១. វិភង្គវារោ

នហេតុបច្ចយោ

២៦. អាចយគាមិំ ធម្មំ បច្ចយា អាចយគាមី ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បច្ចយា វិចិកិច្ឆាសហគតោ ឧទ្ធច្ចសហគតោ មោហោ. (១)

នេវាចយគាមិនាបចយគាមិំ ធម្មំ បច្ចយា នេវាចយគាមិនាបចយគាមី ធម្មោ ឧប្បជ្ជតិ នហេតុបច្ចយា – អហេតុកំ នេវាចយគាមិនាបចយគាមិំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ… អសញ្ញសត្តានំ ឯកំ មហាភូតំ…បេ… ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ. វត្ថុំ បច្ចយា អហេតុកា នេវាចយគាមិនាបចយគាមី ខន្ធា. (១)

នេវាចយគាមិនាបចយគាមិំ ធម្មំ បច្ចយា អាចយគាមី ធម្មោ ឧប្បជ្ជតិ នហេតុបច្ចយា – វត្ថុំ បច្ចយា វិចិកិច្ឆាសហគតោ ឧទ្ធច្ចសហគតោ មោហោ. (២)

អាចយគាមិញ្ច នេវាចយគាមិនាបចយគាមិញ្ច ធម្មំ បច្ចយា អាចយគាមី ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ. (១)

នអារម្មណបច្ចយោ

២៧. អាចយគាមិំ ធម្មំ បច្ចយា នេវាចយគាមិនាបចយគាមី ធម្មោ ឧប្បជ្ជតិ នអារម្មណបច្ចយា (សំខិត្តំ. បដិច្ចវារសទិសំ).

នអធិបតិបច្ចយោ

២៨. អាចយគាមិំ ធម្មំ បច្ចយា អាចយគាមី ធម្មោ ឧប្បជ្ជតិ នអធិបតិបច្ចយា… តីណិ.

អបចយគាមិំ ធម្មំ បច្ចយា អបចយគាមី ធម្មោ ឧប្បជ្ជតិ នអធិបតិបច្ចយា – អបចយគាមី ខន្ធេ បច្ចយា អបចយគាមី អធិបតិ. (១)

នេវាចយគាមិនាបចយគាមិំ ធម្មំ បច្ចយា នេវាចយគាមិនាបចយគាមី ធម្មោ ឧប្បជ្ជតិ នអធិបតិបច្ចយា…បេ… អសញ្ញសត្តានំ…បេ… ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ. វត្ថុំ បច្ចយា នេវាចយគាមិនាបចយគាមី ខន្ធា. (១)

នេវាចយគាមិនាបចយគាមិំ ធម្មំ បច្ចយា អាចយគាមី ធម្មោ ឧប្បជ្ជតិ នអធិបតិបច្ចយា – វត្ថុំ បច្ចយា អាចយគាមី ខន្ធា. (២)

នេវាចយគាមិនាបចយគាមិំ ធម្មំ បច្ចយា អបចយគាមី ធម្មោ ឧប្បជ្ជតិ នអធិបតិបច្ចយា – វត្ថុំ បច្ចយា អបចយគាមី អធិបតិ. (៣)

នេវាចយគាមិនាបចយគាមិំ ធម្មំ បច្ចយា អាចយគាមី ច នេវាចយគាមិនាបចយគាមី ច ធម្មា ឧប្បជ្ជន្តិ នអធិបតិបច្ចយា – វត្ថុំ បច្ចយា អាចយគាមី ខន្ធា, មហាភូតេ បច្ចយា ចិត្តសមុដ្ឋានំ រូបំ. (៤)

២៩. អាចយគាមិញ្ច នេវាចយគាមិនាបចយគាមិញ្ច ធម្មំ បច្ចយា អាចយគាមី ធម្មោ ឧប្បជ្ជតិ នអធិបតិបច្ចយា – អាចយគាមិំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ…. (១)

អាចយគាមិញ្ច នេវាចយគាមិនាបចយគាមិញ្ច ធម្មំ បច្ចយា នេវាចយគាមិនាបចយគាមី ធម្មោ ឧប្បជ្ជតិ នអធិបតិបច្ចយា – អាចយគាមី ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (២)

អាចយគាមិញ្ច នេវាចយគាមិនាបចយគាមិញ្ច ធម្មំ បច្ចយា អាចយគាមី ច នេវាចយគាមិនាបចយគាមី ច ធម្មា ឧប្បជ្ជន្តិ នអធិបតិបច្ចយា – អាចយគាមិំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ… អាចយគាមី ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (៣)

អបចយគាមិញ្ច នេវាចយគាមិនាបចយគាមិញ្ច ធម្មំ បច្ចយា អបចយគាមី ធម្មោ ឧប្បជ្ជតិ នអធិបតិបច្ចយា – អបចយគាមី ខន្ធេ ច វត្ថុញ្ច បច្ចយា អបចយគាមី អធិបតិ. (១)

នអនន្តរបច្ចយាទិ

៣០. នអនន្តរបច្ចយា… នសមនន្តរបច្ចយា… នអញ្ញមញ្ញបច្ចយា… នឧបនិស្សយបច្ចយា… នបុរេជាតបច្ចយា (បដិច្ចវារសទិសា, សត្ត បញ្ហា)… នបច្ឆាជាតបច្ចយា (បរិបុណ្ណំ).

នអាសេវនបច្ចយោ

៣១. អាចយគាមិំ ធម្មំ បច្ចយា អាចយគាមី ធម្មោ ឧប្បជ្ជតិ នអាសេវនបច្ចយា… តីណិ.

អបចយគាមិំ ធម្មំ បច្ចយា នេវាចយគាមិនាបចយគាមី ធម្មោ ឧប្បជ្ជតិ នអាសេវនបច្ចយា – អបចយគាមី ខន្ធេ បច្ចយា ចិត្តសមុដ្ឋានំ រូបំ. (១)

នេវាចយគាមិនាបចយគាមិំ ធម្មំ បច្ចយា នេវាចយគាមិនាបចយគាមី ធម្មោ ឧប្បជ្ជតិ នអាសេវនបច្ចយា – អសញ្ញសត្តានំ…បេ… ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ. វត្ថុំ បច្ចយា នេវាចយគាមិនាបចយគាមី ខន្ធា. (១)

នេវាចយគាមិនាបចយគាមិំ ធម្មំ បច្ចយា អាចយគាមី ធម្មោ ឧប្បជ្ជតិ នអាសេវនបច្ចយា – វត្ថុំ បច្ចយា អាចយគាមី ខន្ធា. (២)

នេវាចយគាមិនាបចយគាមិំ ធម្មំ បច្ចយា អាចយគាមី ច នេវាចយគាមិនាបចយគាមី ច ធម្មា ឧប្បជ្ជន្តិ នអាសេវនបច្ចយា – វត្ថុំ បច្ចយា អាចយគាមី ខន្ធា, មហាភូតេ បច្ចយា ចិត្តសមុដ្ឋានំ រូបំ. (៣)

អាចយគាមិញ្ច នេវាចយគាមិនាបចយគាមិញ្ច ធម្មំ បច្ចយា អាចយគាមី ធម្មោ ឧប្បជ្ជតិ នអាសេវនបច្ចយា – អាចយគាមិំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ…. (១)

អាចយគាមិញ្ច នេវាចយគាមិនាបចយគាមិញ្ច ធម្មំ បច្ចយា នេវាចយគាមិនាបចយគាមី ធម្មោ ឧប្បជ្ជតិ នអាសេវនបច្ចយា – អាចយគាមី ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (២)

អាចយគាមិញ្ច នេវាចយគាមិនាបចយគាមិញ្ច ធម្មំ បច្ចយា អាចយគាមី ច នេវាចយគាមិនាបចយគាមី ច ធម្មា ឧប្បជ្ជន្តិ នអាសេវនបច្ចយា – អាចយគាមិំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ… អាចយគាមី ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (៣)

អបចយគាមិញ្ច នេវាចយគាមិនាបចយគាមិញ្ច ធម្មំ បច្ចយា នេវាចយគាមិនាបចយគាមី ធម្មោ ឧប្បជ្ជតិ នអាសេវនបច្ចយា – អបចយគាមី ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (១)

នកម្មបច្ចយោ

៣២. អាចយគាមិំ ធម្មំ បច្ចយា អាចយគាមី ធម្មោ ឧប្បជ្ជតិ នកម្មបច្ចយា – អាចយគាមី ខន្ធេ បច្ចយា អាចយគាមី ចេតនា. (១)

អបចយគាមិំ ធម្មំ បច្ចយា អបចយគាមី ធម្មោ ឧប្បជ្ជតិ នកម្មបច្ចយា – អបចយគាមី ខន្ធេ បច្ចយា អបចយគាមី ចេតនា. (១)

នេវាចយគាមិនាបចយគាមិំ ធម្មំ បច្ចយា នេវាចយគាមិនាបចយគាមី ធម្មោ ឧប្បជ្ជតិ នកម្មបច្ចយា – នេវាចយគាមិនាបចយគាមី ខន្ធេ បច្ចយា នេវាចយគាមិនាបចយគាមី ចេតនា; ពាហិរំ… អាហារសមុដ្ឋានំ… ឧតុសមុដ្ឋានំ…បេ… វត្ថុំ បច្ចយា នេវាចយគាមិនាបចយគាមី ចេតនា. (១)

នេវាចយគាមិនាបចយគាមិំ ធម្មំ បច្ចយា អាចយគាមី ធម្មោ ឧប្បជ្ជតិ នកម្មបច្ចយា – វត្ថុំ បច្ចយា អាចយគាមី ចេតនា. (២)

នេវាចយគាមិនាបចយគាមិំ ធម្មំ បច្ចយា អបចយគាមី ធម្មោ ឧប្បជ្ជតិ នកម្មបច្ចយា – វត្ថុំ បច្ចយា អបចយគាមី ចេតនា. (៣)

អាចយគាមិញ្ច នេវាចយគាមិនាបចយគាមិញ្ច ធម្មំ បច្ចយា អាចយគាមី ធម្មោ ឧប្បជ្ជតិ នកម្មបច្ចយា – អាចយគាមី ខន្ធេ ច វត្ថុញ្ច បច្ចយា អាចយគាមី ចេតនា. (១)

អបចយគាមិញ្ច នេវាចយគាមិនាបចយគាមិញ្ច ធម្មំ បច្ចយា អបចយគាមី ធម្មោ ឧប្បជ្ជតិ នកម្មបច្ចយា – អបចយគាមី ខន្ធេ ច វត្ថុញ្ច បច្ចយា អបចយគាមី ចេតនា. (១)

នវិបាកបច្ចយាទិ

៣៣. អាចយគាមិំ ធម្មំ បច្ចយា អាចយគាមី ធម្មោ ឧប្បជ្ជតិ នវិបាកបច្ចយា (បរិបុណ្ណំ កាតព្ពំ, បដិសន្ធិក្ខណេ នត្ថិ).

នេវាចយគាមិនាបចយគាមិំ ធម្មំ បច្ចយា នេវាចយគាមិនាបចយគាមី ធម្មោ ឧប្បជ្ជតិ នអាហារបច្ចយា – ពាហិរំ… ឧតុសមុដ្ឋានំ… អសញ្ញសត្តានំ…បេ… នឥន្ទ្រិយបច្ចយា – ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ… មហាភូតេ បច្ចយា រូបជីវិតិន្ទ្រិយំ… នឈានបច្ចយា – បញ្ចវិញ្ញាណំ…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ… ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ…បេ… នមគ្គបច្ចយា – អហេតុកា នេវាចយគាមិនាបចយគាមី…បេ… អសញ្ញសត្តានំ ឯកំ មហាភូតំ…បេ… ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា នេវាចយគាមិនាបចយគាមី…បេ… នសម្បយុត្តបច្ចយា… នវិប្បយុត្តបច្ចយា (បដិច្ចវារសទិសំ, តីណិ)… នោនត្ថិបច្ចយា… នោវិគតបច្ចយា.