៤. បច្ចយបច្ចនីយានុលោមំ

នហេតុទុកំ

៧៥. នហេតុបច្ចយា អារម្មណេ បញ្ច, អធិបតិយា នវ, អនន្តរេ អដ្ឋ, សមនន្តរេ អដ្ឋ, សហជាតេ នវ, អញ្ញមញ្ញេ តីណិ, និស្សយេ តេរស, ឧបនិស្សយេ អដ្ឋ, បុរេជាតេ តីណិ, បច្ឆាជាតេ តីណិ, អាសេវនេ ទ្វេ, កម្មេ អដ្ឋ, វិបាកេ អាហារេ ឥន្ទ្រិយេ ឈានេ មគ្គេ សត្ត, សម្បយុត្តេ តីណិ, វិប្បយុត្តេ បញ្ច, អត្ថិយា តេរស, នត្ថិយា អដ្ឋ, វិគតេ អដ្ឋ, អវិគតេ តេរស (ឯវំ គណេតព្ពំ).

បច្ចនីយានុលោមំ.

បញ្ហាវារោ.

សេក្ខត្តិកំ និដ្ឋិតំ.