១. វិភង្គវារោ

នហេតុបច្ចយោ

១០. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ នហេតុបច្ចយា – អហេតុកំ បរិត្តំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ… វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

នអារម្មណបច្ចយោ

១១. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ នអារម្មណបច្ចយា – បរិត្តេ ខន្ធេ បដិច្ច ចិត្តសមុដ្ឋានំ រូបំ. បដិសន្ធិក្ខណេ បរិត្តេ ខន្ធេ បដិច្ច កដត្តារូបំ, ខន្ធេ បដិច្ច វត្ថុ…បេ… ឯកំ មហាភូតំ…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ…. (១)

មហគ្គតំ ធម្មំ បដិច្ច បរិត្តោ ធម្មោ ឧប្បជ្ជតិ នអារម្មណបច្ចយា – មហគ្គតេ ខន្ធេ បដិច្ច ចិត្តសមុដ្ឋានំ រូបំ. បដិសន្ធិក្ខណេ មហគ្គតេ ខន្ធេ បដិច្ច កដត្តារូបំ. (១)

អប្បមាណំ ធម្មំ បដិច្ច បរិត្តោ ធម្មោ ឧប្បជ្ជតិ នអារម្មណបច្ចយា – អប្បមាណេ ខន្ធេ បដិច្ច ចិត្តសមុដ្ឋានំ រូបំ. (១)

បរិត្តញ្ច អប្បមាណញ្ច ធម្មំ បដិច្ច បរិត្តោ ធម្មោ ឧប្បជ្ជតិ នអារម្មណបច្ចយា – អប្បមាណេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

បរិត្តញ្ច មហគ្គតញ្ច ធម្មំ បដិច្ច បរិត្តោ ធម្មោ ឧប្បជ្ជតិ នអារម្មណបច្ចយា – មហគ្គតេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. បដិសន្ធិក្ខណេ មហគ្គតេ ខន្ធេ ច មហាភូតេ ច បដិច្ច កដត្តារូបំ. (១)

នអធិបតិបច្ចយោ

១២. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ នអធិបតិបច្ចយា – បរិត្តំ ឯកំ ខន្ធំ បដិច្ច តយោ ខន្ធា…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ…បេ… អសញ្ញសត្តានំ…បេ…. (១)

បរិត្តំ ធម្មំ បដិច្ច មហគ្គតោ ធម្មោ ឧប្បជ្ជតិ នអធិបតិបច្ចយា – បដិសន្ធិក្ខណេ វត្ថុំ បដិច្ច មហគ្គតា ខន្ធា. (២)

បរិត្តំ ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ នអធិបតិបច្ចយា – បដិសន្ធិក្ខណេ វត្ថុំ បដិច្ច មហគ្គតា ខន្ធា, មហាភូតេ បដិច្ច កដត្តារូបំ. (៣)

១៣. មហគ្គតំ ធម្មំ បដិច្ច មហគ្គតោ ធម្មោ ឧប្បជ្ជតិ នអធិបតិបច្ចយា – មហគ្គតេ ខន្ធេ បដិច្ច មហគ្គតាធិបតិ, វិបាកំ មហគ្គតំ ឯកំ ខន្ធំ បដិច្ច…បេ… បដិសន្ធិក្ខណេ…បេ…. (១)

មហគ្គតំ ធម្មំ បដិច្ច បរិត្តោ ធម្មោ ឧប្បជ្ជតិ នអធិបតិបច្ចយា – វិបាកេ មហគ្គតេ ខន្ធេ បដិច្ច ចិត្តសមុដ្ឋានំ រូបំ. បដិសន្ធិក្ខណេ មហគ្គតេ ខន្ធេ បដិច្ច កដត្តារូបំ. (២)

មហគ្គតំ ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ នអធិបតិបច្ចយា – វិបាកំ មហគ្គតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ…. (៣)

១៤. អប្បមាណំ ធម្មំ បដិច្ច អប្បមាណោ ធម្មោ ឧប្បជ្ជតិ នអធិបតិបច្ចយា – អប្បមាណេ ខន្ធេ បដិច្ច អប្បមាណាធិបតិ. (១)

បរិត្តញ្ច មហគ្គតញ្ច ធម្មំ បដិច្ច បរិត្តោ ធម្មោ ឧប្បជ្ជតិ នអធិបតិបច្ចយា – វិបាកេ មហគ្គតេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. បដិសន្ធិក្ខណេ មហគ្គតេ ខន្ធេ ច មហាភូតេ ច បដិច្ច កដត្តារូបំ. (១)

បរិត្តញ្ច មហគ្គតញ្ច ធម្មំ បដិច្ច មហគ្គតោ ធម្មោ ឧប្បជ្ជតិ នអធិបតិបច្ចយា – បដិសន្ធិក្ខណេ មហគ្គតំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ…បេ…. (២)

បរិត្តញ្ច មហគ្គតញ្ច ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ នអធិបតិបច្ចយា – បដិសន្ធិក្ខណេ មហគ្គតំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ…បេ… មហគ្គតេ ខន្ធេ ច មហាភូតេ ច បដិច្ច កដត្តារូបំ. (៣)

នអនន្តរបច្ចយាទិ

១៥. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ នអនន្តរបច្ចយា… នសមនន្តរបច្ចយា… នអញ្ញមញ្ញបច្ចយា… នឧបនិស្សយបច្ចយា.

នបុរេជាតបច្ចយោ

១៦. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ នបុរេជាតបច្ចយា – អរូបេ បរិត្តំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បរិត្តេ ខន្ធេ បដិច្ច ចិត្តសមុដ្ឋានំ រូបំ. បដិសន្ធិក្ខណេ បរិត្តំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ… ទ្វេ ខន្ធេ…បេ… (សព្ពេ មហាភូតា វិត្ថារេតព្ពា, អរូបេ បរិត្តមូលកេ តិស្សោ បញ្ហា).

មហគ្គតំ ធម្មំ បដិច្ច មហគ្គតោ ធម្មោ ឧប្បជ្ជតិ នបុរេជាតបច្ចយា – មហគ្គតំ ឯកំ ខន្ធំ…បេ… បដិសន្ធិក្ខណេ…បេ…. (១)

មហគ្គតំ ធម្មំ បដិច្ច បរិត្តោ ធម្មោ ឧប្បជ្ជតិ នបុរេជាតបច្ចយា – មហគ្គតេ ខន្ធេ បដិច្ច ចិត្តសមុដ្ឋានំ រូបំ. បដិសន្ធិក្ខណេ មហគ្គតេ ខន្ធេ បដិច្ច កដត្តារូបំ. (២)

មហគ្គតំ ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ នបុរេជាតបច្ចយា – បដិសន្ធិក្ខណេ មហគ្គតំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ… ទ្វេ ខន្ធេ…បេ…. (៣)

១៧. អប្បមាណំ ធម្មំ បដិច្ច អប្បមាណោ ធម្មោ ឧប្បជ្ជតិ នបុរេជាតបច្ចយា – អរូបេ អប្បមាណំ ឯកំ ខន្ធំ…បេ…. (១)

អប្បមាណំ ធម្មំ បដិច្ច បរិត្តោ ធម្មោ ឧប្បជ្ជតិ នបុរេជាតបច្ចយា – អប្បមាណេ ខន្ធេ បដិច្ច ចិត្តសមុដ្ឋានំ រូបំ.(២)

បរិត្តញ្ច អប្បមាណញ្ច ធម្មំ បដិច្ច បរិត្តោ ធម្មោ ឧប្បជ្ជតិ នបុរេជាតបច្ចយា – អប្បមាណេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (៣)

បរិត្តញ្ច មហគ្គតញ្ច ធម្មំ បដិច្ច បរិត្តោ ធម្មោ ឧប្បជ្ជតិ នបុរេជាតបច្ចយា – មហគ្គតេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. បដិសន្ធិក្ខណេ…បេ…. (១)

បរិត្តញ្ច មហគ្គតញ្ច ធម្មំ បដិច្ច មហគ្គតោ ធម្មោ ឧប្បជ្ជតិ នបុរេជាតបច្ចយា – បដិសន្ធិក្ខណេ មហគ្គតំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ…. (២)

បរិត្តញ្ច មហគ្គតញ្ច ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ នបុរេជាតបច្ចយា – បដិសន្ធិក្ខណេ មហគ្គតំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ…បេ… មហគ្គតេ ខន្ធេ ច មហាភូតេ ច បដិច្ច កដត្តារូបំ. (៣)

នបច្ឆាជាតបច្ចយាទិ

១៨. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ នបច្ឆាជាតបច្ចយា… នអាសេវនបច្ចយា – បរិត្តំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ…បេ… អសញ្ញសត្តានំ ឯកំ មហាភូតំ…បេ….(១)

បរិត្តំ ធម្មំ បដិច្ច មហគ្គតោ ធម្មោ ឧប្បជ្ជតិ នអាសេវនបច្ចយា – បដិសន្ធិក្ខណេ វត្ថុំ បដិច្ច មហគ្គតា ខន្ធា. (២)

បរិត្តំ ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ នអាសេវនបច្ចយា – បដិសន្ធិក្ខណេ វត្ថុំ បដិច្ច មហគ្គតា ខន្ធា, មហាភូតេ បដិច្ច កដត្តារូបំ. (៣)

១៩. មហគ្គតំ ធម្មំ បដិច្ច មហគ្គតោ ធម្មោ ឧប្បជ្ជតិ នអាសេវនបច្ចយា – វិបាកំ មហគ្គតំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ មហគ្គតំ ឯកំ ខន្ធំ បដិច្ច តយោ ខន្ធា…បេ…. (១) មហគ្គតំ ធម្មំ បដិច្ច បរិត្តោ ធម្មោ ឧប្បជ្ជតិ នអាសេវនបច្ចយា – មហគ្គតេ ខន្ធេ បដិច្ច ចិត្តសមុដ្ឋានំ រូបំ. បដិសន្ធិក្ខណេ…បេ…. (២)

មហគ្គតំ ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ នអាសេវនបច្ចយា – វិបាកំ មហគ្គតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ មហគ្គតំ ឯកំ ខន្ធំ…បេ…. (៣)

២០. អប្បមាណំ ធម្មំ បដិច្ច អប្បមាណោ ធម្មោ ឧប្បជ្ជតិ នអាសេវនបច្ចយា – វិបាកំ អប្បមាណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

អប្បមាណំ ធម្មំ បដិច្ច បរិត្តោ ធម្មោ ឧប្បជ្ជតិ នអាសេវនបច្ចយា – អប្បមាណេ ខន្ធេ បដិច្ច ចិត្តសមុដ្ឋានំ រូបំ. (២)

អប្បមាណំ ធម្មំ បដិច្ច បរិត្តោ ច អប្បមាណោ ច ធម្មា ឧប្បជ្ជន្តិ នអាសេវនបច្ចយា – វិបាកំ អប្បមាណំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ…. (៣)

២១. បរិត្តញ្ច អប្បមាណញ្ច ធម្មំ បដិច្ច បរិត្តោ ធម្មោ ឧប្បជ្ជតិ នអាសេវនបច្ចយា – អប្បមាណេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

បរិត្តញ្ច មហគ្គតញ្ច ធម្មំ បដិច្ច បរិត្តោ ធម្មោ ឧប្បជ្ជតិ នអាសេវនបច្ចយា – មហគ្គតេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. បដិសន្ធិក្ខណេ មហគ្គតេ ខន្ធេ ច មហាភូតេ ច បដិច្ច កដត្តារូបំ. (១)

បរិត្តញ្ច មហគ្គតញ្ច ធម្មំ បដិច្ច មហគ្គតោ ធម្មោ ឧប្បជ្ជតិ នអាសេវនបច្ចយា – បដិសន្ធិក្ខណេ មហគ្គតំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ…បេ…. (២)

បរិត្តញ្ច មហគ្គតញ្ច ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ នអាសេវនបច្ចយា – បដិសន្ធិក្ខណេ មហគ្គតំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ…បេ… មហគ្គតេ ខន្ធេ ច មហាភូតេ ច បដិច្ច កដត្តារូបំ. (៣)

នកម្មបច្ចយោ

២២. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ នកម្មបច្ចយា – បរិត្តេ ខន្ធេ បដិច្ច បរិត្តា ចេតនា. ពាហិរំ… អាហារសមុដ្ឋានំ… ឧតុសមុដ្ឋានំ… ឯកំ មហាភូតំ…បេ…. (១)

មហគ្គតំ ធម្មំ បដិច្ច មហគ្គតោ ធម្មោ ឧប្បជ្ជតិ នកម្មបច្ចយា – មហគ្គតេ ខន្ធេ បដិច្ច មហគ្គតា ចេតនា. (១)

អប្បមាណំ ធម្មំ បដិច្ច អប្បមាណោ ធម្មោ ឧប្បជ្ជតិ នកម្មបច្ចយា – កុសលេ អប្បមាណេ ខន្ធេ បដិច្ច អប្បមាណា ចេតនា. (១)

នវិបាកបច្ចយោ

២៣. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ នវិបាកបច្ចយា – បរិត្តំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច ចិត្តសមុដ្ឋានំ រូបំ ឧបាទារូបំ; ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ…. (១)

មហគ្គតំ ធម្មំ បដិច្ច មហគ្គតោ ធម្មោ ឧប្បជ្ជតិ នវិបាកបច្ចយា – មហគ្គតំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

មហគ្គតំ ធម្មំ បដិច្ច បរិត្តោ ធម្មោ ឧប្បជ្ជតិ នវិបាកបច្ចយា – មហគ្គតេ ខន្ធេ បដិច្ច ចិត្តសមុដ្ឋានំ រូបំ. (២)

មហគ្គតំ ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ នវិបាកបច្ចយា – មហគ្គតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

អប្បមាណំ ធម្មំ បដិច្ច អប្បមាណោ ធម្មោ ឧប្បជ្ជតិ នវិបាកបច្ចយា – កុសលំ អប្បមាណំ ឯកំ ខន្ធំ បដិច្ច តយោ ខន្ធា…បេ…. (១)

អប្បមាណំ ធម្មំ បដិច្ច បរិត្តោ ធម្មោ ឧប្បជ្ជតិ នវិបាកបច្ចយា – កុសលេ អប្បមាណេ ខន្ធេ បដិច្ច ចិត្តសមុដ្ឋានំ រូបំ. (២)

អប្បមាណំ ធម្មំ បដិច្ច បរិត្តោ ច អប្បមាណោ ច ធម្មា ឧប្បជ្ជន្តិ នវិបាកបច្ចយា – កុសលំ អប្បមាណំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

បរិត្តញ្ច អប្បមាណញ្ច ធម្មំ បដិច្ច បរិត្តោ ធម្មោ ឧប្បជ្ជតិ នវិបាកបច្ចយា – កុសលេ អប្បមាណេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

បរិត្តញ្ច មហគ្គតញ្ច ធម្មំ បដិច្ច បរិត្តោ ធម្មោ ឧប្បជ្ជតិ នវិបាកបច្ចយា – មហគ្គតេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

នអាហារបច្ចយាទិ

២៤. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ នអាហារបច្ចយា – ពាហិរំ… ឧតុសមុដ្ឋានំ… អសញ្ញសត្តានំ (វិត្ថារេតព្ពំ)… នឥន្ទ្រិយបច្ចយា – ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ… មហាភូតេ បដិច្ច រូបជីវិតិន្ទ្រិយំ, នឈានបច្ចយា – បញ្ចវិញ្ញាណសហគតំ ឯកំ ខន្ធំ…បេ… ពាហិរំ…បេ… អសញ្ញសត្តានំ ឯកំ មហាភូតំ …បេ… (សព្ពេ មហាភូតា កាតព្ពា), នមគ្គបច្ចយា – អហេតុកំ បរិត្តំ ឯកំ ខន្ធំ…បេ… អហេតុកបដិសន្ធិក្ខណេ ឯកំ…បេ… (សព្ពេ មហាភូតា កាតព្ពា) នសម្បយុត្តបច្ចយា… នវិប្បយុត្តបច្ចយា – អរូបេ បរិត្តំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ….

មហគ្គតំ ធម្មំ បដិច្ច មហគ្គតោ ធម្មោ ឧប្បជ្ជតិ នវិប្បយុត្តបច្ចយា – អរូបេ មហគ្គតំ ឯកំ ខន្ធំ…បេ…. (១)

អប្បមាណំ ធម្មំ បដិច្ច អប្បមាណោ ធម្មោ ឧប្បជ្ជតិ នវិប្បយុត្តបច្ចយា – អរូបេ អប្បមាណំ ឯកំ ខន្ធំ…បេ… នោនត្ថិបច្ចយា… នោវិគតបច្ចយា.