១. វិភង្គវារោ

ហេតុបច្ចយោ

៦៣. ទស្សនេន បហាតព្ពហេតុកំ ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ សំសដ្ឋា ទ្វេ ខន្ធា. (១)

ភាវនាយ បហាតព្ពហេតុកំ ធម្មំ សំសដ្ឋោ ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ភាវនាយ បហាតព្ពហេតុកំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ សំសដ្ឋា ទ្វេ ខន្ធា. (១)

នេវទស្សនេន នភាវនាយ បហាតព្ពហេតុកំ ធម្មំ សំសដ្ឋោ នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – នេវទស្សនេន នភាវនាយ បហាតព្ពហេតុកំ ឯកំ ខន្ធំ សំសដ្ឋា តយោ ខន្ធា…បេ… បដិសន្ធិក្ខណេ…បេ…. (១)

នេវទស្សនេន នភាវនាយ បហាតព្ពហេតុកំ ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – វិចិកិច្ឆាសហគតំ មោហំ សំសដ្ឋា សម្បយុត្តកា ខន្ធា. (២)

នេវទស្សនេន នភាវនាយ បហាតព្ពហេតុកំ ធម្មំ សំសដ្ឋោ ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ឧទ្ធច្ចសហគតំ មោហំ សំសដ្ឋា សម្បយុត្តកា ខន្ធា. (៣)

៦៤. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – វិចិកិច្ឆាសហគតំ ឯកំ ខន្ធញ្ច មោហញ្ច សំសដ្ឋា តយោ ខន្ធា…បេ… ទ្វេ ខន្ធា. (១)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ឧទ្ធច្ចសហគតំ ឯកំ ខន្ធញ្ច មោហញ្ច សំសដ្ឋា តយោ ខន្ធា…បេ… ទ្វេ ខន្ធា. (១)

អារម្មណបច្ចយោ

៦៥. ទស្សនេន បហាតព្ពហេតុកំ ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ទស្សនេន បហាតព្ពហេតុកំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធា. (១)

ទស្សនេន បហាតព្ពហេតុកំ ធម្មំ សំសដ្ឋោ នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតេ ខន្ធេ សំសដ្ឋោ វិចិកិច្ឆាសហគតោ មោហោ. (២)

ទស្សនេន បហាតព្ពហេតុកំ ធម្មំ សំសដ្ឋោ ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ អារម្មណបច្ចយា – វិចិកិច្ឆាសហគតំ ឯកំ ខន្ធំ សំសដ្ឋា តយោ ខន្ធា មោហោ ច…បេ… ទ្វេ ខន្ធេ…បេ…. (៣)

ភាវនាយ បហាតព្ពហេតុកំ ធម្មំ សំសដ្ឋោ… តីណិ.

៦៦. នេវទស្សនេន នភាវនាយ បហាតព្ពហេតុកំ ធម្មំ សំសដ្ឋោ នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – នេវទស្សនេន នភាវនាយ បហាតព្ពហេតុកំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ សំសដ្ឋា ទ្វេ ខន្ធា. បដិសន្ធិក្ខណេ…បេ…. (១)

នេវទស្សនេន នភាវនាយ បហាតព្ពហេតុកំ ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតំ មោហំ សំសដ្ឋា សម្បយុត្តកា ខន្ធា. (២)

នេវទស្សនេន នភាវនាយ បហាតព្ពហេតុកំ ធម្មំ សំសដ្ឋោ ភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ឧទ្ធច្ចសហគតំ មោហំ សំសដ្ឋា សម្បយុត្តកា ខន្ធា. (៣)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតំ ឯកំ ខន្ធញ្ច មោហញ្ច សំសដ្ឋា តយោ ខន្ធា…បេ… ទ្វេ ខន្ធេ ច មោហញ្ច សំសដ្ឋា ទ្វេ ខន្ធា. (១)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ សំសដ្ឋោ ភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ឧទ្ធច្ចសហគតំ ឯកំ ខន្ធញ្ច មោហញ្ច សំសដ្ឋា តយោ ខន្ធា…បេ… ទ្វេ ខន្ធា. (១)

អធិបតិបច្ចយាទិ

៦៧. ទស្សនេន បហាតព្ពហេតុកំ ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – ទស្សនេន បហាតព្ពហេតុកំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធា. (១)

ភាវនាយ បហាតព្ពហេតុកំ ធម្មំ សំសដ្ឋោ… ឯកំ.

នេវទស្សនេន នភាវនាយ បហាតព្ពហេតុកំ ធម្មំ សំសដ្ឋោ នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – នេវទស្សនេន នភាវនាយ បហាតព្ពហេតុកំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធា; អនន្តរបច្ចយា… សមនន្តរបច្ចយា.

សហជាតបច្ចយាទិ

៦៨. ទស្សនេន បហាតព្ពហេតុកំ ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ សហជាតបច្ចយា… អញ្ញមញ្ញបច្ចយា… និស្សយបច្ចយា… ឧបនិស្សយបច្ចយា… បុរេជាតបច្ចយា… អាសេវនបច្ចយា… កម្មបច្ចយា… វិបាកបច្ចយា… អាហារបច្ចយា… ឥន្ទ្រិយបច្ចយា … ឈានបច្ចយា… មគ្គបច្ចយា… សម្បយុត្តបច្ចយា… វិប្បយុត្តបច្ចយា… អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា….