១. វិភង្គវារោ

ហេតុបច្ចយោ

២៧. អជ្ឈត្តោ ធម្មោ អជ្ឈត្តស្ស ធម្មស្ស ហេតុបច្ចយេន បច្ចយោ – អជ្ឈត្តា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. បដិសន្ធិក្ខណេ…បេ…. (១)

ពហិទ្ធា ធម្មោ ពហិទ្ធា ធម្មស្ស ហេតុបច្ចយេន បច្ចយោ – ពហិទ្ធា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. បដិសន្ធិក្ខណេ…បេ…. (១)

អារម្មណបច្ចយោ

២៨. អជ្ឈត្តោ ធម្មោ អជ្ឈត្តស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ…បេ… ឈានា វុដ្ឋហិត្វា…បេ… អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ, បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ. អជ្ឈត្តំ ចក្ខុំ…បេ… កាយំ… រូបេ…បេ… ផោដ្ឋព្ពេ… វត្ថុំ… អជ្ឈត្តេ ខន្ធេ អនិច្ចតោ ទុក្ខតោ អនត្តតោ វិបស្សតិ, អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. ទិព្ពេន ចក្ខុនា រូបំ បស្សតិ, ទិព្ពាយ សោតុធាតុយា សទ្ទំ សុណាតិ, អាកាសានញ្ចាយតនំ វិញ្ញាណញ្ចាយតនស្ស អារម្មណបច្ចយេន បច្ចយោ. អាកិញ្ចញ្ញាយតនំ នេវសញ្ញានាសញ្ញាយតនស្ស អារម្មណបច្ចយេន បច្ចយោ. រូបាយតនំ…បេ… ផោដ្ឋព្ពាយតនំ កាយវិញ្ញាណស្ស អារម្មណបច្ចយេន បច្ចយោ. អជ្ឈត្តា ខន្ធា ឥទ្ធិវិធញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

អជ្ឈត្តោ ធម្មោ ពហិទ្ធា ធម្មស្ស អារម្មណបច្ចយេន បច្ចយោ – បរោ អជ្ឈត្តំ ចក្ខុំ…បេ… វត្ថុំ… អជ្ឈត្តេ ខន្ធេ អនិច្ចតោ ទុក្ខតោ អនត្តតោ វិបស្សតិ, អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. ចេតោបរិយញាណេន អជ្ឈត្តចិត្តសមង្គិស្ស ចិត្តំ ជានាតិ. អជ្ឈត្តំ រូបាយតនំ ពហិទ្ធា ចក្ខុវិញ្ញាណស្ស…បេ… អជ្ឈត្តំ ផោដ្ឋព្ពាយតនំ ពហិទ្ធា កាយវិញ្ញាណស្ស អារម្មណបច្ចយេន បច្ចយោ. អជ្ឈត្តា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (២)

២៩. ពហិទ្ធា ធម្មោ ពហិទ្ធា ធម្មស្ស អារម្មណបច្ចយេន បច្ចយោ – បរោ ទានំ ទត្វា សីលំ សមាទិយិត្វា ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ បច្ចវេក្ខតិ, ឈានា វុដ្ឋហិត្វា…បេ… អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ… និព្ពានំ បច្ចវេក្ខន្តិ. និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ. អរិយា បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ…បេ… បរោ ពហិទ្ធា ចក្ខុំ…បេ… វត្ថុំ… ពហិទ្ធា ខន្ធេ អនិច្ចតោ…បេ… ទោមនស្សំ ឧប្បជ្ជតិ. ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. ចេតោបរិយញាណេន ពហិទ្ធា ចិត្តសមង្គិស្ស…បេ… អាកាសានញ្ចាយតនំ វិញ្ញាណញ្ចាយតនស្ស អារម្មណបច្ចយេន បច្ចយោ. អាកិញ្ចញ្ញាយតនំ នេវសញ្ញានាសញ្ញាយតនស្ស អារម្មណបច្ចយេន បច្ចយោ. ពហិទ្ធា រូបាយតនំ ពហិទ្ធា ចក្ខុវិញ្ញាណស្ស…បេ… ពហិទ្ធា ផោដ្ឋព្ពាយតនំ ពហិទ្ធា កាយវិញ្ញាណស្ស…បេ… ពហិទ្ធា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

ពហិទ្ធា ធម្មោ អជ្ឈត្តស្ស ធម្មស្ស អារម្មណបច្ចយេន បច្ចយោ – អរិយា និព្ពានំ បច្ចវេក្ខន្តិ. និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ. ពហិទ្ធា ចក្ខុំ…បេ… វត្ថុំ… ពហិទ្ធា ខន្ធេ អនិច្ចតោ…បេ… ទោមនស្សំ ឧប្បជ្ជតិ. ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. ចេតោបរិយញាណេន ពហិទ្ធា ចិត្តសមង្គិស្ស ចិត្តំ ជានាតិ. ពហិទ្ធា រូបាយតនំ អជ្ឈត្តំ ចក្ខុវិញ្ញាណស្ស…បេ… ពហិទ្ធា ផោដ្ឋព្ពាយតនំ អជ្ឈត្តំ កាយវិញ្ញាណស្ស…បេ… ពហិទ្ធា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (២)

អធិបតិបច្ចយោ

៣០. អជ្ឈត្តោ ធម្មោ អជ្ឈត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ ទត្វា សីលំ សមាទិយិត្វា ឧបោសថកម្មំ កត្វា, តំ គរុំ កត្វា បច្ចវេក្ខតិ, បុព្ពេ សុចិណ្ណានិ គរុំ កត្វា…បេ… ឈានា វុដ្ឋហិត្វា ឈានំ គរុំ កត្វា…បេ… អរិយា មគ្គា វុដ្ឋហិត្វា មគ្គំ គរុំ កត្វា…បេ… ផលំ គរុំ កត្វា បច្ចវេក្ខន្តិ. អជ្ឈត្តំ ចក្ខុំ…បេ… វត្ថុំ… អជ្ឈត្តេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – អជ្ឈត្តាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)

អជ្ឈត្តោ ធម្មោ ពហិទ្ធា ធម្មស្ស អធិបតិបច្ចយេន បច្ចយោ. អារម្មណាធិបតិ – បរោ អជ្ឈត្តំ ចក្ខុំ…បេ… វត្ថុំ… អជ្ឈត្តេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. (២)

៣១. ពហិទ្ធា ធម្មោ ពហិទ្ធា ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – បរោ ទានំ ទត្វា សីលំ សមាទិយិត្វា ឧបោសថកម្មំ កត្វា, តំ គរុំ កត្វា បច្ចវេក្ខតិ, បុព្ពេ សុចិណ្ណានិ គរុំ កត្វា…បេ… ឈានា វុដ្ឋហិត្វា…បេ… អរិយា មគ្គា វុដ្ឋហិត្វា មគ្គំ គរុំ កត្វា…បេ… ផលំ គរុំ កត្វា…បេ… និព្ពានំ គរុំ កត្វា បច្ចវេក្ខន្តិ. និព្ពានំ គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ. ពហិទ្ធា ចក្ខុំ…បេ… វត្ថុំ… ពហិទ្ធា ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – ពហិទ្ធាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)

ពហិទ្ធា ធម្មោ អជ្ឈត្តស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – អរិយា និព្ពានំ គរុំ កត្វា បច្ចវេក្ខន្តិ. និព្ពានំ គោត្រភុស្ស, វោទានស្ស, មគ្គស្ស, ផលស្ស, អធិបតិបច្ចយេន បច្ចយោ. ពហិទ្ធា ចក្ខុំ…បេ… វត្ថុំ… ពហិទ្ធា ខន្ធេ គរុំ កត្វា អស្សាទេតិ, អភិនន្ទតិ, តំ គរុំ កត្វា រាគោ…បេ… ទិដ្ឋិ ឧប្បជ្ជតិ. (២)

អនន្តរបច្ចយោ

៣២. អជ្ឈត្តោ ធម្មោ អជ្ឈត្តស្ស ធម្មស្ស អនន្តរបច្ចយេន បច្ចយោ – បុរិមា បុរិមា អជ្ឈត្តា ខន្ធា បច្ឆិមានំ បច្ឆិមានំ អជ្ឈត្តានំ ខន្ធានំ អនន្តរបច្ចយេន បច្ចយោ. អនុលោមំ គោត្រភុស្ស, អនុលោមំ វោទានស្ស, គោត្រភុ មគ្គស្ស, វោទានំ មគ្គស្ស, មគ្គោ ផលស្ស, ផលំ ផលស្ស, អនុលោមំ ផលសមាបត្តិយា, និរោធា វុដ្ឋហន្តស្ស នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ. (១)

ពហិទ្ធា ធម្មោ ពហិទ្ធា ធម្មស្ស អនន្តរបច្ចយេន បច្ចយោ (បុរិមា បុរិមា ពហិទ្ធាតិ នានាករណំ, តំយេវ គមនំ). (១)

សមនន្តរបច្ចយាទិ

៣៣. អជ្ឈត្តោ ធម្មោ អជ្ឈត្តស្ស ធម្មស្ស សមនន្តរបច្ចយេន បច្ចយោ…បេ… (អនន្តរសទិសំ)… សហជាតបច្ចយេន បច្ចយោ… អញ្ញមញ្ញបច្ចយេន បច្ចយោ… និស្សយបច្ចយេន បច្ចយោ.

ឧបនិស្សយបច្ចយោ

៣៤. អជ្ឈត្តោ ធម្មោ អជ្ឈត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អជ្ឈត្តំ សទ្ធំ ឧបនិស្សាយ ទានំ ទេតិ, សីលំ សមាទិយតិ, ឧបោសថកម្មំ…បេ… ឈានំ…បេ… វិបស្សនំ…បេ… មគ្គំ…បេ… អភិញ្ញំ…បេ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ. អជ្ឈត្តំ សីលំ…បេ… បញ្ញំ… រាគំ…បេ… បត្ថនំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ, បាណំ ហនតិ…បេ… សង្ឃំ ភិន្ទតិ. អជ្ឈត្តា សទ្ធា…បេ… បញ្ញា, រាគោ…បេ… បត្ថនា, កាយិកំ សុខំ… កាយិកំ ទុក្ខំ… សេនាសនំ អជ្ឈត្តាយ សទ្ធាយ…បេ… បញ្ញាយ, រាគស្ស…បេ… បត្ថនាយ, កាយិកស្ស សុខស្ស, កាយិកស្ស ទុក្ខស្ស, មគ្គស្ស ផលសមាបត្តិយា ឧបនិស្សយបច្ចយេន បច្ចយោ. (១)

អជ្ឈត្តោ ធម្មោ ពហិទ្ធា ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, បកតូបនិស្សយោ…បេ…. បកតូបនិស្សយោ – បរោ អជ្ឈត្តំ សទ្ធំ ឧបនិស្សាយ ទានំ ទេតិ…បេ… មានំ ជប្បេតិ, ទិដ្ឋិំ គណ្ហាតិ. បរោ អជ្ឈត្តំ សីលំ…បេ… សេនាសនំ ឧបនិស្សាយ ទានំ ទេតិ, បាណំ ហនតិ…បេ… សង្ឃំ ភិន្ទតិ. អជ្ឈត្តា សទ្ធា…បេ… សេនាសនំ ពហិទ្ធា សទ្ធាយ…បេ… មគ្គស្ស ផលសមាបត្តិយា ឧបនិស្សយបច្ចយេន បច្ចយោ. (២)

៣៥. ពហិទ្ធា ធម្មោ ពហិទ្ធា ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – បរោ ពហិទ្ធា សទ្ធំ…បេ… បត្ថនំ, កាយិកំ សុខំ…បេ… សេនាសនំ ឧបនិស្សាយ ទានំ ទេតិ…បេ… សង្ឃំ ភិន្ទតិ ពហិទ្ធា សទ្ធា…បេ… សេនាសនំ ពហិទ្ធា សទ្ធាយ…បេ… ផលសមាបត្តិយា ឧបនិស្សយបច្ចយេន បច្ចយោ. (១)

ពហិទ្ធា ធម្មោ អជ្ឈត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, បកតូបនិស្សយោ…បេ…. បកតូបនិស្សយោ – ពហិទ្ធា សទ្ធំ…បេ… សេនាសនំ ឧបនិស្សាយ ទានំ ទេតិ…បេ… សង្ឃំ ភិន្ទតិ. ពហិទ្ធា សទ្ធា…បេ… សេនាសនំ អជ្ឈត្តាយ សទ្ធាយ…បេ… ផលសមាបត្តិយា ឧបនិស្សយបច្ចយេន បច្ចយោ. (២)

បុរេជាតបច្ចយោ

៣៦. អជ្ឈត្តោ ធម្មោ អជ្ឈត្តស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – អជ្ឈត្តំ ចក្ខុំ…បេ… វត្ថុំ អនិច្ចតោ ទុក្ខតោ អនត្តតោ វិបស្សតិ…បេ… ទោមនស្សំ ឧប្បជ្ជតិ, ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ អជ្ឈត្តានំ ខន្ធានំ បុរេជាតបច្ចយេន បច្ចយោ. (១)

អជ្ឈត្តោ ធម្មោ ពហិទ្ធា ធម្មស្ស បុរេជាតបច្ចយេន បច្ចយោ. អារម្មណបុរេជាតំ – បរោ អជ្ឈត្តំ ចក្ខុំ…បេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ, ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. អជ្ឈត្តំ រូបាយតនំ ពហិទ្ធា ចក្ខុវិញ្ញាណស្ស…បេ… អជ្ឈត្តំ ផោដ្ឋព្ពាយតនំ ពហិទ្ធា កាយវិញ្ញាណស្ស បុរេជាតបច្ចយេន បច្ចយោ. (២)

៣៧. ពហិទ្ធា ធម្មោ ពហិទ្ធា ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – បរោ ពហិទ្ធា ចក្ខុំ…បេ… វត្ថុំ អនិច្ចតោ…បេ… ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. ពហិទ្ធា រូបាយតនំ ពហិទ្ធា ចក្ខុវិញ្ញាណស្ស…បេ… ពហិទ្ធា ផោដ្ឋព្ពាយតនំ ពហិទ្ធា កាយវិញ្ញាណស្ស…បេ…. វត្ថុបុរេជាតំ – ពហិទ្ធា ចក្ខាយតនំ…បេ… កាយាយតនំ…បេ… វត្ថុ ពហិទ្ធា ខន្ធានំ បុរេជាតបច្ចយេន បច្ចយោ. (១)

ពហិទ្ធា ធម្មោ អជ្ឈត្តស្ស ធម្មស្ស បុរេជាតបច្ចយេន បច្ចយោ. អារម្មណបុរេជាតំ – ពហិទ្ធា ចក្ខុំ…បេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ, ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. ពហិទ្ធា រូបាយតនំ អជ្ឈត្តស្ស ចក្ខុវិញ្ញាណស្ស…បេ… ពហិទ្ធា ផោដ្ឋព្ពាយតនំ អជ្ឈត្តស្ស កាយវិញ្ញាណស្ស បុរេជាតបច្ចយេន បច្ចយោ. (២)

៣៨. អជ្ឈត្តោ ច ពហិទ្ធា ច ធម្មា អជ្ឈត្តស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. ពហិទ្ធា រូបាយតនញ្ច អជ្ឈត្តំ ចក្ខាយតនញ្ច អជ្ឈត្តស្ស ចក្ខុវិញ្ញាណស្ស បុរេជាតបច្ចយេន បច្ចយោ…បេ… ពហិទ្ធា ផោដ្ឋព្ពាយតនញ្ច អជ្ឈត្តំ កាយាយតនញ្ច អជ្ឈត្តស្ស កាយវិញ្ញាណស្ស…បេ… ពហិទ្ធា រូបាយតនញ្ច អជ្ឈត្តំ វត្ថុ ច…បេ… ពហិទ្ធា ផោដ្ឋព្ពាយតនញ្ច អជ្ឈត្តំ វត្ថុ ច អជ្ឈត្តានំ ខន្ធានំ បុរេជាតបច្ចយេន បច្ចយោ. (១)

អជ្ឈត្តោ ច ពហិទ្ធា ច ធម្មា ពហិទ្ធា ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អជ្ឈត្តំ រូបាយតនញ្ច ពហិទ្ធា ចក្ខាយតនញ្ច ពហិទ្ធា ចក្ខុវិញ្ញាណស្ស បុរេជាតបច្ចយេន បច្ចយោ…បេ… អជ្ឈត្តំ ផោដ្ឋព្ពាយតនញ្ច ពហិទ្ធា កាយាយតនញ្ច ពហិទ្ធា កាយវិញ្ញាណស្ស បុរេជាតបច្ចយេន បច្ចយោ. អជ្ឈត្តំ រូបាយតនញ្ច ពហិទ្ធា វត្ថុ ច…បេ… អជ្ឈត្តំ ផោដ្ឋព្ពាយតនញ្ច ពហិទ្ធា វត្ថុ ច ពហិទ្ធា ខន្ធានំ បុរេជាតបច្ចយេន បច្ចយោ. (២)

បច្ឆាជាតបច្ចយោ

៣៩. អជ្ឈត្តោ ធម្មោ អជ្ឈត្តស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អជ្ឈត្តា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

ពហិទ្ធា ធម្មោ ពហិទ្ធា ធម្មស្ស បច្ឆាជាតបច្ចយេន បច្ចយោ – បច្ឆាជាតា ពហិទ្ធា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

អាសេវនបច្ចយោ

៤០. អជ្ឈត្តោ ធម្មោ អជ្ឈត្តស្ស ធម្មស្ស អាសេវនបច្ចយេន បច្ចយោ – បុរិមា បុរិមា អជ្ឈត្តា ខន្ធា បច្ឆិមានំ បច្ឆិមានំ អជ្ឈត្តានំ ខន្ធានំ អាសេវនបច្ចយេន បច្ចយោ. អនុលោមំ គោត្រភុស្ស… អនុលោមំ វោទានស្ស… គោត្រភុ មគ្គស្ស… វោទានំ មគ្គស្ស អាសេវនបច្ចយេន បច្ចយោ. (១)

ពហិទ្ធា ធម្មោ ពហិទ្ធា ធម្មស្ស អាសេវនបច្ចយេន បច្ចយោ – បុរិមា បុរិមា…បេ… (អជ្ឈត្តសទិសំយេវ).

កម្មបច្ចយោ

៤១. អជ្ឈត្តោ ធម្មោ អជ្ឈត្តស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – អជ្ឈត្តា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. នានាក្ខណិកា – អជ្ឈត្តា ចេតនា វិបាកានំ អជ្ឈត្តានំ ខន្ធានំ កដត្តា ច រូបានំ កម្មបច្ចយេន បច្ចយោ. (១)

ពហិទ្ធា ធម្មោ ពហិទ្ធា ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – ពហិទ្ធា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. នានាក្ខណិកា – ពហិទ្ធា ចេតនា វិបាកានំ ពហិទ្ធា ខន្ធានំ កដត្តា ច រូបានំ កម្មបច្ចយេន បច្ចយោ. (១)

វិបាកបច្ចយោ

៤២. អជ្ឈត្តោ ធម្មោ អជ្ឈត្តស្ស ធម្មស្ស វិបាកបច្ចយេន បច្ចយោ…បេ… (បរិបុណ្ណំ, បដិច្ចវារសទិសំ).

អាហារបច្ចយោ

៤៣. អជ្ឈត្តោ ធម្មោ អជ្ឈត្តស្ស ធម្មស្ស អាហារបច្ចយេន បច្ចយោ – អជ្ឈត្តា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ. បដិសន្ធិក្ខណេ…បេ… អជ្ឈត្តោ កពឡីការោ អាហារោ អជ្ឈត្តស្ស កាយស្ស អាហារបច្ចយេន បច្ចយោ. (១)

អជ្ឈត្តោ ធម្មោ ពហិទ្ធា ធម្មស្ស អាហារបច្ចយេន បច្ចយោ – អជ្ឈត្តោ កពឡីការោ អាហារោ ពហិទ្ធា កាយស្ស អាហារបច្ចយេន បច្ចយោ. (២)

ពហិទ្ធា ធម្មោ ពហិទ្ធា ធម្មស្ស អាហារបច្ចយេន បច្ចយោ (បវត្តិបដិសន្ធិ) ពហិទ្ធា កពឡីការោ អាហារោ ពហិទ្ធា កាយស្ស អាហារបច្ចយេន បច្ចយោ. (១)

ពហិទ្ធា ធម្មោ អជ្ឈត្តស្ស ធម្មស្ស អាហារបច្ចយេន បច្ចយោ – ពហិទ្ធា កពឡីការោ អាហារោ អជ្ឈត្តស្ស កាយស្ស អាហារបច្ចយេន បច្ចយោ. (២)

៤៤. អជ្ឈត្តោ ធម្មោ ច ពហិទ្ធា ធម្មោ ច អជ្ឈត្តស្ស ធម្មស្ស អាហារបច្ចយេន បច្ចយោ – អជ្ឈត្តោ កពឡីការោ អាហារោ ច ពហិទ្ធា កពឡីការោ អាហារោ ច អជ្ឈត្តស្ស កាយស្ស អាហារបច្ចយេន បច្ចយោ. (១)

អជ្ឈត្តោ ធម្មោ ច ពហិទ្ធា ធម្មោ ច ពហិទ្ធា ធម្មស្ស អាហារបច្ចយេន បច្ចយោ – អជ្ឈត្តោ កពឡីការោ អាហារោ ច ពហិទ្ធា កពឡីការោ អាហារោ ច ពហិទ្ធា កាយស្ស អាហារបច្ចយេន បច្ចយោ. (២)

ឥន្ទ្រិយបច្ចយាទិ

៤៥. អជ្ឈត្តោ ធម្មោ អជ្ឈត្តស្ស ធម្មស្ស ឥន្ទ្រិយបច្ចយេន បច្ចយោ, អជ្ឈត្តិកា ឥន្ទ្រិយា (រូបជីវិតិន្ទ្រិយម្បិ វិត្ថារេតព្ពំ)… ឈានបច្ចយេន បច្ចយោ… មគ្គបច្ចយេន បច្ចយោ… សម្បយុត្តបច្ចយេន បច្ចយោ… វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (មាតិកាបទានិ អនុមជ្ជន្តេន វិត្ថារេតព្ពានិ).

ពហិទ្ធា ធម្មោ ពហិទ្ធា ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ).

អត្ថិបច្ចយោ

៤៦. អជ្ឈត្តោ ធម្មោ អជ្ឈត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតោ – អជ្ឈត្តោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធា វត្ថុស្ស …បេ… វត្ថុ ខន្ធានំ…បេ… ឯកំ មហាភូតំ…បេ… អសញ្ញសត្តានំ ឯកំ មហាភូតំ តិណ្ណន្នំ មហាភូតានំ…បេ…. បុរេជាតំ – ចក្ខុំ…បេ… វត្ថុំ (បុរេជាតសទិសំ), វត្ថុ អជ្ឈត្តានំ ខន្ធានំ អត្ថិបច្ចយេន បច្ចយោ. បច្ឆាជាតា – អជ្ឈត្តា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ. អជ្ឈត្តោ កពឡីការោ អាហារោ អជ្ឈត្តស្ស កាយស្ស…បេ… រូបជីវិតិន្ទ្រិយំ កដត្តារូបានំ…បេ…. (១)

អជ្ឈត្តោ ធម្មោ ពហិទ្ធា ធម្មស្ស អត្ថិបច្ចយេន បច្ចយោ – បុរេជាតំ, អាហារំ. បុរេជាតំ – បរោ អជ្ឈត្តំ ចក្ខុំ…បេ… វត្ថុំ អនិច្ចតោ…បេ… វិបស្សតិ, ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, អជ្ឈត្តំ រូបាយតនំ…បេ… ផោដ្ឋព្ពាយតនំ ពហិទ្ធា កាយវិញ្ញាណស្ស អត្ថិបច្ចយេន បច្ចយោ. អជ្ឈត្តោ កពឡីការោ អាហារោ ពហិទ្ធា កាយស្ស អត្ថិបច្ចយេន បច្ចយោ. (២)

៤៧. ពហិទ្ធា ធម្មោ ពហិទ្ធា ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (ពហិទ្ធា និន្នានាករណំ, មាតិកាបទានិ វិត្ថារេតព្ពានិ). (១)

ពហិទ្ធា ធម្មោ អជ្ឈត្តស្ស ធម្មស្ស អត្ថិបច្ចយេន បច្ចយោ – បុរេជាតំ, អាហារំ. បុរេជាតំ – ពហិទ្ធា ចក្ខុំ…បេ… វត្ថុំ…បេ… ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, ពហិទ្ធា រូបាយតនំ…បេ… ផោដ្ឋព្ពាយតនំ អជ្ឈត្តស្ស កាយវិញ្ញាណស្ស អត្ថិបច្ចយេន បច្ចយោ. ពហិទ្ធា កពឡីការោ អាហារោ អជ្ឈត្តស្ស កាយស្ស អត្ថិបច្ចយេន បច្ចយោ. (២)

៤៨. អជ្ឈត្តោ ធម្មោ ច ពហិទ្ធា ធម្មោ ច អជ្ឈត្តស្ស ធម្មស្ស អត្ថិបច្ចយេន បច្ចយោ – បុរេជាតំ, អាហារំ. បុរេជាតំ – ពហិទ្ធា រូបាយតនញ្ច អជ្ឈត្តំ ចក្ខុ ច អជ្ឈត្តស្ស ចក្ខុវិញ្ញាណស្ស…បេ… ពហិទ្ធា ផោដ្ឋព្ពាយតនញ្ច អជ្ឈត្តំ កាយាយតនញ្ច អជ្ឈត្តស្ស កាយវិញ្ញាណស្ស អត្ថិបច្ចយេន បច្ចយោ. ពហិទ្ធា រូបាយតនញ្ច អជ្ឈត្តំ វត្ថុ ច…បេ… ពហិទ្ធា ផោដ្ឋព្ពាយតនញ្ច អជ្ឈត្តំ វត្ថុ ច អជ្ឈត្តានំ ខន្ធានំ អត្ថិបច្ចយេន បច្ចយោ. អាហារំ – អជ្ឈត្តោ កពឡីការោ អាហារោ ច ពហិទ្ធា កពឡីការោ អាហារោ ច អជ្ឈត្តស្ស កាយស្ស អត្ថិបច្ចយេន បច្ចយោ. (១)

អជ្ឈត្តោ ធម្មោ ច ពហិទ្ធា ធម្មោ ច ពហិទ្ធា ធម្មស្ស អត្ថិបច្ចយេន បច្ចយោ – បុរេជាតំ, អាហារំ. បុរេជាតំ – អជ្ឈត្តំ រូបាយតនញ្ច ពហិទ្ធា ចក្ខាយតនញ្ច ពហិទ្ធា ចក្ខុវិញ្ញាណស្ស អត្ថិបច្ចយេន បច្ចយោ…បេ… អជ្ឈត្តំ ផោដ្ឋព្ពាយតនញ្ច ពហិទ្ធា កាយាយតនញ្ច ពហិទ្ធា កាយវិញ្ញាណស្ស អត្ថិបច្ចយេន បច្ចយោ. អជ្ឈត្តំ រូបាយតនញ្ច ពហិទ្ធា វត្ថុ ច ពហិទ្ធា ខន្ធានំ អត្ថិបច្ចយេន បច្ចយោ…បេ… អជ្ឈត្តំ ផោដ្ឋព្ពាយតនញ្ច ពហិទ្ធា វត្ថុ ច ពហិទ្ធា ខន្ធានំ អត្ថិបច្ចយេន បច្ចយោ. អាហារំ – អជ្ឈត្តោ កពឡីការោ អាហារោ ច ពហិទ្ធា កពឡីការោ អាហារោ ច ពហិទ្ធា កាយស្ស អត្ថិបច្ចយេន បច្ចយោ. (២)

នត្ថិវិគតាវិគតបច្ចយា

៤៩. អជ្ឈត្តោ ធម្មោ អជ្ឈត្តស្ស ធម្មស្ស នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ.