១. វិភង្គវារោ

នហេតុបច្ចយោ

៨. អាចយគាមិំ ធម្មំ បដិច្ច អាចយគាមី ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

នេវាចយគាមិនាបចយគាមិំ ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ នហេតុបច្ចយា – អហេតុកំ នេវាចយគាមិនាបចយគាមិំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ…. (១)

នអារម្មណបច្ចយោ

៩. អាចយគាមិំ ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ នអារម្មណបច្ចយា – អាចយគាមី ខន្ធេ បដិច្ច ចិត្តសមុដ្ឋានំ រូបំ. (១)

អបចយគាមិំ ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ នអារម្មណបច្ចយា – អបចយគាមី ខន្ធេ បដិច្ច ចិត្តសមុដ្ឋានំ រូបំ. (១)

នេវាចយគាមិនាបចយគាមិំ ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ នអារម្មណបច្ចយា – នេវាចយគាមិនាបចយគាមី ខន្ធេ បដិច្ច ចិត្តសមុដ្ឋានំ រូបំ. បដិសន្ធិក្ខណេ…បេ… ខន្ធេ បដិច្ច វត្ថុ…បេ… ឯកំ មហាភូតំ…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ…. (១)

អាចយគាមិញ្ច នេវាចយគាមិនាបចយគាមិញ្ច ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ នអារម្មណបច្ចយា – អាចយគាមី ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

អបចយគាមិញ្ច នេវាចយគាមិនាបចយគាមិញ្ច ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ នអារម្មណបច្ចយា – អបចយគាមី ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

នអធិបតិបច្ចយោ

១០. អាចយគាមិំ ធម្មំ បដិច្ច អាចយគាមី ធម្មោ ឧប្បជ្ជតិ នអធិបតិបច្ចយា… តីណិ.

អបចយគាមិំ ធម្មំ បដិច្ច អបចយគាមី ធម្មោ ឧប្បជ្ជតិ នអធិបតិបច្ចយា – អបចយគាមី ខន្ធេ បដិច្ច អបចយគាមី អធិបតិ. (១)

នេវាចយគាមិនាបចយគាមិំ ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ នអធិបតិបច្ចយា – នេវាចយគាមិនាបចយគាមិំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ…. (១)

អាចយគាមិញ្ច នេវាចយគាមិនាបចយគាមិញ្ច ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ នអធិបតិបច្ចយា – អាចយគាមី ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

នអនន្តរបច្ចយាទិ

១១. អាចយគាមិំ ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ នអនន្តរបច្ចយា… នសមនន្តរបច្ចយា… នអញ្ញមញ្ញបច្ចយា… នឧបនិស្សយបច្ចយា… នបុរេជាតបច្ចយា (កុសលត្តិកសទិសា សត្ត បញ្ហា)… នបច្ឆាជាតបច្ចយា.

នអាសេវនបច្ចយោ

១២. អាចយគាមិំ ធម្មំ បដិច្ច អាចយគាមី ធម្មោ ឧប្បជ្ជតិ នអាសេវនបច្ចយា… តីណិ.

អបចយគាមិំ ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ នអាសេវនបច្ចយា – អបចយគាមី ខន្ធេ បដិច្ច ចិត្តសមុដ្ឋានំ រូបំ. (១)

នេវាចយគាមិនាបចយគាមិំ ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ នអាសេវនបច្ចយា (ឯកា បញ្ហា សព្ពេ មហាភូតា កាតព្ពា).

អាចយគាមិញ្ច នេវាចយគាមិនាបចយគាមិញ្ច ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ នអាសេវនបច្ចយា – អាចយគាមី ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

អបចយគាមិញ្ច នេវាចយគាមិនាបចយគាមិញ្ច ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ នអាសេវនបច្ចយា – អបចយគាមី ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

នកម្មបច្ចយោ

១៣. អាចយគាមិំ ធម្មំ បដិច្ច អាចយគាមី ធម្មោ ឧប្បជ្ជតិ នកម្មបច្ចយា – អាចយគាមី ខន្ធេ បដិច្ច អាចយគាមី ចេតនា. (១)

អបចយគាមិំ ធម្មំ បដិច្ច អបចយគាមី ធម្មោ ឧប្បជ្ជតិ នកម្មបច្ចយា – អបចយគាមី ខន្ធេ បដិច្ច អបចយគាមី ចេតនា. (១)

នេវាចយគាមិនាបចយគាមិំ ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ នកម្មបច្ចយា – នេវាចយគាមិនាបចយគាមី ខន្ធេ បដិច្ច នេវាចយគាមិនាបចយគាមី ចេតនា; ពាហិរំ… អាហារសមុដ្ឋានំ… ឧតុសមុដ្ឋានំ… ឯកំ មហាភូតំ…បេ…. (១)

នវិបាកបច្ចយាទិ

១៤. អាចយគាមិំ ធម្មំ បដិច្ច អាចយគាមី ធម្មោ ឧប្បជ្ជតិ នវិបាកបច្ចយា (បរិបុណ្ណំ, បដិសន្ធិ នត្ថិ)… នអាហារបច្ចយា… នឥន្ទ្រិយបច្ចយា… នឈានបច្ចយា… នមគ្គបច្ចយា… នសម្បយុត្តបច្ចយា… នវិប្បយុត្តបច្ចយា (តីណិ)… នោនត្ថិបច្ចយា… នោវិគតបច្ចយា.