២. សង្ខ្យាវារោ

៨៧. ហេតុយា សត្ត, អារម្មណេ សត្ត, អធិបតិយា សត្ត, អនន្តរេ នវ, សមនន្តរេ នវ, សហជាតេ ឯកាទស, អញ្ញមញ្ញេ សត្ត, និស្សយេ តេរស, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ ចត្តារិ, កម្មេ សត្ត, វិបាកេ អាហារេ ឥន្ទ្រិយេ ឈានេ មគ្គេ សត្ត, សម្បយុត្តេ តីណិ, វិប្បយុត្តេ បញ្ច, អត្ថិយា តេរស, នត្ថិយា នវ, វិគតេ នវ, អវិគតេ តេរស (ឯវំ គណេតព្ពំ).

អនុលោមំ.

បច្ចនីយុទ្ធារោ

៨៨. បរិត្តោ ធម្មោ បរិត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)

បរិត្តោ ធម្មោ មហគ្គតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (២)

បរិត្តោ ធម្មោ អប្បមាណស្ស ធម្មស្ស ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (៣)

មហគ្គតោ ធម្មោ មហគ្គតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

មហគ្គតោ ធម្មោ បរិត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ … ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ. (២)

មហគ្គតោ ធម្មោ អប្បមាណស្ស ធម្មស្ស ឧបនិស្សយបច្ចយេន បច្ចយោ. (៣)

មហគ្គតោ ធម្មោ បរិត្តស្ស ច មហគ្គតស្ស ច ធម្មស្ស សហជាតបច្ចយេន បច្ចយោ… កម្មបច្ចយេន បច្ចយោ. (៤)

៨៩. អប្បមាណោ ធម្មោ អប្បមាណស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

អប្បមាណោ ធម្មោ បរិត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. (២)

អប្បមាណោ ធម្មោ មហគ្គតស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ. (៣)

អប្បមាណោ ធម្មោ បរិត្តស្ស ច អប្បមាណស្ស ច ធម្មស្ស សហជាតបច្ចយេន បច្ចយោ. (៤)

បរិត្តោ ច អប្បមាណោ ច ធម្មា បរិត្តស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ. (១)

បរិត្តោ ច អប្បមាណោ ច ធម្មា អប្បមាណស្ស ធម្មស្ស សហជាតំ, បុរេជាតំ. (២)

បរិត្តោ ច មហគ្គតោ ច ធម្មា បរិត្តស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ. (១)

បរិត្តោ ច មហគ្គតោ ច ធម្មា មហគ្គតស្ស ធម្មស្ស សហជាតំ, បុរេជាតំ. (២)