១. វិភង្គវារោ

ហេតុបច្ចយោ

១. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ ហេតុបច្ចយា – បរិត្តំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ បរិត្តំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ… ទ្វេ ខន្ធេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ បដិច្ច តយោ មហាភូតា…បេ… ទ្វេ មហាភូតេ បដិច្ច ចិត្តសមុដ្ឋានំ រូបំ…បេ…. (១)

បរិត្តំ ធម្មំ បដិច្ច មហគ្គតោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ វត្ថុំ បដិច្ច មហគ្គតា ខន្ធា. (២)

បរិត្តំ ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ វត្ថុំ បដិច្ច មហគ្គតា ខន្ធា, មហាភូតេ បដិច្ច កដត្តារូបំ. (៣)

២. មហគ្គតំ ធម្មំ បដិច្ច មហគ្គតោ ធម្មោ ឧប្បជ្ជតិ ហេតុបច្ចយា – មហគ្គតំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

មហគ្គតំ ធម្មំ បដិច្ច បរិត្តោ ធម្មោ ឧប្បជ្ជតិ ហេតុបច្ចយា – មហគ្គតេ ខន្ធេ បដិច្ច ចិត្តសមុដ្ឋានំ រូបំ. បដិសន្ធិក្ខណេ មហគ្គតេ ខន្ធេ បដិច្ច កដត្តារូបំ. (២)

មហគ្គតំ ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ ហេតុបច្ចយា – មហគ្គតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… បដិសន្ធិក្ខណេ មហគ្គតំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ… ទ្វេ ខន្ធេ…បេ…. (៣)

៣. អប្បមាណំ ធម្មំ បដិច្ច អប្បមាណោ ធម្មោ ឧប្បជ្ជតិ ហេតុបច្ចយា – អប្បមាណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

អប្បមាណំ ធម្មំ បដិច្ច បរិត្តោ ធម្មោ ឧប្បជ្ជតិ ហេតុបច្ចយា – អប្បមាណេ ខន្ធេ បដិច្ច ចិត្តសមុដ្ឋានំ រូបំ. (២)

អប្បមាណំ ធម្មំ បដិច្ច បរិត្តោ ច អប្បមាណោ ច ធម្មា ឧប្បជ្ជន្តិ ហេតុបច្ចយា – អប្បមាណំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

៤. បរិត្តញ្ច អប្បមាណញ្ច ធម្មំ បដិច្ច បរិត្តោ ធម្មោ ឧប្បជ្ជតិ ហេតុបច្ចយា – អប្បមាណេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

បរិត្តញ្ច មហគ្គតញ្ច ធម្មំ បដិច្ច បរិត្តោ ធម្មោ ឧប្បជ្ជតិ ហេតុបច្ចយា – មហគ្គតេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. បដិសន្ធិក្ខណេ…បេ…. (១)

បរិត្តញ្ច មហគ្គតញ្ច ធម្មំ បដិច្ច មហគ្គតោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ មហគ្គតំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ…បេ…. (២)

បរិត្តញ្ច មហគ្គតញ្ច ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ មហគ្គតំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ…បេ… មហគ្គតេ ខន្ធេ ច មហាភូតេ ច បដិច្ច កដត្តារូបំ. (៣)

អារម្មណបច្ចយោ

៥. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ អារម្មណបច្ចយា – បរិត្តំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ… វត្ថុំ បដិច្ច ខន្ធា. (១)

បរិត្តំ ធម្មំ បដិច្ច មហគ្គតោ ធម្មោ ឧប្បជ្ជតិ អារម្មណបច្ចយា – បដិសន្ធិក្ខណេ វត្ថុំ បដិច្ច មហគ្គតា ខន្ធា. (២)

មហគ្គតំ ធម្មំ បដិច្ច មហគ្គតោ ធម្មោ ឧប្បជ្ជតិ អារម្មណបច្ចយា – មហគ្គតំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

អប្បមាណំ ធម្មំ បដិច្ច អប្បមាណោ ធម្មោ ឧប្បជ្ជតិ អារម្មណបច្ចយា – អប្បមាណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

បរិត្តញ្ច មហគ្គតញ្ច ធម្មំ បដិច្ច មហគ្គតោ ធម្មោ ឧប្បជ្ជតិ អារម្មណបច្ចយា – បដិសន្ធិក្ខណេ មហគ្គតំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ…បេ…. (១)

អធិបតិបច្ចយោ

៦. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ អធិបតិបច្ចយា – បរិត្តំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ, ទ្វេ ខន្ធេ…បេ… ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច ចិត្តសមុដ្ឋានំ រូបំ ឧបាទារូបំ. (១)

មហគ្គតំ ធម្មំ បដិច្ច មហគ្គតោ ធម្មោ ឧប្បជ្ជតិ អធិបតិបច្ចយា – មហគ្គតំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

មហគ្គតំ ធម្មំ បដិច្ច បរិត្តោ ធម្មោ ឧប្បជ្ជតិ អធិបតិបច្ចយា – មហគ្គតេ ខន្ធេ បដិច្ច ចិត្តសមុដ្ឋានំ រូបំ. (២)

មហគ្គតំ ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ អធិបតិបច្ចយា – មហគ្គតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

អប្បមាណំ ធម្មំ បដិច្ច អប្បមាណោ ធម្មោ ឧប្បជ្ជតិ អធិបតិបច្ចយា – អប្បមាណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

អប្បមាណំ ធម្មំ បដិច្ច បរិត្តោ ធម្មោ ឧប្បជ្ជតិ អធិបតិបច្ចយា – អប្បមាណេ ខន្ធេ បដិច្ច ចិត្តសមុដ្ឋានំ រូបំ. (២)

អប្បមាណំ ធម្មំ បដិច្ច បរិត្តោ ច អប្បមាណោ ច ធម្មា ឧប្បជ្ជន្តិ អធិបតិបច្ចយា – អប្បមាណំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

៧. បរិត្តញ្ច អប្បមាណញ្ច ធម្មំ បដិច្ច បរិត្តោ ធម្មោ ឧប្បជ្ជតិ អធិបតិបច្ចយា – អប្បមាណេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

បរិត្តញ្ច មហគ្គតញ្ច ធម្មំ បដិច្ច បរិត្តោ ធម្មោ ឧប្បជ្ជតិ អធិបតិបច្ចយា – មហគ្គតេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

អនន្តរបច្ចយាទិ

៨. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ អនន្តរបច្ចយា… សមនន្តរបច្ចយា… សហជាតបច្ចយា (សព្ពេបិ មហាភូតា កាតព្ពា)… អញ្ញមញ្ញបច្ចយា… និស្សយបច្ចយា… ឧបនិស្សយបច្ចយា … បុរេជាតបច្ចយា (តិស្សោ បញ្ហា កាតព្ពា)… អាសេវនបច្ចយា (តិស្សោ បញ្ហា កាតព្ពា)… កម្មបច្ចយា… វិបាកបច្ចយា (តេរស បញ្ហា)… អាហារបច្ចយា… ឥន្ទ្រិយបច្ចយា… ឈានបច្ចយា… មគ្គបច្ចយា,… សម្បយុត្តបច្ចយា… វិប្បយុត្តបច្ចយា… អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា.

១. បច្ចយានុលោមំ

២. សង្ខ្យាវារោ

៩. ហេតុយា តេរស, អារម្មណេ បញ្ច, អធិបតិយា នវ, អនន្តរេ បញ្ច, សមនន្តរេ បញ្ច, សហជាតេ តេរស, អញ្ញមញ្ញេ សត្ត, និស្សយេ តេរស, ឧបនិស្សយេ បញ្ច, បុរេជាតេ តីណិ, អាសេវនេ តីណិ, កម្មេ តេរស, វិបាកេ តេរស, អាហារេ ឥន្ទ្រិយេ ឈានេ មគ្គេ តេរស, សម្បយុត្តេ បញ្ច, វិប្បយុត្តេ តេរស, អត្ថិយា តេរស, នត្ថិយា បញ្ច, វិគតេ បញ្ច, អវិគតេ តេរស.

អនុលោមំ.