១. វិភង្គវារោ

ហេតុបច្ចយោ

១. អាចយគាមិំ ធម្មំ បដិច្ច អាចយគាមី ធម្មោ ឧប្បជ្ជតិ ហេតុបច្ចយា – អាចយគាមិំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

អាចយគាមិំ ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ ហេតុបច្ចយា – អាចយគាមី ខន្ធេ បដិច្ច ចិត្តសមុដ្ឋានំ រូបំ. (២)

អាចយគាមិំ ធម្មំ បដិច្ច អាចយគាមី ច នេវាចយគាមិនាបចយគាមី ច ធម្មា ឧប្បជ្ជន្តិ ហេតុបច្ចយា – អាចយគាមិំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ. (៣)

២. អបចយគាមិំ ធម្មំ បដិច្ច អបចយគាមី ធម្មោ ឧប្បជ្ជតិ ហេតុបច្ចយា – អបចយគាមិំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

អបចយគាមិំ ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ ហេតុបច្ចយា – អបចយគាមី ខន្ធេ បដិច្ច ចិត្តសមុដ្ឋានំ រូបំ. (២)

អបចយគាមិំ ធម្មំ បដិច្ច អបចយគាមី ច នេវាចយគាមិនាបចយគាមី ច ធម្មា ឧប្បជ្ជន្តិ ហេតុបច្ចយា – អបចយគាមិំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ. (៣)

៣. នេវាចយគាមិនាបចយគាមិំ ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ ហេតុបច្ចយា – នេវាចយគាមិនាបចយគាមិំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ នេវាចយគាមិនាបចយគាមិំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ… ទ្វេ ខន្ធេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ បដិច្ច តយោ មហាភូតា…បេ… ទ្វេ មហាភូតេ បដិច្ច ទ្វេ មហាភូតា; មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ. (១)

អាចយគាមិញ្ច នេវាចយគាមិនាបចយគាមិញ្ច ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ ហេតុបច្ចយា – អាចយគាមី ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

អបចយគាមិញ្ច នេវាចយគាមិនាបចយគាមិញ្ច ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ ហេតុបច្ចយា – អបចយគាមី ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

អារម្មណបច្ចយោ

៤. អាចយគាមិំ ធម្មំ បដិច្ច អាចយគាមី ធម្មោ ឧប្បជ្ជតិ អារម្មណបច្ចយា – អាចយគាមិំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

អបចយគាមិំ ធម្មំ បដិច្ច អបចយគាមី ធម្មោ ឧប្បជ្ជតិ អារម្មណបច្ចយា – អបចយគាមិំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

នេវាចយគាមិនាបចយគាមិំ ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ អារម្មណបច្ចយា – នេវាចយគាមិនាបចយគាមិំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. បដិសន្ធិក្ខណេ…បេ… វត្ថុំ បដិច្ច ខន្ធា. (១)

អធិបតិបច្ចយោ

៥. អាចយគាមិំ ធម្មំ បដិច្ច អាចយគាមី ធម្មោ ឧប្បជ្ជតិ អធិបតិបច្ចយា… តីណិ.

អបចយគាមិំ ធម្មំ បដិច្ច អបចយគាមី ធម្មោ ឧប្បជ្ជតិ អធិបតិបច្ចយា… តីណិ.

នេវាចយគាមិនាបចយគាមិំ ធម្មំ បដិច្ច នេវាចយគាមិនាបចយគាមី ធម្មោ… ឯកំ (បដិសន្ធិ នត្ថិ); ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច ចិត្តសមុដ្ឋានំ រូបំ ឧបាទារូបំ. (១)

អាចយគាមិញ្ច នេវាចយគាមិនាបចយគាមិញ្ច ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ អធិបតិបច្ចយា – អាចយគាមី ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

អបចយគាមិញ្ច នេវាចយគាមិនាបចយគាមិញ្ច ធម្មំ បដិច្ច នេវាចយគាមិនាបចយគាមី ធម្មោ ឧប្បជ្ជតិ អធិបតិបច្ចយា – អបចយគាមី ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

អនន្តរបច្ចយាទិ

៦. អាចយគាមិំ ធម្មំ បដិច្ច, អាចយគាមី ធម្មោ ឧប្បជ្ជតិ អនន្តរបច្ចយា… សមនន្តរបច្ចយា … សហជាតបច្ចយា (សព្ពេបិ មហាភូតា កាតព្ពា)… អញ្ញមញ្ញបច្ចយា (ចិត្តសមុដ្ឋានម្បិ កដត្តារូបម្បិ ឧបាទារូបម្បិ នត្ថិ)… និស្សយបច្ចយា… ឧបនិស្សយបច្ចយា… បុរេជាតបច្ចយា… អាសេវនបច្ចយា… កម្មបច្ចយា… វិបាកបច្ចយា… អាហារបច្ចយា… ឥន្ទ្រិយបច្ចយា… ឈានបច្ចយា… មគ្គបច្ចយា… សម្បយុត្តបច្ចយា… វិប្បយុត្តបច្ចយា… អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា….