១. វិភង្គវារោ

ហេតុបច្ចយោ

១. សេក្ខំ ធម្មំ បដិច្ច សេក្ខោ ធម្មោ ឧប្បជ្ជតិ ហេតុបច្ចយា – សេក្ខំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

សេក្ខំ ធម្មំ បដិច្ច នេវសេក្ខនាសេក្ខោ [នេវសេខានាសេខោ (សី.), នេវសេក្ខានាសេក្ខោ (ស្យា. ក.)] ធម្មោ ឧប្បជ្ជតិ ហេតុបច្ចយា – សេក្ខេ ខន្ធេ បដិច្ច ចិត្តសមុដ្ឋានំ រូបំ. (២)

សេក្ខំ ធម្មំ បដិច្ច សេក្ខោ ច នេវសេក្ខនាសេក្ខោ ច ធម្មា ឧប្បជ្ជន្តិ ហេតុបច្ចយា – សេក្ខំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

២. អសេក្ខំ ធម្មំ បដិច្ច អសេក្ខោ ធម្មោ ឧប្បជ្ជតិ ហេតុបច្ចយា – អសេក្ខំ ឯកំ ខន្ធំ បដិច្ច តយោ ខន្ធា…បេ…. (១)

អសេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ ហេតុបច្ចយា – អសេក្ខេ ខន្ធេ បដិច្ច ចិត្តសមុដ្ឋានំ រូបំ. (២)

អសេក្ខំ ធម្មំ បដិច្ច អសេក្ខោ ច នេវសេក្ខនាសេក្ខោ ច ធម្មា…បេ… អសេក្ខំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

៣. នេវសេក្ខនាសេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ ហេតុបច្ចយា – នេវសេក្ខនាសេក្ខំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ …បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ បដិច្ច តយោ មហាភូតា…បេ… ទ្វេ មហាភូតេ បដិច្ច ទ្វេ មហាភូតា, មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ. (១)

សេក្ខញ្ច នេវសេក្ខនាសេក្ខញ្ច ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ ហេតុបច្ចយា – សេក្ខេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

អសេក្ខញ្ច នេវសេក្ខនាសេក្ខញ្ច ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ ហេតុបច្ចយា – អសេក្ខេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

អារម្មណបច្ចយាទិ

៤. សេក្ខំ ធម្មំ បដិច្ច សេក្ខោ ធម្មោ ឧប្បជ្ជតិ អារម្មណបច្ចយា… អធិបតិបច្ចយា (បដិសន្ធិ នត្ថិ)… អនន្តរបច្ចយា… សមនន្តរបច្ចយា… សហជាតបច្ចយា (សព្ពេ មហាភូតា កាតព្ពា)… អញ្ញមញ្ញបច្ចយា… និស្សយបច្ចយា… ឧបនិស្សយបច្ចយា… បុរេជាតបច្ចយា… អាសេវនបច្ចយា – សេក្ខំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ….

នេវសេក្ខនាសេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ អាសេវនបច្ចយា – នេវសេក្ខនាសេក្ខំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ …បេ… កម្មបច្ចយា, វិបាកបច្ចយា – វិបាកំ សេក្ខំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… (តីណិ, បរិបុណ្ណំ).

អសេក្ខំ ធម្មំ បដិច្ច អសេក្ខោ ធម្មោ ឧប្បជ្ជតិ វិបាកបច្ចយា – អសេក្ខំ ឯកំ ខន្ធំ បដិច្ច… តីណិ.

នេវសេក្ខនាសេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ វិបាកបច្ចយា – វិបាកំ នេវសេក្ខនាសេក្ខំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ…. (១)

សេក្ខញ្ច នេវសេក្ខនាសេក្ខញ្ច ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ វិបាកបច្ចយា – វិបាកេ សេក្ខេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

អសេក្ខញ្ច នេវសេក្ខនាសេក្ខញ្ច ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ វិបាកបច្ចយា – អសេក្ខេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

អាហារបច្ចយាទិ

៥. សេក្ខំ ធម្មំ បដិច្ច សេក្ខោ ធម្មោ ឧប្បជ្ជតិ អាហារបច្ចយា… ឥន្ទ្រិយបច្ចយា… ឈានបច្ចយា… មគ្គបច្ចយ… សម្បយុត្តបច្ចយា… វិប្បយុត្តបច្ចយា… អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា.