២. សង្ខ្យាវារោ

សុទ្ធំ

៦៨. ហេតុយា សត្ត, អារម្មណេ សត្ត, អធិបតិយា ទស, អនន្តរេ ឆ, សមនន្តរេ ឆ, សហជាតេ នវ, អញ្ញមញ្ញេ តីណិ, និស្សយេ តេរស, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ តីណិ, កម្មេ សត្ត, វិបាកេ ឯកំ, អាហារេ សត្ត, ឥន្ទ្រិយេ សត្ត, ឈានេ សត្ត, មគ្គេ សត្ត, សម្បយុត្តេ តីណិ, វិប្បយុត្តេ បញ្ច, អត្ថិយា តេរស, នត្ថិយា ឆ, វិគតេ ឆ, អវិគតេ តេរស.

អនុលោមំ.

បច្ចនីយុទ្ធារោ

៦៩. អាចយគាមី ធម្មោ អាចយគាមិស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

អាចយគាមី ធម្មោ អបចយគាមិស្ស ធម្មស្ស ឧបនិស្សយបច្ចយេន បច្ចយោ. (២)

អាចយគាមី ធម្មោ នេវាចយគាមិនាបចយគាមិស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ. (៣)

អាចយគាមី ធម្មោ អាចយគាមិស្ស ច នេវាចយគាមិនាបចយគាមិស្ស ច ធម្មស្ស សហជាតបច្ចយេន បច្ចយោ. (៤)

៧០. អបចយគាមី ធម្មោ អបចយគាមិស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

អបចយគាមី ធម្មោ អាចយគាមិស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ. (២)

អបចយគាមី ធម្មោ នេវាចយគាមិនាបចយគាមិស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. (៣)

អបចយគាមី ធម្មោ អបចយគាមិស្ស ច នេវាចយគាមិនាបចយគាមិស្ស ច ធម្មស្ស សហជាតបច្ចយេន បច្ចយោ. (៤)

៧១. នេវាចយគាមិនាបចយគាមី ធម្មោ នេវាចយគាមិនាបចយគាមិស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)

នេវាចយគាមិនាបចយគាមី ធម្មោ អាចយគាមិស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (២)

នេវាចយគាមិនាបចយគាមី ធម្មោ អបចយគាមិស្ស ធម្មស្ស ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (៣)

៧២. អាចយគាមី ច នេវាចយគាមិនាបចយគាមី ច ធម្មា អាចយគាមិស្ស ធម្មស្ស សហជាតំ, បុរេជាតំ. (១)

អាចយគាមី ច នេវាចយគាមិនាបចយគាមី ច ធម្មា នេវាចយគាមិនាបចយគាមិស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ. (២)

អបចយគាមី ច នេវាចយគាមិនាបចយគាមី ច ធម្មា អបចយគាមិស្ស ធម្មស្ស សហជាតំ, បុរេជាតំ. (១)

អបចយគាមី ច នេវាចយគាមិនាបចយគាមី ច ធម្មា នេវាចយគាមិនាបចយគាមិស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ. (២)