២. បច្ចនីយុទ្ធារោ

៦៩. សេក្ខោ ធម្មោ សេក្ខស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

សេក្ខោ ធម្មោ អសេក្ខស្ស ធម្មស្ស ឧបនិស្សយបច្ចយេន បច្ចយោ. (២)

សេក្ខោ ធម្មោ នេវសេក្ខនាសេក្ខស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. (៣)

សេក្ខោ ធម្មោ សេក្ខស្ស ច នេវសេក្ខនាសេក្ខស្ស ច ធម្មស្ស សហជាតបច្ចយេន បច្ចយោ. (៤)

៧០. អសេក្ខោ ធម្មោ អសេក្ខស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

អសេក្ខោ ធម្មោ នេវសេក្ខនាសេក្ខស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. (២)

អសេក្ខោ ធម្មោ អសេក្ខស្ស ច នេវសេក្ខនាសេក្ខស្ស ច ធម្មស្ស សហជាតបច្ចយេន បច្ចយោ. (៣)

៧១. នេវសេក្ខនាសេក្ខោ ធម្មោ នេវសេក្ខនាសេក្ខស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)

នេវសេក្ខនាសេក្ខោ ធម្មោ សេក្ខស្ស ធម្មស្ស ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (២)

នេវសេក្ខនាសេក្ខោ ធម្មោ អសេក្ខស្ស ធម្មស្ស ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (៣)

៧២. សេក្ខោ ច នេវសេក្ខនាសេក្ខោ ច ធម្មា សេក្ខស្ស ធម្មស្ស សហជាតំ, បុរេជាតំ. (១)

សេក្ខោ ច នេវសេក្ខនាសេក្ខោ ច ធម្មា នេវសេក្ខនាសេក្ខស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ. (២)

អសេក្ខោ ច នេវសេក្ខនាសេក្ខោ ច ធម្មា អសេក្ខស្ស ធម្មស្ស សហជាតំ, បុរេជាតំ. (១)

អសេក្ខោ ច នេវសេក្ខនាសេក្ខោ ច ធម្មា នេវសេក្ខនាសេក្ខស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ. (២)