១. វិភង្គវារោ

នហេតុបច្ចយោ

៨. មគ្គារម្មណំ ធម្មំ បដិច្ច មគ្គារម្មណោ ធម្មោ ឧប្បជ្ជតិ នហេតុបច្ចយា – អហេតុកំ មគ្គារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

នអធិបតិបច្ចយោ

៩. មគ្គារម្មណំ ធម្មំ បដិច្ច មគ្គារម្មណោ ធម្មោ ឧប្បជ្ជតិ នអធិបតិបច្ចយា – មគ្គារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

មគ្គារម្មណំ ធម្មំ បដិច្ច មគ្គាធិបតិ ធម្មោ ឧប្បជ្ជតិ នអធិបតិបច្ចយា – មគ្គារម្មណំ ឯកំ ខន្ធំ បដិច្ច មគ្គាធិបតី តយោ ខន្ធា…បេ… ទ្វេ ខន្ធេ…បេ…. (២)

មគ្គារម្មណំ ធម្មំ បដិច្ច មគ្គារម្មណោ ច មគ្គាធិបតិ ច ធម្មា ឧប្បជ្ជន្តិ នអធិបតិបច្ចយា – មគ្គារម្មណំ ឯកំ ខន្ធំ បដិច្ច មគ្គារម្មណា ច មគ្គាធិបតី ច តយោ ខន្ធា…បេ… ទ្វេ ខន្ធេ…បេ…. (៣)

១០. មគ្គហេតុកំ ធម្មំ បដិច្ច មគ្គហេតុកោ ធម្មោ ឧប្បជ្ជតិ នអធិបតិបច្ចយា – មគ្គហេតុកេ ខន្ធេ បដិច្ច មគ្គហេតុកាធិបតិ. (១)

មគ្គហេតុកំ ធម្មំ បដិច្ច មគ្គាធិបតិ ធម្មោ ឧប្បជ្ជតិ នអធិបតិបច្ចយា – មគ្គហេតុកេ ខន្ធេ បដិច្ច មគ្គាធិបតិ អធិបតិ. (២)

មគ្គហេតុកំ ធម្មំ បដិច្ច មគ្គហេតុកោ ច មគ្គាធិបតិ ច ធម្មា ឧប្បជ្ជន្តិ នអធិបតិបច្ចយា – មគ្គហេតុកេ ខន្ធេ បដិច្ច មគ្គហេតុកោ ច មគ្គាធិបតិ ច អធិបតិ. (៣)

១១. មគ្គាធិបតិំ ធម្មំ បដិច្ច មគ្គាធិបតិ ធម្មោ ឧប្បជ្ជតិ នអធិបតិបច្ចយា – មគ្គាធិបតី ខន្ធេ បដិច្ច មគ្គាធិបតិ អធិបតិ. មគ្គាធិបតិំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

មគ្គាធិបតិំ ធម្មំ បដិច្ច មគ្គារម្មណោ ធម្មោ ឧប្បជ្ជតិ នអធិបតិបច្ចយា – មគ្គាធិបតិំ ឯកំ ខន្ធំ បដិច្ច មគ្គារម្មណា តយោ ខន្ធា…បេ… ទ្វេ ខន្ធេ…បេ…. (២)

មគ្គាធិបតិំ ធម្មំ បដិច្ច មគ្គហេតុកោ ធម្មោ ឧប្បជ្ជតិ នអធិបតិបច្ចយា – មគ្គាធិបតី ខន្ធេ បដិច្ច មគ្គហេតុកោ អធិបតិ. (៣)

មគ្គាធិបតិំ ធម្មំ បដិច្ច មគ្គារម្មណោ ច មគ្គាធិបតិ ច ធម្មា ឧប្បជ្ជន្តិ នអធិបតិបច្ចយា – មគ្គាធិបតិំ ឯកំ ខន្ធំ បដិច្ច មគ្គារម្មណា ច មគ្គាធិបតី ច តយោ ខន្ធា…បេ… ទ្វេ ខន្ធេ…បេ…. (៤)

មគ្គាធិបតិំ ធម្មំ បដិច្ច មគ្គហេតុកោ ច មគ្គាធិបតិ ច ធម្មា ឧប្បជ្ជន្តិ នអធិបតិបច្ចយា – មគ្គាធិបតី ខន្ធេ បដិច្ច មគ្គហេតុកោ ច មគ្គាធិបតិ ច អធិបតិ. (៥)

១២. មគ្គារម្មណញ្ច មគ្គាធិបតិញ្ច ធម្មំ បដិច្ច មគ្គារម្មណោ ធម្មោ ឧប្បជ្ជតិ នអធិបតិបច្ចយា – មគ្គារម្មណញ្ច មគ្គាធិបតិញ្ច ឯកំ ខន្ធំ បដិច្ច មគ្គារម្មណា តយោ ខន្ធា…បេ… ទ្វេ ខន្ធេ…បេ…. (១)

មគ្គារម្មណញ្ច មគ្គាធិបតិញ្ច ធម្មំ បដិច្ច មគ្គាធិបតិ ធម្មោ ឧប្បជ្ជតិ នអធិបតិបច្ចយា – មគ្គារម្មណញ្ច មគ្គាធិបតិញ្ច ឯកំ ខន្ធំ បដិច្ច មគ្គាធិបតី តយោ ខន្ធា…បេ… ទ្វេ ខន្ធេ…បេ…. (២)

មគ្គារម្មណញ្ច មគ្គាធិបតិញ្ច ធម្មំ បដិច្ច មគ្គារម្មណោ ច មគ្គាធិបតិ ច ធម្មា ឧប្បជ្ជន្តិ នអធិបតិបច្ចយា – មគ្គារម្មណញ្ច មគ្គាធិបតិញ្ច ឯកំ ខន្ធំ បដិច្ច មគ្គារម្មណា ច មគ្គាធិបតី ច តយោ ខន្ធា…បេ… ទ្វេ ខន្ធេ…បេ…. (៣)

១៣. មគ្គហេតុកញ្ច មគ្គាធិបតិញ្ច ធម្មំ បដិច្ច មគ្គហេតុកោ ធម្មោ ឧប្បជ្ជតិ នអធិបតិបច្ចយា – មគ្គហេតុកេ ច មគ្គាធិបតី ច ខន្ធេ បដិច្ច មគ្គហេតុកោ អធិបតិ. (១)

មគ្គហេតុកញ្ច មគ្គាធិបតិញ្ច ធម្មំ បដិច្ច មគ្គាធិបតិ ធម្មោ ឧប្បជ្ជតិ នអធិបតិបច្ចយា – មគ្គហេតុកេ ច មគ្គាធិបតី ច ខន្ធេ បដិច្ច មគ្គាធិបតិ អធិបតិ. (២)

មគ្គហេតុកញ្ច មគ្គាធិបតិញ្ច ធម្មំ បដិច្ច មគ្គហេតុកោ ច មគ្គាធិបតិ ច ធម្មា ឧប្បជ្ជន្តិ នអធិបតិបច្ចយា – មគ្គហេតុកេ ច មគ្គាធិបតី ច ខន្ធេ បដិច្ច មគ្គហេតុកោ ច មគ្គាធិបតិ ច អធិបតិ. (៣)

នបុរេជាតបច្ចយាទិ

១៤. មគ្គារម្មណំ ធម្មំ បដិច្ច មគ្គារម្មណោ ធម្មោ ឧប្បជ្ជតិ នបុរេជាតបច្ចយា… នបច្ឆាជាតបច្ចយា (បរិបុណ្ណា ទ្វេបិ).

នអាសេវនបច្ចយោ

១៥. មគ្គារម្មណំ ធម្មំ បដិច្ច មគ្គារម្មណោ ធម្មោ ឧប្បជ្ជតិ នអាសេវនបច្ចយា – មគ្គារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

មគ្គារម្មណំ ធម្មំ បដិច្ច មគ្គាធិបតិ ធម្មោ ឧប្បជ្ជតិ នអាសេវនបច្ចយា – មគ្គារម្មណំ ឯកំ ខន្ធំ បដិច្ច មគ្គាធិបតី តយោ ខន្ធា…បេ… ទ្វេ ខន្ធេ…បេ…. (២)

មគ្គារម្មណំ ធម្មំ បដិច្ច មគ្គារម្មណោ ច មគ្គាធិបតិ ច ធម្មា ឧប្បជ្ជន្តិ នអាសេវនបច្ចយា – មគ្គារម្មណំ ឯកំ ខន្ធំ បដិច្ច មគ្គារម្មណា ច មគ្គាធិបតី ច តយោ ខន្ធា…បេ… ទ្វេ ខន្ធេ…បេ…. (៣)

១៦. មគ្គាធិបតិំ ធម្មំ បដិច្ច មគ្គាធិបតិ ធម្មោ ឧប្បជ្ជតិ នអាសេវនបច្ចយា – មគ្គាធិបតិំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

មគ្គាធិបតិំ ធម្មំ បដិច្ច មគ្គារម្មណោ ធម្មោ ឧប្បជ្ជតិ នអាសេវនបច្ចយា – មគ្គាធិបតិំ ឯកំ ខន្ធំ បដិច្ច មគ្គារម្មណា តយោ ខន្ធា…បេ… ទ្វេ ខន្ធេ…បេ…. (២)

មគ្គាធិបតិំ ធម្មំ បដិច្ច មគ្គារម្មណោ ច មគ្គាធិបតិ ច ធម្មា ឧប្បជ្ជន្តិ នអាសេវនបច្ចយា – មគ្គាធិបតិំ ឯកំ ខន្ធំ បដិច្ច មគ្គារម្មណា ច មគ្គាធិបតី ច តយោ ខន្ធា…បេ… ទ្វេ ខន្ធេ…បេ…. (៣)

១៧. មគ្គារម្មណញ្ច មគ្គាធិបតិញ្ច ធម្មំ បដិច្ច មគ្គារម្មណោ ធម្មោ ឧប្បជ្ជតិ នអាសេវនបច្ចយា – មគ្គារម្មណញ្ច មគ្គាធិបតិញ្ច ឯកំ ខន្ធំ បដិច្ច មគ្គារម្មណា តយោ ខន្ធា…បេ… ទ្វេ ខន្ធេ…បេ…. (១)

មគ្គារម្មណញ្ច មគ្គាធិបតិញ្ច ធម្មំ បដិច្ច មគ្គាធិបតិ ធម្មោ ឧប្បជ្ជតិ នអាសេវនបច្ចយា – មគ្គារម្មណញ្ច មគ្គាធិបតិញ្ច ឯកំ ខន្ធំ បដិច្ច មគ្គាធិបតី តយោ ខន្ធា…បេ… ទ្វេ ខន្ធេ…បេ…. (២)

មគ្គារម្មណញ្ច មគ្គាធិបតិញ្ច ធម្មំ បដិច្ច មគ្គារម្មណោ ច មគ្គាធិបតិ ច ធម្មា ឧប្បជ្ជន្តិ នអាសេវនបច្ចយា – មគ្គារម្មណញ្ច មគ្គាធិបតិញ្ច ឯកំ ខន្ធំ បដិច្ច មគ្គារម្មណា ច មគ្គាធិបតី ច តយោ ខន្ធា…បេ… ទ្វេ ខន្ធេ…បេ…. (៣)

នកម្មបច្ចយោ

១៨. មគ្គារម្មណំ ធម្មំ បដិច្ច មគ្គារម្មណោ ធម្មោ ឧប្បជ្ជតិ នកម្មបច្ចយា – មគ្គារម្មណេ ខន្ធេ បដិច្ច មគ្គារម្មណា ចេតនា. (១)

មគ្គារម្មណំ ធម្មំ បដិច្ច មគ្គាធិបតិ ធម្មោ ឧប្បជ្ជតិ នកម្មបច្ចយា – មគ្គារម្មណេ ខន្ធេ បដិច្ច មគ្គាធិបតិ ចេតនា. (២)

មគ្គារម្មណំ ធម្មំ បដិច្ច មគ្គារម្មណោ ច មគ្គាធិបតិ ច ធម្មា ឧប្បជ្ជន្តិ នកម្មបច្ចយា – មគ្គារម្មណេ ខន្ធេ បដិច្ច មគ្គារម្មណា ច មគ្គាធិបតិ ច ចេតនា. (៣)

១៩. មគ្គហេតុកំ ធម្មំ បដិច្ច មគ្គហេតុកោ ធម្មោ ឧប្បជ្ជតិ នកម្មបច្ចយា – មគ្គហេតុកេ ខន្ធេ បដិច្ច មគ្គហេតុកា ចេតនា. (១)

មគ្គហេតុកំ ធម្មំ បដិច្ច មគ្គាធិបតិ ធម្មោ ឧប្បជ្ជតិ នកម្មបច្ចយា – មគ្គហេតុកេ ខន្ធេ បដិច្ច មគ្គាធិបតិ ចេតនា. (២)

មគ្គហេតុកំ ធម្មំ បដិច្ច មគ្គហេតុកោ ច មគ្គាធិបតិ ច ធម្មា ឧប្បជ្ជន្តិ នកម្មបច្ចយា – មគ្គហេតុកេ ខន្ធេ បដិច្ច មគ្គហេតុកោ ច មគ្គាធិបតិ ច ចេតនា. (៣)

២០. មគ្គាធិបតិំ ធម្មំ បដិច្ច មគ្គាធិបតិ ធម្មោ ឧប្បជ្ជតិ នកម្មបច្ចយា – មគ្គាធិបតី ខន្ធេ បដិច្ច មគ្គាធិបតិ ចេតនា (បញ្ច បញ្ហា).

មគ្គារម្មណញ្ច មគ្គាធិបតិញ្ច ធម្មំ បដិច្ច មគ្គារម្មណោ ធម្មោ ឧប្បជ្ជតិ នកម្មបច្ចយា (បឋមឃដនេ តីណិ).

មគ្គហេតុកញ្ច មគ្គាធិបតិញ្ច ធម្មំ បដិច្ច មគ្គហេតុកោ ធម្មោ ឧប្បជ្ជតិ នកម្មបច្ចយា (ទុតិយឃដនេ តីណិ បញ្ហា).

នវិបាកបច្ចយោ

២១. មគ្គារម្មណំ ធម្មំ បដិច្ច មគ្គារម្មណោ ធម្មោ ឧប្បជ្ជតិ នវិបាកបច្ចយា (បរិបុណ្ណំ).

នមគ្គបច្ចយោ

២២. មគ្គារម្មណំ ធម្មំ បដិច្ច មគ្គារម្មណោ ធម្មោ ឧប្បជ្ជតិ នមគ្គបច្ចយា – អហេតុកំ មគ្គារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

នវិប្បយុត្តបច្ចយោ

២៣. មគ្គារម្មណំ ធម្មំ បដិច្ច មគ្គារម្មណោ ធម្មោ ឧប្បជ្ជតិ នវិប្បយុត្តបច្ចយា (បរិបុណ្ណំ, អរូបន្តិ និយាមេតព្ពំ).