២. សង្ខ្យាវារោ

សុទ្ធំ

៥០. ហេតុយា ទ្វេ, អារម្មណេ ចត្តារិ, អធិបតិយា ចត្តារិ, អនន្តរេ ទ្វេ, សមនន្តរេ ទ្វេ, សហជាតេ អញ្ញមញ្ញេ និស្សយេ ទ្វេ, ឧបនិស្សយេ ចត្តារិ, បុរេជាតេ ឆ, បច្ឆាជាតេ អាសេវនេ កម្មេ វិបាកេ ទ្វេ, អាហារេ ឆ, ឥន្ទ្រិយេ ទ្វេ, ឈានេ មគ្គេ សម្បយុត្តេ វិប្បយុត្តេ ទ្វេ, អត្ថិយា ឆ, នត្ថិយា ទ្វេ, វិគតេ ទ្វេ, អវិគតេ ឆ (ឯវំ គណេតព្ពំ).

អនុលោមំ.

បច្ចនីយុទ្ធារោ

៥១. អជ្ឈត្តោ ធម្មោ អជ្ឈត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)

អជ្ឈត្តោ ធម្មោ ពហិទ្ធា ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… អាហារបច្ចយេន បច្ចយោ. (២)

៥២. ពហិទ្ធា ធម្មោ ពហិទ្ធា ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)

ពហិទ្ធា ធម្មោ អជ្ឈត្តស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… អាហារបច្ចយេន បច្ចយោ. (២)

៥៣. អជ្ឈត្តោ ធម្មោ ច ពហិទ្ធា ធម្មោ ច អជ្ឈត្តស្ស ធម្មស្ស បុរេជាតំ, អាហារំ. (១)

អជ្ឈត្តោ ធម្មោ ច ពហិទ្ធា ធម្មោ ច ពហិទ្ធា ធម្មស្ស បុរេជាតំ, អាហារំ. (២)