្ធច្ចសហគតា ខន្ធា ច មោហោ ច ឧប្បជ្ជន្តិ. វត្ថុបុរេជាតំ – វត្ថុ ឧទ្ធច្ចសហគតានំ ខន្ធានំ មោហស្ស ច បុរេជាតបច្ចយេន បច្ចយោ. (៥)

បច្ឆាជាតបច្ចយោ

៩៤. ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា ទស្សនេន បហាតព្ពហេតុកា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

ភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា ភាវនាយ បហាតព្ពហេតុកា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា នេវទស្សនេន នភាវនាយ បហាតព្ពហេតុកា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា វិចិកិច្ឆាសហគតា ខន្ធា ច មោហោ ច បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា ឧទ្ធច្ចសហគតា ខន្ធា ច មោហោ ច បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

អាសេវនបច្ចយោ

៩៥. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អាសេវនបច្ចយេន បច្ចយោ – បុរិមា បុរិមា ទស្សនេន បហាតព្ពហេតុកា ខន្ធា បច្ឆិមានំ បច្ឆិមានំ ទស្សនេន បហាតព្ពហេតុកានំ ខន្ធានំ អាសេវនបច្ចយេន បច្ចយោ. (១)

ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អាសេវនបច្ចយេន បច្ចយោ – បុរិមា បុរិមា វិចិកិច្ឆាសហគតា ខន្ធា បច្ឆិមស្ស បច្ឆិមស្ស មោហស្ស អាសេវនបច្ចយេន បច្ចយោ. (២)

ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អាសេវនបច្ចយេន បច្ចយោ – បុរិមា បុរិមា វិចិកិច្ឆាសហគតា ខន្ធា បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ មោហស្ស ច អាសេវនបច្ចយេន បច្ចយោ.

ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស (សំខិត្តំ) តីណិ.

នេវទស្សនេន នភាវនាយ បហាតព្ពហេតុកោ ធម្មោ…បេ…. (អាសេវនមូលកេ វុដ្ឋានស្សបិ អាវជ្ជនាយបិ បហាតព្ពំ, សត្តរស បញ្ហា បរិបុណ្ណា, អនន្តរសទិសា).

កម្មបច្ចយោ

៩៦. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស កម្មបច្ចយេន បច្ចយោ – ទស្សនេន បហាតព្ពហេតុកា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. (១)

ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា ទស្សនេន បហាតព្ពហេតុកា ចេតនា មោហស្ស ចិត្តសមុដ្ឋានានញ្ច រូបានំ កម្មបច្ចយេន បច្ចយោ. នានាក្ខណិកា – ទស្សនេន បហាតព្ពហេតុកា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ. (២)

ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស កម្មបច្ចយេន បច្ចយោ – ទស្សនេន បហាតព្ពហេតុកា ចេតនា សម្បយុត្តកានំ ខន្ធានំ មោហស្ស ច ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (៣)

៩៧. ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស កម្មបច្ចយេន បច្ចយោ – ភាវនាយ បហាតព្ពហេតុកា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. (១)

ភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស កម្មបច្ចយេន បច្ចយោ – ភាវនាយ បហាតព្ពហេតុកា ចេតនា មោហស្ស ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (២)

ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស កម្មបច្ចយេន បច្ចយោ – ភាវនាយ បហាតព្ពហេតុកា ចេតនា សម្បយុត្តកានំ ខន្ធានំ មោហស្ស ច ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (៣)

៩៨. នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – នេវទស្សនេន នភាវនាយ បហាតព្ពហេតុកា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. បដិសន្ធិក្ខណេ…បេ…. នានាក្ខណិកា – នេវទស្សនេន នភាវនាយ បហាតព្ពហេតុកា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ. (១)

វិបាកបច្ចយោ

៩៩. នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស វិបាកបច្ចយេន បច្ចយោ (បវត្តិបដិសន្ធិ) វិបាកា ខន្ធា វត្ថុស្ស…បេ….

អាហារបច្ចយោ

១០០. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អាហារបច្ចយេន បច្ចយោ – ទស្សនេន បហាតព្ពហេតុកា អាហារា សម្បយុត្តកានំ ខន្ធានំ អាហារបច្ចយេន បច្ចយោ. (១)

ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អាហារបច្ចយេន បច្ចយោ – ទស្សនេន បហាតព្ពហេតុកា អាហារា មោហស្ស ចិត្តសមុដ្ឋានានញ្ច រូបានំ អាហារបច្ចយេន បច្ចយោ. (២)

ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អាហារបច្ចយេន បច្ចយោ – ទស្សនេន បហាតព្ពហេតុកា អាហារា សម្បយុត្តកានំ ខន្ធានំ មោហស្ស ច ចិត្តសមុដ្ឋានានញ្ច រូបានំ អាហារបច្ចយេន បច្ចយោ. (៣)

ភាវនាយ បហាតព្ពហេតុកោ ធម្មោ… តីណិ (ទស្សនេន សទិសំ).

នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អាហារបច្ចយេន បច្ចយោ – នេវទស្សនេន នភាវនាយ បហាតព្ពហេតុកា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ. បដិសន្ធិក្ខណេ…បេ… កពឡីការោ អាហារោ ឥមស្ស កាយស្ស អាហារបច្ចយេន បច្ចយោ.

ឥន្ទ្រិយបច្ចយាទិ

១០១. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស ឥន្ទ្រិយបច្ចយេន បច្ចយោ… តីណិ (អាហារសទិសំ. មោហោ កាតព្ពោ).

ភាវនាយ បហាតព្ពហេតុកោ ធម្មោ… តីណិ.

នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស ឥន្ទ្រិយបច្ចយេន បច្ចយោ – នេវទស្សនេន នភាវនាយ បហាតព្ពហេតុកា ឥន្ទ្រិយា សម្បយុត្តកានំ ខន្ធានំ…បេ… ចក្ខុន្ទ្រិយំ ចក្ខុវិញ្ញាណស្ស…បេ… កាយិន្ទ្រិយំ កាយវិញ្ញាណស្ស…បេ… រូបជីវិតិន្ទ្រិយំ កដត្តារូបានំ ឥន្ទ្រិយបច្ចយេន បច្ចយោ… ឈានបច្ចយេន បច្ចយោ… មគ្គបច្ចយេន បច្ចយោ… (ឥមេ សហេតុកា កាតព្ពា) សម្បយុត្តបច្ចយេន បច្ចយោ (បដិច្ចវារេ សម្បយុត្តវារសទិសំ).

វិប្បយុត្តបច្ចយោ

១០២. ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (ទស្សនត្តិកសទិសំ).

ភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (ទស្សនត្តិកសទិសំ).

នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (ទស្សនត្តិកសទិសំ). បច្ឆាជាតា – នេវទស្សនេន នភាវនាយ បហាតព្ពហេតុកា ខន្ធា ច មោហោ ច បុរេជាតស្ស ឥមស្ស កាយស្ស…បេ…. (១)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ ទស្សនេន បហាតព្ពហេតុកានំ ខន្ធានំ…បេ…. (២)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ ភាវនាយ បហាតព្ពហេតុកានំ ខន្ធានំ…បេ…. (៣)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ វិចិកិច្ឆាសហគតានំ ខន្ធានំ មោហស្ស ច វិប្បយុត្តបច្ចយេន បច្ចយោ. (៤)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ ឧទ្ធច្ចសហគតានំ ខន្ធានំ មោហស្ស ច វិប្បយុត្តបច្ចយេន បច្ចយោ. (៥)

១០៣. ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – វិចិកិច្ឆាសហគតា ខន្ធា ច មោហោ ច ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. បច្ឆាជាតា – វិចិកិច្ឆាសហគតា ខន្ធា ច មោហោ ច បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – ឧទ្ធច្ចសហគតា ខន្ធា ច មោហោ ច ចិត្តសមុដ្ឋានានំ រូបានំ…បេ…. បច្ឆាជាតា – ឧទ្ធច្ចសហគតា ខន្ធា ច មោហោ ច បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

អត្ថិបច្ចយាទិ

១០៤. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អត្ថិបច្ចយេន បច្ចយោ – ទស្សនេន បហាតព្ពហេតុកោ ឯកោ ខន្ធោ តិណ្ណន្នំ ខន្ធានំ…បេ…. (១)

ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ. សហជាតា – ទស្សនេន បហាតព្ពហេតុកា ខន្ធា ចិត្តសមុដ្ឋានានំ រូបានំ អត្ថិបច្ចយេន បច្ចយោ. សហជាតា – វិចិកិច្ឆាសហគតា ខន្ធា មោហស្ស ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ. បច្ឆាជាតា – ទស្សនេន បហាតព្ពហេតុកា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ. (២)

ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អត្ថិបច្ចយេន បច្ចយោ – ទស្សនេន បហាតព្ពហេតុកោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ. វិចិកិច្ឆាសហគតោ ឯកោ ខន្ធោ តិណ្ណន្នំ ខន្ធានំ មោហស្ស ច ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ…. (៣)

ភាវនាយ បហាតព្ពហេតុកោ ធម្មោ… តីណិ.

១០៥. នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតោ – នេវទស្សនេន នភាវនាយ បហាតព្ពហេតុកោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ… វិចិកិច្ឆាសហគតោ ឧទ្ធច្ចសហគតោ មោហោ ចិត្តសមុដ្ឋានានំ រូបានំ អត្ថិបច្ចយេន បច្ចយោ. បដិសន្ធិក្ខណេ…បេ… អសញ្ញសត្តានំ…បេ…. បុរេជាតំ – ចក្ខុំ…បេ… វត្ថុំ អនិច្ចតោ…បេ… ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ… ចក្ខាយតនំ…បេ… កាយាយតនំ…បេ… វត្ថុ នេវទស្សនេន នភាវនាយ បហាតព្ពហេតុកានំ ខន្ធានំ មោហស្ស ច អត្ថិបច្ចយេន បច្ចយោ. បច្ឆាជាតា – នេវទស្សនេន នភាវនាយ បហាតព្ពហេតុកា ខន្ធា ច មោហោ ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ; កពឡីការោ អាហារោ ឥមស្ស កាយស្ស…បេ… រូបជីវិតិន្ទ្រិយំ កដត្តារូបានំ…បេ…. (១)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – វិចិកិច្ឆាសហគតោ មោហោ សម្បយុត្តកានំ ខន្ធានំ អត្ថិបច្ចយេន បច្ចយោ. បុរេជាតំ – ចក្ខុំ…បេ… វត្ថុំ អស្សាទេតិ អភិនន្ទតិ; តំ អារព្ភ ទស្សនេន បហាតព្ពហេតុកោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ទស្សនេន បហាតព្ពហេតុកំ ទោមនស្សំ ឧប្បជ្ជតិ, វត្ថុ ទស្សនេន បហាតព្ពហេតុកានំ ខន្ធានំ អត្ថិបច្ចយេន បច្ចយោ. (២)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – ឧទ្ធច្ចសហគតោ មោហោ សម្បយុត្តកានំ ខន្ធានំ អត្ថិបច្ចយេន បច្ចយោ. បុរេជាតំ – ចក្ខុំ…បេ… វត្ថុំ អស្សាទេតិ អភិនន្ទតិ…បេ… វត្ថុ ភាវនាយ បហាតព្ពហេតុកានំ ខន្ធានំ អត្ថិបច្ចយេន បច្ចយោ. (៣)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – វិចិកិច្ឆាសហគតោ មោហោ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ. បុរេជាតំ – ចក្ខុំ អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ…បេ… វត្ថុំ អារព្ភ…បេ… វត្ថុ វិចិកិច្ឆាសហគតានំ ខន្ធានំ មោហស្ស ច អត្ថិបច្ចយេន បច្ចយោ. (៤)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – ឧទ្ធច្ចសហគតោ មោហោ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ. បុរេជាតំ – ចក្ខុំ អារព្ភ ឧទ្ធច្ចសហគតា ខន្ធា ច មោហោ ច ឧប្បជ្ជន្តិ…បេ… វត្ថុំ អារព្ភ…បេ… វត្ថុ ឧទ្ធច្ចសហគតានំ ខន្ធានំ មោហស្ស ច អត្ថិបច្ចយេន បច្ចយោ. (៥)

១០៦. ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – ទស្សនេន បហាតព្ពហេតុកោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ …បេ… ទ្វេ ខន្ធា…បេ… វិចិកិច្ឆាសហគតោ ឯកោ ខន្ធោ ច មោហោ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា…បេ…. (១)

ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតា – ទស្សនេន បហាតព្ពហេតុកា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ. សហជាតា – វិចិកិច្ឆាសហគតា ខន្ធា ច មោហោ ច ចិត្តសមុដ្ឋានានំ រូបានំ អត្ថិបច្ចយេន បច្ចយោ. សហជាតា – វិចិកិច្ឆាសហគតា ខន្ធា ច វត្ថុ ច មោហស្ស អត្ថិបច្ចយេន បច្ចយោ. បច្ឆាជាតា – វិចិកិច្ឆាសហគតា ខន្ធា ច មោហោ ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – ទស្សនេន បហាតព្ពហេតុកា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – ទស្សនេន បហាតព្ពហេតុកា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. (២)

ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – វិចិកិច្ឆាសហគតោ ឯកោ ខន្ធោ ច វត្ថុ ច តិណ្ណន្នំ ខន្ធានំ មោហស្ស ច អត្ថិបច្ចយេន បច្ចយោ…បេ… ទ្វេ ខន្ធា…បេ… វិចិកិច្ឆាសហគតោ ឯកោ ខន្ធោ ច មោហោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ… ទ្វេ ខន្ធា ច មោហោ ច…បេ…. (៣)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ភាវនាយ បហាតព្ពហេតុកស្ស ធម្មស្ស អត្ថិបច្ចយេន បច្ចយោ (សំខិត្តំ. តិស្សោ បញ្ហា, ទស្សនេន នយេន វិភជិតព្ពា, ‘‘ឧទ្ធច្ច’’ន្តិ និយាមេតព្ពំ) នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ….