១. វិភង្គវារោ

ហេតុបច្ចយោ

១. មគ្គារម្មណំ ធម្មំ បដិច្ច មគ្គារម្មណោ ធម្មោ ឧប្បជ្ជតិ ហេតុបច្ចយា – មគ្គារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

មគ្គារម្មណំ ធម្មំ បដិច្ច មគ្គាធិបតិ ធម្មោ ឧប្បជ្ជតិ ហេតុបច្ចយា – មគ្គារម្មណំ ឯកំ ខន្ធំ បដិច្ច មគ្គាធិបតី តយោ ខន្ធា, តយោ ខន្ធេ បដិច្ច ឯកោ ខន្ធោ. ទ្វេ ខន្ធេ…បេ…. (២)

មគ្គារម្មណំ ធម្មំ បដិច្ច មគ្គារម្មណោ ច មគ្គាធិបតិ ច ធម្មា ឧប្បជ្ជន្តិ ហេតុបច្ចយា – មគ្គារម្មណំ ឯកំ ខន្ធំ បដិច្ច មគ្គារម្មណា ច មគ្គាធិបតី ច តយោ ខន្ធា…បេ… ទ្វេ ខន្ធេ…បេ…. (៣)

២. មគ្គហេតុកំ ធម្មំ បដិច្ច មគ្គហេតុកោ ធម្មោ ឧប្បជ្ជតិ ហេតុបច្ចយា – មគ្គហេតុកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

មគ្គហេតុកំ ធម្មំ បដិច្ច មគ្គាធិបតិ ធម្មោ ឧប្បជ្ជតិ ហេតុបច្ចយា – មគ្គហេតុកំ ឯកំ ខន្ធំ បដិច្ច មគ្គាធិបតី តយោ ខន្ធា…បេ… ទ្វេ ខន្ធេ…បេ…. (២)

មគ្គហេតុកំ ធម្មំ បដិច្ច មគ្គហេតុកោ ច មគ្គាធិបតិ ច ធម្មា ឧប្បជ្ជន្តិ ហេតុបច្ចយា – មគ្គហេតុកំ ឯកំ ខន្ធំ បដិច្ច មគ្គហេតុកា ច មគ្គាធិបតី ច តយោ ខន្ធា…បេ… ទ្វេ ខន្ធេ…បេ…. (៣)

៣. មគ្គាធិបតិំ ធម្មំ បដិច្ច មគ្គាធិបតិ ធម្មោ ឧប្បជ្ជតិ ហេតុបច្ចយា – មគ្គាធិបតិំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

មគ្គាធិបតិំ ធម្មំ បដិច្ច មគ្គារម្មណោ ធម្មោ ឧប្បជ្ជតិ ហេតុបច្ចយា – មគ្គាធិបតិំ ឯកំ ខន្ធំ បដិច្ច មគ្គារម្មណា តយោ ខន្ធា…បេ… ទ្វេ ខន្ធេ…បេ…. (២)

មគ្គាធិបតិំ ធម្មំ បដិច្ច មគ្គហេតុកោ ធម្មោ ឧប្បជ្ជតិ ហេតុបច្ចយា – មគ្គាធិបតិំ ឯកំ ខន្ធំ បដិច្ច មគ្គហេតុកា តយោ ខន្ធា…បេ… ទ្វេ ខន្ធេ…បេ…. (៣)

មគ្គាធិបតិំ ធម្មំ បដិច្ច មគ្គារម្មណោ ច មគ្គាធិបតិ ច ធម្មា ឧប្បជ្ជន្តិ ហេតុបច្ចយា – មគ្គាធិបតិំ ឯកំ ខន្ធំ បដិច្ច មគ្គារម្មណា ច មគ្គាធិបតី ច តយោ ខន្ធា…បេ… ទ្វេ ខន្ធេ…បេ…. (៤)

មគ្គាធិបតិំ ធម្មំ បដិច្ច មគ្គហេតុកោ ច មគ្គាធិបតិ ច ធម្មា ឧប្បជ្ជន្តិ ហេតុបច្ចយា – មគ្គាធិបតិំ ឯកំ ខន្ធំ បដិច្ច មគ្គហេតុកា ច មគ្គាធិបតី ច តយោ ខន្ធា…បេ… ទ្វេ ខន្ធេ…បេ…. (៥)

៤. មគ្គារម្មណញ្ច មគ្គាធិបតិញ្ច ធម្មំ បដិច្ច មគ្គារម្មណោ ធម្មោ ឧប្បជ្ជតិ ហេតុបច្ចយា – មគ្គារម្មណញ្ច មគ្គាធិបតិញ្ច ឯកំ ខន្ធំ បដិច្ច មគ្គារម្មណា តយោ ខន្ធា…បេ… ទ្វេ ខន្ធេ…បេ…. (១)

មគ្គារម្មណញ្ច មគ្គាធិបតិញ្ច ធម្មំ បដិច្ច មគ្គាធិបតិ ធម្មោ ឧប្បជ្ជតិ ហេតុបច្ចយា – មគ្គារម្មណញ្ច មគ្គាធិបតិញ្ច ឯកំ ខន្ធំ បដិច្ច មគ្គាធិបតី តយោ ខន្ធា…បេ… ទ្វេ ខន្ធេ…បេ…. (២)

មគ្គារម្មណញ្ច មគ្គាធិបតិញ្ច ធម្មំ បដិច្ច មគ្គារម្មណោ ច មគ្គាធិបតិ ច ធម្មា ឧប្បជ្ជន្តិ ហេតុបច្ចយា – មគ្គារម្មណញ្ច មគ្គាធិបតិញ្ច ឯកំ ខន្ធំ បដិច្ច មគ្គារម្មណា ច មគ្គាធិបតី ច តយោ ខន្ធា…បេ… ទ្វេ ខន្ធេ…បេ…. (៣)

៥. មគ្គហេតុកញ្ច មគ្គាធិបតិញ្ច ធម្មំ បដិច្ច មគ្គហេតុកោ ធម្មោ ឧប្បជ្ជតិ ហេតុបច្ចយា – មគ្គហេតុកញ្ច មគ្គាធិបតិញ្ច ឯកំ ខន្ធំ បដិច្ច មគ្គហេតុកា តយោ ខន្ធា…បេ… ទ្វេ ខន្ធេ…បេ…. (១)

មគ្គហេតុកញ្ច មគ្គាធិបតិញ្ច ធម្មំ បដិច្ច មគ្គាធិបតិ ធម្មោ ឧប្បជ្ជតិ ហេតុបច្ចយា – មគ្គហេតុកញ្ច មគ្គាធិបតិញ្ច ឯកំ ខន្ធំ បដិច្ច មគ្គាធិបតី តយោ ខន្ធា…បេ… ទ្វេ ខន្ធេ…បេ…. (២)

មគ្គហេតុកញ្ច មគ្គាធិបតិញ្ច ធម្មំ បដិច្ច មគ្គហេតុកោ ច មគ្គាធិបតិ ច ធម្មា ឧប្បជ្ជន្តិ ហេតុបច្ចយា – មគ្គហេតុកញ្ច មគ្គាធិបតិញ្ច ឯកំ ខន្ធំ បដិច្ច មគ្គហេតុកា ច មគ្គាធិបតី ច តយោ ខន្ធា…បេ… ទ្វេ ខន្ធេ…បេ…. (៣)

អារម្មណបច្ចយាទិ

៦. មគ្គារម្មណំ ធម្មំ បដិច្ច មគ្គារម្មណោ ធម្មោ ឧប្បជ្ជតិ អារម្មណបច្ចយា… អធិបតិបច្ចយា… អនន្តរបច្ចយា… សមនន្តរបច្ចយា… សហជាតបច្ចយា… អញ្ញមញ្ញបច្ចយា… និស្សយបច្ចយា… ឧបនិស្សយបច្ចយា… បុរេជាតបច្ចយា… អាសេវនបច្ចយា… កម្មបច្ចយា… អាហារបច្ចយា… ឥន្ទ្រិយបច្ចយា… ឈានបច្ចយា… មគ្គបច្ចយា… សម្បយុត្តបច្ចយា… វិប្បយុត្តបច្ចយា… អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា.