១. វិភង្គវារោ

នហេតុបច្ចយោ

៤៥. បរិត្តំ ធម្មំ សំសដ្ឋោ បរិត្តោ ធម្មោ ឧប្បជ្ជតិ នហេតុបច្ចយា – អហេតុកំ បរិត្តំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ… វិចិកិច្ឆាសហគតេ ឧទ្ធច្ចសហគតេ ខន្ធេ សំសដ្ឋោ វិចិកិច្ឆាសហគតោ ឧទ្ធច្ចសហគតោ មោហោ. (១)

នអធិបតិបច្ចយោ

៤៦. បរិត្តំ ធម្មំ សំសដ្ឋោ បរិត្តោ ធម្មោ ឧប្បជ្ជតិ នអធិបតិបច្ចយា – បរិត្តំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

មហគ្គតំ ធម្មំ សំសដ្ឋោ មហគ្គតោ ធម្មោ ឧប្បជ្ជតិ នអធិបតិបច្ចយា – មហគ្គតេ ខន្ធេ សំសដ្ឋា មហគ្គតា អធិបតិ, វិបាកំ មហគ្គតំ ឯកំ ខន្ធំ សំសដ្ឋា…បេ… បដិសន្ធិក្ខណេ…បេ…. (១)

អប្បមាណំ ធម្មំ សំសដ្ឋោ អប្បមាណោ ធម្មោ ឧប្បជ្ជតិ នអធិបតិបច្ចយា – អប្បមាណេ ខន្ធេ សំសដ្ឋា អប្បមាណា អធិបតិ. (១)

នបុរេជាតបច្ចយោ

៤៧. បរិត្តំ ធម្មំ សំសដ្ឋោ បរិត្តោ ធម្មោ ឧប្បជ្ជតិ នបុរេជាតបច្ចយា – អរូបេ បរិត្តំ ឯកំ ខន្ធំ សំសដ្ឋា តយោ ខន្ធា…បេ… បដិសន្ធិក្ខណេ…បេ…. (១)

មហគ្គតំ ធម្មំ សំសដ្ឋោ មហគ្គតោ ធម្មោ ឧប្បជ្ជតិ នបុរេជាតបច្ចយា – អរូបេ មហគ្គតំ ឯកំ ខន្ធំ សំសដ្ឋា តយោ ខន្ធា…បេ… បដិសន្ធិក្ខណេ…បេ…. (១)

អប្បមាណំ ធម្មំ សំសដ្ឋោ អប្បមាណោ ធម្មោ ឧប្បជ្ជតិ នបុរេជាតបច្ចយា – អរូបេ អប្បមាណំ ឯកំ ខន្ធំ សំសដ្ឋា តយោ ខន្ធា…បេ…. (១)

នបច្ឆាជាត-នអាសេវនបច្ចយា

៤៨. បរិត្តំ ធម្មំ សំសដ្ឋោ បរិត្តោ ធម្មោ ឧប្បជ្ជតិ នបច្ឆាជាតបច្ចយា… នអាសេវនបច្ចយា – បរិត្តំ ឯកំ ខន្ធំ សំសដ្ឋា តយោ ខន្ធា…បេ… បដិសន្ធិក្ខណេ…បេ…. (១)

មហគ្គតំ ធម្មំ សំសដ្ឋោ មហគ្គតោ ធម្មោ ឧប្បជ្ជតិ នអាសេវនបច្ចយា – វិបាកំ មហគ្គតំ ឯកំ ខន្ធំ សំសដ្ឋា តយោ ខន្ធា…បេ… បដិសន្ធិក្ខណេ…បេ…. (១)

អប្បមាណំ ធម្មំ សំសដ្ឋោ អប្បមាណោ ធម្មោ ឧប្បជ្ជតិ នអាសេវនបច្ចយា – វិបាកំ អប្បមាណំ ឯកំ ខន្ធំ សំសដ្ឋា តយោ ខន្ធា…បេ…. (១)

នកម្មបច្ចយោ

៤៩. បរិត្តំ ធម្មំ សំសដ្ឋោ បរិត្តោ ធម្មោ ឧប្បជ្ជតិ នកម្មបច្ចយា – បរិត្តេ ខន្ធេ សំសដ្ឋា បរិត្តា ចេតនា. (១)

មហគ្គតំ ធម្មំ សំសដ្ឋោ មហគ្គតោ ធម្មោ ឧប្បជ្ជតិ នកម្មបច្ចយា – មហគ្គតេ ខន្ធេ សំសដ្ឋា មហគ្គតា ចេតនា. (១)

អប្បមាណំ ធម្មំ សំសដ្ឋោ អប្បមាណោ ធម្មោ ឧប្បជ្ជតិ នកម្មបច្ចយា – កុសលេ អប្បមាណេ ខន្ធេ សំសដ្ឋា អប្បមាណា ចេតនា. (១)

នវិបាកបច្ចយោ

៥០. បរិត្តំ ធម្មំ សំសដ្ឋោ បរិត្តោ ធម្មោ ឧប្បជ្ជតិ នវិបាកបច្ចយា – បរិត្តំ ឯកំ ខន្ធំ សំសដ្ឋា តយោ ខន្ធា…បេ…. (១)

មហគ្គតំ ធម្មំ សំសដ្ឋោ មហគ្គតោ ធម្មោ ឧប្បជ្ជតិ នវិបាកបច្ចយា – មហគ្គតំ ឯកំ ខន្ធំ សំសដ្ឋា តយោ ខន្ធា…បេ…. (១)

អប្បមាណំ ធម្មំ សំសដ្ឋោ អប្បមាណោ ធម្មោ ឧប្បជ្ជតិ នវិបាកបច្ចយា – កុសលំ អប្បមាណំ ឯកំ ខន្ធំ សំសដ្ឋា តយោ ខន្ធា…បេ…. (១)

នឈានបច្ចយាទិ

៥១. បរិត្តំ ធម្មំ សំសដ្ឋោ បរិត្តោ ធម្មោ ឧប្បជ្ជតិ នឈានបច្ចយា… នមគ្គបច្ចយា… នវិប្បយុត្តបច្ចយា – អរូបេ បរិត្តំ ឯកំ ខន្ធំ សំសដ្ឋា តយោ ខន្ធា…បេ…. (១)

មហគ្គតំ ធម្មំ សំសដ្ឋោ មហគ្គតោ ធម្មោ ឧប្បជ្ជតិ នវិប្បយុត្តបច្ចយា – អរូបេ មហគ្គតំ ឯកំ ខន្ធំ សំសដ្ឋា តយោ ខន្ធា…បេ…. (១)

អប្បមាណំ ធម្មំ សំសដ្ឋោ អប្បមាណោ ធម្មោ ឧប្បជ្ជតិ នវិប្បយុត្តបច្ចយា – អរូបេ អប្បមាណំ ឯកំ ខន្ធំ សំសដ្ឋា តយោ ខន្ធា…បេ…. (១)

២. បច្ចយបច្ចនីយំ

២. សង្ខ្យាវារោ

៥២. នហេតុយា ឯកំ, នអធិបតិយា តីណិ, នបុរេជាតេ តីណិ, នបច្ឆាជាតេ តីណិ, នអាសេវនេ តីណិ, នកម្មេ តីណិ, នវិបាកេ តីណិ, នឈានេ ឯកំ, នមគ្គេ ឯកំ, នវិប្បយុត្តេ តីណិ (ឯវំ គណេតព្ពំ).

បច្ចនីយំ.

៣. បច្ចយានុលោមបច្ចនីយំ

៥៣. ហេតុបច្ចយា នអធិបតិយា តីណិ, នបុរេជាតេ នបច្ឆាជាតេ នអាសេវនេ នកម្មេ នវិបាកេ នវិប្បយុត្តេ តីណិ (ឯវំ គណតព្ពំ).

អនុលោមបច្ចនីយំ.

៤. បច្ចយបច្ចនីយានុលោមំ

៥៤. នហេតុបច្ចយា អារម្មណេ ឯកំ, អនន្តរេ ឯកំ…បេ… អវិគតេ ឯក (ឯវំ គណេតព្ពំ).

បច្ចនីយានុលោមំ.

សំសដ្ឋវារោ.