១៥. មិច្ឆត្តនិយតត្តិកំ
១. បដិច្ចវារោ
១. បច្ចយានុលោមំ
១. វិភង្គវារោ
ហេតុបច្ចយោ
១. មិច្ឆត្តនិយតំ ធម្មំ បដិច្ច មិច្ឆត្តនិយតោ ធម្មោ ឧប្បជ្ជតិ ហេតុបច្ចយា – មិច្ឆត្តនិយតំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា. (១)
មិច្ឆត្តនិយតំ ធម្មំ បដិច្ច អនិយតោ ធម្មោ ឧប្បជ្ជតិ ហេតុបច្ចយា – មិច្ឆត្តនិយតេ ខន្ធេ បដិច្ច ចិត្តសមុដ្ឋានំ រូបំ. (២)
មិច្ឆត្តនិយតំ ធម្មំ បដិច្ច មិច្ឆត្តនិយតោ ច អនិយតោ ច ធម្មា ឧប្បជ្ជន្តិ ហេតុបច្ចយា – មិច្ឆត្តនិយតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)
២. សម្មត្តនិយតំ ធម្មំ បដិច្ច សម្មត្តនិយតោ ធម្មោ ឧប្បជ្ជតិ ហេតុបច្ចយា… តីណិ.
៣. អនិយតំ ធម្មំ បដិច្ច អនិយតោ ធម្មោ ឧប្បជ្ជតិ ហេតុបច្ចយា – អនិយតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ អនិយតំ ឯកំ ខន្ធំ បដិច្ច តយោ ខន្ធា កដត្តា ច រូបំ, ទ្វេ ខន្ធេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ បដិច្ច តយោ មហាភូតា…បេ… ទ្វេ មហាភូតា,. មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ. (១)
៤. មិច្ឆត្តនិយតញ្ច អនិយតញ្ច ធម្មំ បដិច្ច អនិយតោ ធម្មោ ឧប្បជ្ជតិ ហេតុបច្ចយា – មិច្ឆត្តនិយតេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)
សម្មត្តនិយតញ្ច អនិយតញ្ច ធម្មំ បដិច្ច អនិយតោ ធម្មោ ឧប្បជ្ជតិ ហេតុបច្ចយា – សម្មត្តនិយតេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)
អារម្មណបច្ចយោ
៥. មិច្ឆត្តនិយតំ ធម្មំ បដិច្ច មិច្ឆត្តនិយតោ ធម្មោ ឧប្បជ្ជតិ អារម្មណបច្ចយា – មិច្ឆត្តនិយតំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)
សម្មត្តនិយតំ ធម្មំ បដិច្ច សម្មត្តនិយតោ ធម្មោ ឧប្បជ្ជតិ អារម្មណបច្ចយា – សម្មត្តនិយតំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)
អនិយតំ ធម្មំ បដិច្ច អនិយតោ ធម្មោ ឧប្បជ្ជតិ អារម្មណបច្ចយា – អនិយតំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ អនិយតំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… វត្ថុំ បដិច្ច ខន្ធា (សព្ពេ បច្ចយា ឥមិនា ការណេន វិត្ថារេតព្ពា. សំខិត្តំ).
១. បច្ចយានុលោមំ
២. សង្ខ្យាវារោ
៦. ហេតុយា នវ, អារម្មណេ តីណិ, អធិបតិយា នវ, អនន្តរេ តីណិ, សមនន្តរេ តីណិ, សហជាតេ នវ, អញ្ញមញ្ញេ តីណិ, និស្សយេ នវ, ឧបនិស្សយេ តីណិ, បុរេជាតេ តីណិ, អាសេវនេ តីណិ, កម្មេ នវ, វិបាកេ ឯកំ, អាហារេ នវ, ឥន្ទ្រិយេ នវ, ឈានេ នវ, មគ្គេ នវ, សម្បយុត្តេ តីណិ, វិប្បយុត្តេ នវ, អត្ថិយា នវ, នត្ថិយា តីណិ, វិគតេ តីណិ, អវិគតេ នវ (ឯវំ គណេតព្ពំ).
អនុលោមំ.
២. បច្ចយបច្ចនីយំ
១. វិភង្គវារោ
នហេតុបច្ចយោ
៧. អនិយតំ ធម្មំ បដិច្ច អនិយតោ ធម្មោ ឧប្បជ្ជតិ នហេតុបច្ចយា – អហេតុកំ អនិយតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ… ឯកំ មហាភូតំ បដិច្ច…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ… វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)
នអារម្មណបច្ចយោ
៨. មិច្ឆត្តនិយតំ ធម្មំ បដិច្ច អនិយតោ ធម្មោ ឧប្បជ្ជតិ នអារម្មណបច្ចយា – មិច្ឆត្តនិយតេ ខន្ធេ បដិច្ច ចិត្តសមុដ្ឋានំ រូបំ (សំខិត្តំ).
នអធិបតិបច្ចយោ
៩. មិច្ឆត្តនិយតំ ធម្មំ បដិច្ច មិច្ឆត្តនិយតោ ធម្មោ ឧប្បជ្ជតិ នអធិបតិបច្ចយា – មិច្ឆត្តនិយតេ ខន្ធេ បដិច្ច មិច្ឆត្តនិយតាធិបតិ. (១)
សម្មត្តនិយតំ ធម្មំ បដិច្ច សម្មត្តនិយតោ ធម្មោ ឧប្បជ្ជតិ នអធិបតិបច្ចយា – សម្មត្តនិយតេ ខន្ធេ បដិច្ច សម្មត្តនិយតាធិបតិ. (១)
អនិយតំ ធម្មំ បដិច្ច អនិយតោ ធម្មោ ឧប្បជ្ជតិ នអធិបតិបច្ចយា – អនិយតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ…បេ… អសញ្ញសត្តានំ…បេ…. (១)
នអនន្តរបច្ចយោ
១០. មិច្ឆត្តនិយតំ ធម្មំ បដិច្ច អនិយតោ ធម្មោ ឧប្បជ្ជតិ នអនន្តរបច្ចយា (សំខិត្តំ, សព្ពានិ បច្ចយានិ វិត្ថារេតព្ពានិ).
២. បច្ចយបច្ចនីយំ
២. សង្ខ្យាវារោ
១១. នហេតុយា ឯកំ, នអារម្មណេ បញ្ច, នអធិបតិយា តីណិ, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ ឆ, នបច្ឆាជាតេ នវ, នអាសេវនេ បញ្ច, នកម្មេ តីណិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ បញ្ច, នវិប្បយុត្តេ ទ្វេ, នោនត្ថិយា បញ្ច, នោវិគតេ បញ្ច (ឯវំ គណេតព្ពំ).
បច្ចនីយំ.
៣. បច្ចយានុលោមបច្ចនីយំ
ហេតុទុកំ
១២. ហេតុបច្ចយា នអារម្មណេ បញ្ច, នអធិបតិយា តីណិ, នអនន្តរេ នសមនន្តរេ នអញ្ញមញ្ញេ នឧបនិស្សយេ បញ្ច, នបុរេជាតេ ឆ, នបច្ឆាជាតេ នវ, នអាសេវនេ បញ្ច, នកម្មេ តីណិ, នវិបាកេ នវ, នសម្បយុត្តេ បញ្ច, នវិប្បយុត្តេ ទ្វេ, នោនត្ថិយា បញ្ច, នោវិគតេ បញ្ច (ឯវំ គណេតព្ពំ).
អនុលោមបច្ចនីយំ.
៤. បច្ចយបច្ចនីយានុលោមំ
នហេតុទុកំ
១៣. នហេតុបច្ចយា អារម្មណេ ឯកំ, អនន្តរេ ឯកំ, សមនន្តរេ ឯកំ, សហជាតេ ឯកំ…បេ… វិគតេ ឯកំ (ឯវំ គណេតព្ពំ).
បច្ចនីយានុលោមំ.
បដិច្ចវារោ.
២. សហជាតវារោ
(សហជាតវារោ បដិច្ចវារសទិសោ.)
៣. បច្ចយវារោ
១. បច្ចយានុលោមំ
១. វិភង្គវារោ
ហេតុបច្ចយោ
១៤. មិច្ឆត្តនិយតំ ធម្មំ បច្ចយា មិច្ឆត្តនិយតោ ធម្មោ ឧប្បជ្ជតិ ហេតុបច្ចយា… តីណិ.
សម្មត្តនិយតំ ធម្មំ បច្ចយា សម្មត្តនិយតោ ធម្មោ ឧប្បជ្ជតិ ហេតុបច្ចយា… តីណិ.
១៥. អនិយតំ ធម្មំ បច្ចយា អនិយតោ ធម្មោ ឧប្បជ្ជតិ ហេតុបច្ចយា – អនិយតំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បច្ចយា វត្ថុ, វត្ថុំ បច្ចយា ខន្ធា; ឯកំ មហាភូតំ បច្ចយា…បេ… វត្ថុំ បច្ចយា អនិយតា ខន្ធា. (១)
អនិយតំ ធម្មំ បច្ចយា មិច្ឆត្តនិយតោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា មិច្ឆត្តនិយតា ខន្ធា. (២)
អនិយតំ ធម្មំ បច្ចយា សម្មត្តនិយតោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា សម្មត្តនិយតា ខន្ធា. (៣)
អនិយតំ ធម្មំ បច្ចយា មិច្ឆត្តនិយតោ ច អនិយតោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា មិច្ឆត្តនិយតា ខន្ធា, មហាភូតេ បច្ចយា ចិត្តសមុដ្ឋានំ រូបំ. (៤)
អនិយតំ ធម្មំ បច្ចយា សម្មត្តនិយតោ ច អនិយតោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា សម្មត្តនិយតា ខន្ធា, មហាភូតេ បច្ចយា ចិត្តសមុដ្ឋានំ រូបំ. (៥)
១៦. មិច្ឆត្តនិយតញ្ច អនិយតញ្ច ធម្មំ បច្ចយា មិច្ឆត្តនិយតោ ធម្មោ ឧប្បជ្ជតិ ហេតុបច្ចយា – មិច្ឆត្តនិយតំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ…. (១)
មិច្ឆត្តនិយតញ្ច អនិយតញ្ច ធម្មំ បច្ចយា អនិយតោ ធម្មោ ឧប្បជ្ជតិ ហេតុបច្ចយា – មិច្ឆត្តនិយតេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (២)
មិច្ឆត្តនិយតញ្ច អនិយតញ្ច ធម្មំ បច្ចយា មិច្ឆត្តនិយតោ ច អនិយតោ ច ធម្មា ឧប្បជ្ជន្តិ ហេតុបច្ចយា – មិច្ឆត្តនិយតំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ… មិច្ឆត្តនិយតេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (៣)
សម្មត្តនិយតញ្ច អនិយតញ្ច ធម្មំ បច្ចយា សម្មត្តនិយតោ ធម្មោ ឧប្បជ្ជតិ ហេតុបច្ចយា (តីណិ បញ្ហា, មិច្ឆត្តសទិសំ).
អារម្មណបច្ចយាទិ
១៧. មិច្ឆត្តនិយតំ ធម្មំ បច្ចយា មិច្ឆត្តនិយតោ ធម្មោ ឧប្បជ្ជតិ អារម្មណបច្ចយា… (សំខិត្តំ, កុសលត្តិកេ បច្ចយវារសទិសំ វិភជិតព្ពំ)… អវិគតបច្ចយា.
១. បច្ចយានុលោមំ
២. សង្ខ្យាវារោ
១៨. ហេតុយា សត្តរស, អារម្មណេ សត្ត, អធិបតិយា សត្តរស, អនន្តរេ សត្ត, សមនន្តរេ សត្ត, សហជាតេ សត្តរស, អញ្ញមញ្ញេ សត្ត, និស្សយេ សត្តរស, ឧបនិស្សយេ សត្ត, បុរេជាតេ សត្ត, អាសេវនេ សត្ត, កម្មេ សត្តរស, វិបាកេ ឯកំ, អាហារេ សត្តរស, ឥន្ទ្រិយេ សត្តរស, ឈានេ សត្តរស, មគ្គេ សត្តរស, សម្បយុត្តេ សត្ត, វិប្បយុត្តេ សត្តរស, អត្ថិយា សត្តរស, នត្ថិយា សត្ត, វិគតេ សត្ត, អវិគតេ សត្តរស (ឯវំ គណេតព្ពំ).
អនុលោមំ.
២. បច្ចយបច្ចនីយំ
១. វិភង្គវារោ
នហេតុបច្ចយោ
១៩. អនិយតំ ធម្មំ បច្ចយា អនិយតោ ធម្មោ ឧប្បជ្ជតិ នហេតុបច្ចយា – អហេតុកំ អនិយតំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ… ខន្ធេ បច្ចយា វត្ថុ, វត្ថុំ បច្ចយា ខន្ធា. ឯកំ មហាភូតំ…បេ… អសញ្ញសត្តានំ…បេ… ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ. វត្ថុំ បច្ចយា អហេតុកា អនិយតា ខន្ធា. វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ. (១)
នអារម្មណបច្ចយោ
២០. មិច្ឆត្តនិយតំ ធម្មំ បច្ចយា អនិយតោ ធម្មោ ឧប្បជ្ជតិ នអារម្មណបច្ចយា – មិច្ឆត្តនិយតេ ខន្ធេ បច្ចយា ចិត្តសមុដ្ឋានំ រូបំ (កុសលត្តិកសទិសំ, បញ្ច កាតព្ពា).
នអធិបតិបច្ចយោ
២១. មិច្ឆត្តនិយតំ ធម្មំ បច្ចយា មិច្ឆត្តនិយតោ ធម្មោ ឧប្បជ្ជតិ នអធិបតិបច្ចយា – មិច្ឆត្តនិយតេ ខន្ធេ បច្ចយា មិច្ឆត្តនិយតាធិបតិ. (១)
សម្មត្តនិយតំ ធម្មំ បច្ចយា សម្មត្តនិយតោ ធម្មោ ឧប្បជ្ជតិ នអធិបតិបច្ចយា – សម្មត្តនិយតេ ខន្ធេ បច្ចយា សម្មត្តនិយតាធិបតិ. (១)
អនិយតំ ធម្មំ បច្ចយា អនិយតោ ធម្មោ ឧប្បជ្ជតិ នអធិបតិបច្ចយា – អនិយតំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ …បេ… អសញ្ញសត្តានំ…បេ… ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ. វត្ថុំ បច្ចយា អនិយតា ខន្ធា. (១)
អនិយតំ ធម្មំ បច្ចយា មិច្ឆត្តនិយតោ ធម្មោ ឧប្បជ្ជតិ នអធិបតិបច្ចយា – វត្ថុំ បច្ចយា មិច្ឆត្តនិយតាធិបតិ. (២)
អនិយតំ ធម្មំ បច្ចយា សម្មត្តនិយតោ ធម្មោ ឧប្បជ្ជតិ នអធិបតិបច្ចយា – វត្ថុំ បច្ចយា សម្មត្តនិយតាធិបតិ. (៣)
មិច្ឆត្តនិយតញ្ច អនិយតញ្ច ធម្មំ បច្ចយា មិច្ឆត្តនិយតោ ធម្មោ ឧប្បជ្ជតិ នអធិបតិបច្ចយា – មិច្ឆត្តនិយតេ ខន្ធេ ច វត្ថុញ្ច បច្ចយា មិច្ឆត្តនិយតាធិបតិ. (១)
សម្មត្តនិយតញ្ច អនិយតញ្ច ធម្មំ បច្ចយា សម្មត្តនិយតោ ធម្មោ ឧប្បជ្ជតិ នអធិបតិបច្ចយា – សម្មត្តនិយតេ ខន្ធេ ច វត្ថុញ្ច បច្ចយា សម្មត្តនិយតាធិបតិ. (១)
នអនន្តរបច្ចយាទិ
២២. មិច្ឆត្តនិយតំ ធម្មំ បច្ចយា អនិយតោ ធម្មោ ឧប្បជ្ជតិ នអនន្តរបច្ចយា…បេ… នោនត្ថិបច្ចយា… នោវិគតបច្ចយា.
២. បច្ចយបច្ចនីយំ
២. សង្ខ្យាវារោ
២៣. នហេតុយា ឯកំ, នអារម្មណេ បញ្ច, នអធិបតិយា សត្ត, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ ឆ, នបច្ឆាជាតេ សត្តរស, នអាសេវនេ បញ្ច, នកម្មេ សត្ត, នវិបាកេ សត្តរស, នអាហារេ ឯកំ, នឥន្ទ្រិយេ នឈានេ នមគ្គេ ឯកំ, នសម្បយុត្តេ បញ្ច, នវិប្បយុត្តេ ទ្វេ, នោនត្ថិយា បញ្ច, នោវិគតេ បញ្ច (ឯវំ គណេតព្ពំ).
បច្ចនីយំ.
៣. បច្ចយានុលោមបច្ចនីយំ
ហេតុទុកំ
២៤. ហេតុបច្ចយា នអារម្មណេ បញ្ច, នអធិបតិយា សត្ត, នអនន្តរេ បញ្ច, នសមនន្តរេ នអញ្ញមញ្ញេ នឧបនិស្សយេ បញ្ច, នបុរេជាតេ ឆ, នបច្ឆាជាតេ សត្តរស, នអាសេវនេ បញ្ច, នកម្មេ សត្ត, នវិបាកេ សត្តរស, នសម្បយុត្តេ បញ្ច, នវិប្បយុត្តេ ទ្វេ, នោនត្ថិយា បញ្ច, នោវិគតេ បញ្ច (ឯវំ គណេតព្ពំ).
អនុលោមបច្ចនីយំ.
៤. បច្ចយបច្ចនីយានុលោមំ
នហេតុទុកំ
២៥. នហេតុបច្ចយា អារម្មណេ ឯកំ, អនន្តរេ ឯកំ (សំខិត្តំ), អវិគតេ ឯកំ (ឯវំ គណេតព្ពំ).
បច្ចនីយានុលោមំ.
បច្ចយវារោ.
៤. និស្សយវារោ
(និស្សយវារោ បច្ចយវារសទិសោ).
៥. សំសដ្ឋវារោ
១. បច្ចយានុលោមំ
១. វិភង្គវារោ
ហេតុបច្ចយោ
២៦. មិច្ឆត្តនិយតំ ធម្មំ សំសដ្ឋោ មិច្ឆត្តនិយតោ ធម្មោ ឧប្បជ្ជតិ ហេតុបច្ចយា – មិច្ឆត្តនិយតំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ…. (១)
សម្មត្តនិយតំ ធម្មំ សំសដ្ឋោ សម្មត្តនិយតោ ធម្មោ ឧប្បជ្ជតិ ហេតុបច្ចយា – សម្មត្តនិយតំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ…. (១)
អនិយតំ ធម្មំ សំសដ្ឋោ អនិយតោ ធម្មោ ឧប្បជ្ជតិ ហេតុបច្ចយា – អនិយតំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)
អារម្មណបច្ចយាទិ
២៧. មិច្ឆត្តនិយតំ ធម្មំ សំសដ្ឋោ មិច្ឆត្តនិយតោ ធម្មោ ឧប្បជ្ជតិ អារម្មណបច្ចយា…បេ… អវិគតបច្ចយា.
១. បច្ចយានុលោមំ
២. សង្ខ្យាវារោ
២៨. ហេតុយា តីណិ, អារម្មណេ តីណិ…បេ… កម្មេ តីណិ, វិបាកេ ឯកំ, អាហារេ តីណិ…បេ… អវិគតេ តីណិ (ឯវំ គណេតព្ពំ).
អនុលោមំ.
២. បច្ចយបច្ចនីយំ
១. វិភង្គវារោ
នហេតុបច្ចយោ
២៩. អនិយតំ ធម្មំ សំសដ្ឋោ អនិយតោ ធម្មោ ឧប្បជ្ជតិ នហេតុបច្ចយា – អហេតុកំ អនិយតំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ…. (១)
នអធិបតិបច្ចយោ
៣០. មិច្ឆត្តនិយតំ ធម្មំ សំសដ្ឋោ មិច្ឆត្តនិយតោ ធម្មោ ឧប្បជ្ជតិ នអធិបតិបច្ចយា – មិច្ឆត្តនិយតេ ខន្ធេ សំសដ្ឋោ មិច្ឆត្តនិយតាធិបតិ. (១)
សម្មត្តនិយតំ ធម្មំ សំសដ្ឋោ សម្មត្តនិយតោ ធម្មោ ឧប្បជ្ជតិ នអធិបតិបច្ចយា – សម្មត្តនិយតេ ខន្ធេ សំសដ្ឋោ សម្មត្តនិយតាធិបតិ. (១)
អនិយតំ ធម្មំ សំសដ្ឋោ អនិយតោ ធម្មោ ឧប្បជ្ជតិ នអធិបតិបច្ចយា – អនិយតំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ….(១)
នបុរេជាតបច្ចយាទិ
៣១. សម្មត្តនិយតំ ធម្មំ សំសដ្ឋោ សម្មត្តនិយតោ ធម្មោ ឧប្បជ្ជតិ នបុរេជាតបច្ចយា – អរូបេ សម្មត្តនិយតំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ…. (១)
អនិយតំ ធម្មំ សំសដ្ឋោ អនិយតោ ធម្មោ ឧប្បជ្ជតិ នបុរេជាតបច្ចយា – អរូបេ អនិយតំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)
មិច្ឆត្តនិយតំ ធម្មំ សំសដ្ឋោ មិច្ឆត្តនិយតោ ធម្មោ ឧប្បជ្ជតិ នបច្ឆាជាតបច្ចយា (បរិបុណ្ណំ).
នអាសេវនបច្ចយាទិ
៣២. អនិយតំ ធម្មំ សំសដ្ឋោ អនិយតោ ធម្មោ ឧប្បជ្ជតិ នអាសេវនបច្ចយា – អនិយតំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)
មិច្ឆត្តនិយតំ ធម្មំ សំសដ្ឋោ មិច្ឆត្តនិយតោ ធម្មោ ឧប្បជ្ជតិ នកម្មបច្ចយា, នវិបាកបច្ចយា (សំខិត្តំ).
អនិយតំ ធម្មំ សំសដ្ឋោ អនិយតោ ធម្មោ ឧប្បជ្ជតិ នឈានបច្ចយា – បញ្ចវិញ្ញាណំ…បេ… នមគ្គបច្ចយា – អហេតុកំ អនិយតំ…បេ….
សម្មត្តនិយតំ ធម្មំ សំសដ្ឋោ សម្មត្តនិយតោ ធម្មោ ឧប្បជ្ជតិ នវិប្បយុត្តបច្ចយា – អរូបេ សម្មត្តនិយតំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ…. (១)
អនិយតំ ធម្មំ សំសដ្ឋោ អនិយតោ ធម្មោ ឧប្បជ្ជតិ នវិប្បយុត្តបច្ចយា – អរូបេ អនិយតំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ…. (១)
២. បច្ចយបច្ចនីយំ
២. សង្ខ្យាវារោ
៣៣. នហេតុយា ឯកំ, នអធិបតិយា តីណិ, នបុរេជាតេ ទ្វេ, នបច្ឆាជាតេ តីណិ, នអាសេវនេ ឯកំ, នកម្មេ តីណិ, នវិបាកេ តីណិ, នឈានេ ឯកំ, នមគ្គេ ឯកំ, នវិប្បយុត្តេ ទ្វេ (ឯវំ គណេតព្ពំ).
បច្ចនីយំ.
៣. បច្ចយានុលោមបច្ចនីយំ
៣៤. ហេតុបច្ចយា នអធិបតិយា តីណិ, នបុរេជាតេ ទ្វេ, នបច្ឆាជាតេ តីណិ, នអាសេវនេ ឯកំ, នកម្មេ តីណិ, នវិបាកេ តីណិ, នវិប្បយុត្តេ ទ្វេ (ឯវំ គណេតព្ពំ).
អនុលោមបច្ចនីយំ.
៤. បច្ចយបច្ចនីយានុលោមំ
៣៥. នហេតុបច្ចយា អារម្មណេ ឯកំ, អនន្តរេ ឯកំ (សំខិត្តំ), អវិគតេ ឯកំ (ឯវំ គណេតព្ពំ).
បច្ចនីយានុលោមំ.
សំសដ្ឋវារោ.
៦. សម្បយុត្តវារោ
(សម្បយុត្តវារោ សំសដ្ឋវារសទិសោ).
៧. បញ្ហាវារោ
១. បច្ចយានុលោមំ
១. វិភង្គវារោ
ហេតុបច្ចយោ
៣៦. មិច្ឆត្តនិយតោ ធម្មោ មិច្ឆត្តនិយតស្ស ធម្មស្ស ហេតុបច្ចយេន បច្ចយោ – មិច្ឆត្តនិយតា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. (១)
មិច្ឆត្តនិយតោ ធម្មោ អនិយតស្ស ធម្មស្ស ហេតុបច្ចយេន បច្ចយោ – មិច្ឆត្តនិយតា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ. (២)
មិច្ឆត្តនិយតោ ធម្មោ មិច្ឆត្តនិយតស្ស ច អនិយតស្ស ច ធម្មស្ស ហេតុបច្ចយេន បច្ចយោ – មិច្ឆត្តនិយតា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)